អាជីវកម្មត្រូវតែមានលក្ខណៈខុសប្លែក ប្រសិនបើចង់ឈានមុខឈ្នះដៃគូប្រកួតប្រជែង ។ ប៉ុន្តែមានអាជីវកម្មចម្លែកៗមួយចំនួន ដែលគិតឃើញគំនិតប្លែកៗដែលអ្នកនឹកស្មានមិនដល់ ។ អាជីវកម្មភាគច្រើនត្រូវបានបង្កើតឡើងដោយមនុស្សទូទៅ ដែលមានបញ្ហាសាមញ្ញតែមិនមានដំណោះស្រាយ ។ ដូច្នេះ ពួកគេក៏រកនឹកដំណោះស្រាយដោយខ្លួនឯង និងធ្វើវាឲ្យក្លាយទៅជាអាជីវកម្ម ។
១-Spud Pickles Spud Pickles គឺជាក្រុមហ៊ុនបង្កើតកម្មវិធីទូរស័ព្ទមួយក្នុងសហរដ្ឋអាមេរិកដែលបង្កើត និងជួយមើលកម្មវិធីទូរស័ព្ទឲ្យបុគ្គល ឬអាជីវកម្មដទៃ ។ ប៉ុន្តែកម្មវិធីដែលល្បីជាងគេរបស់ក្រុមហ៊ុននេះ គឺ Ghost Radar ដែលអនុញ្ញាតឲ្យអ្នកប្រើប្រាស់ដឹងថាកន្លែងណាមានខ្មោច ឬវិញ្ញាណតែលតោល ។
ជាក់ស្តែង មិនមានវិទ្យាសាស្ត្រ ឬការស្រាវជ្រាវណាមួយដែលអាចបញ្ជាក់ឲ្យយើងដឹងថាកម្មវិធីនេះពិតជាអាចដឹងពីវិញ្ញាណ ឬខ្មោចបានឬទេ ប៉ុន្តែអ្នកប្រើប្រាស់ភាគច្រើនបាននិយាយថាពួកគេពិតជាមើលឃើញអ្វីចម្លែកពិតមែន ។
២-Deadinhouse.com ក្រុមហ៊ុននេះបានបង្កើតឡើងព្រោះស្ថាបនិករបស់ពួកគេបានប្រទះឃើញមនុស្សម្នាក់ស្លាប់ក្នុងផ្ទះរបស់ខ្លួនមុនពេលលោកបានទិញវា ។ បន្ទាប់មកទើបលោកបានដឹងថា ភ្នាក់ងារលក់អចលនទ្រព្យភាគច្រើនលាក់ព័ត៌មានទាំងនេះពីអ្នកទិញផ្ទះ ។
ដោយហេតុដូចនេះ លោកក៏បានបង្កើតគេហទំព័រមួយដែលប្រាប់មនុស្សថាធ្លាប់មានមរណភាពកើតមានឡើងក្នុងផ្ទះណាមួយ ឬទេដោយគ្រាន់តែបង់ ១១.៩៩ដុល្លារប៉ុណ្ណោះ ។
៣-បន្ទប់ទឹកសត្វ៖ មិនមាននរណាដែលតែងតែអាចនៅផ្ទះមើលថែសត្វចិញ្ចឹមឡើយ ដែលធ្វើឲ្យពួកវានោមពេញផ្ទះ ។ ដូច្នេះ ក្រុមហ៊ុនហ៊ុនមួយឈ្មោះថា The Pet Loo បានជួយដោះស្រាយបញ្ហានេះដោយលក់ក្រណាត់មួយដែលមានរូបរាងដូចស្មៅ ។ ពេលដែលសត្វចិញ្ចឹមនោមលើវា វាក៏មិនធ្វើឲ្យស្អុយបន្ទប់ដែរព្រោះវាត្រូវបានផលិតដោយប្រើប្រាស់ធាតុផ្សំកាត់បន្ថយក្លិនស្អុយ ៕
ចែករំលែកព័តមាននេះ