រាជធានីភ្នំពេញ ៖ សម្តេចក្រឡាហោម ស ខេងឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបាន បញ្ជាក់ថា បើសិនអ្នកបើកបរណាមិនគោរពច្បាប់ចរាចរណ៍រយៈពេលដង នឹងត្រូវដកហូតបណ្ណបើកបរមកទុក ដោយមិនឱ្យបើកបរ ឬចុះក្នុងបញ្ជីខ្មៅ ។ សម្តេច ស ខេងបានលើកឡើងនៅថ្ងៃទីី២១ មករា នៅទីស្តីកការ្រសួងថា យើងត្រូវផាកពិន័យ ឬដាក់ចេញឲ្យដាច់ណាត់ថា នៅពេលអ្នកបើកបរមិនគោរពច្បាប់ចរាចរណ៍ ដោយលើកទី១ ត្រូវចោះម្តង លើកទី២ចោះ២ ដល់លើកទី៣ រឹបអូសបណ្ណបើកបរតែម្តង មានន័យថាអ្នកនោះលែងមានសិទ្ធិបើករបក្នុងរយៈប៉ុន្មាន ដោយចុះក្នុងបញ្ជីខ្មៅតែម្តង ។
សម្តេចគូសបញ្ជាក់ថា៖ «បើកបរហួសល្បឿនក៏ដោយ បើកដោយប្រើគ្រឿងស្រវឹងក៏ដោយ ចំណែកបើកដោយប្រើប្រាស់គ្រឿងញៀន មិនឲ្យបើកបរមួយជីវិតតែម្តង។ ព្រោះថា គ្រោះញៀនមិនអាចជានោះទេ ។ បើអ្នកបើកបរនៅក្រុមហ៊ុនណាមួយ ក្រុមហ៊ុននោះត្រូវទទួលបន្ទុក ។ ដូច្នេះ យើងត្រូវធ្វើការសិក្សាករណីទាំងអស់នេះ»។
សម្តេចបានបន្តថា ការដកសិទ្ធិមិនបើកបរនេះត្រូវច្បាប់រដ្ឋធម្មនុញ្ញាតរួចហើយ ទោះបីជាច្បាប់តែងថាប្រជាពលរដ្ឋមានសិទ្ធិក៏ដោយ ប៉ុន្តែបើគាត់មិនគោរពច្បាប់យើងក៏អាចដកសិទ្ធិបានដែរ ។ សម្តេចគូសបញ្ជាក់ថា៖ «អ្នកស្រវឹងមានសិទ្ធិតែ២ដងទេ បើលើកទី៣ គឺដកបណ្ណបើកបរតែម្តង លែងឲ្យបើកបរថារយៈពេល១ ឬ២ឆ្នាំ តែបើអ្នកប្រើប្រាស់គ្រឿងញៀនគឺមួយជីវិតតែម្តង។ ចំណុចនេះ យើងនិយាយដាច់តែម្តង»។
ជាមួយគ្នានោះដែរ សម្តេចស ខេង បញ្ជាក់ថា ក្នុងឆ្នាំ២០២០នេះ គឺជាឆ្នាំអនុវត្តច្បាប់តែម្តង ហើយសមត្ថកិច្ចត្រូវតែអនុវត្តច្បាប់តែម្តង ។ ដោយមិនត្រូវយកជីវិតមនុស្សទៅលេងសើចបែបនេះទេ ដោយក្នុងមួយឆ្នាំជាង២០០នាក់បានស្លាប់ដោយសារគ្រោះថ្នាក់ចរាចណ៍នេះ។
សម្តេចក៏បានលើកឡើងថា ប្រសិនឆ្នាំនេះមិនមានវិធានការណាមួយច្បាស់លាស់ទេ អ្នកស្លាប់នឹងនៅតែបន្តកើតមាន ហើយវិធានការដែលដាក់ចេញនោះគ្មានប្រសិទ្ធភាព ឬអន់ ។ ដូច្នេះឆ្នាំ២០២០ នេះ គឺជាឆ្នាំអនុវត្តច្បាប់ចរាចរណ៍យ៉ាងខ្លាំង ឬរឹតបន្តឹងជាងឆ្នាំបណ្ឆ្នាំកន្លងមក៕
ចែករំលែកព័តមាននេះ