គុណប្រយោជន៍មួយនៃការមានលុយច្រើន គឺអ្នកអាចទិញយន្តហោះផ្ទាល់ខ្លួនមួយបាន ។ ប៉ុន្តែគុណវិបត្តិមួយនៃការមានលុយច្រើនជ្រុល គឺអ្នកត្រូវគិតគូច្រើនលើវិធីចាយវាយវាឲ្យអស់ ។ ទាំងនេះ គឺជាប្រសាសន៍របស់លោកមហាសេដ្ឋី ប៊ីល ហ្គេតសន៍…
គុណប្រយោជន៍មួយនៃការមានលុយច្រើន គឺអ្នកអាចទិញយន្តហោះផ្ទាល់ខ្លួនមួយបាន ។ ប៉ុន្តែគុណវិបត្តិមួយនៃការមានលុយច្រើនជ្រុល គឺអ្នកត្រូវគិតគូច្រើនលើវិធីចាយវាយវាឲ្យអស់ ។ ទាំងនេះ គឺជាប្រសាសន៍របស់លោកមហាសេដ្ឋី ប៊ីល ហ្គេតសន៍ (Bill Gates) ដែលជាបុរសមានទ្រព្យសម្បត្តិច្រើនជាងគេទីបីលើលោក ។
លោកបានសួរទៅក្រុមសិក្សវិទ្យាល័យដែលបញ្ចប់ការសិក្សាមួយក្រុមកាលពីខែតុលាមុនថា «តើអ្នកទុកលុយអ្នកនៅកន្លែងណា? អ្នកអាចព្យាយាមចាយវាយវាឲ្យអស់ខ្លួនឯង ។ តើអ្នកអាចញុំាបឺហ្គឺបានប៉ុន្មានដុំ? តើអ្នកអាចពាក់អាវធំបានប៉ុន្មានសម្រាប់? វាស្ទើរតែអានន្ទទៅហើយ» ។ លោកមហាសេដ្ឋីរូបនេះក៏មិនមានគម្រោងទុកលុយទាំងអស់ឲ្យកូនៗទាំងបីដែរព្រោះលោកថាវាមិនមែនជាគំនិតល្អទេ ។
ដោយជាហេតុដូចនេះ ទើបលោក និងភរិយារបស់លោកមានតែជម្រើសមួយប៉ុណ្ណោះ នោះគឺអំពើសប្បុរស ជន ។ លោកបានចាប់ផ្តើមមូលនិធិ Bill and Melinda Gates Foundation នៅឆ្នាំ ២០០០ ដោយមានថវិកាសរុប ៥០.១ប៊ីលានដុល្លារដើម្បីជួយដោះស្រាយបញ្ហាភាពក្រីក្រ សុខភាព និងកាត់បន្ថយការអត់ឃ្លានក្នុងប្រទេសក្រីក្រជុំវិញពិភពលោក ខណៈដែលជួយអភិវឌ្ឍន៍វិស័យអប់រំក្នុងសហរដ្ឋអាមេរិក ។
ប៉ុន្តែការសម្រេចចិត្តរបស់លោក ហ្គេតស៍ ក្នុងការបរិច្ចាគទ្រព្យសម្បត្តិទាំងអស់របស់លោកមិនមែនមានន័យថាលោកមិនអាចមានជីវិតដែលសប្បាយ និងពោរពេញទៅដោយសុភមង្គលទេ ។
ឧទាហរណ៍ដូចជាលោកបានទិញយន្តហោះផ្ទាល់ខ្លួនមួយជាដើមដែលជួយឲ្យលោកធ្វើដំណើរដោយកាន់តែងាយស្រួលជាងមុន និងអនុញ្ញាតឲ្យលោកធ្វើការកាន់តែល្អជាងមុនផងដែរ ។ លើសពីនេះទៅទៀត លោកនិងមិត្តជិតស្និទ្ធិរបស់ខ្លួនគឺលោកមហាសេដ្ឋី វារ៉េន បាហ្វេត (Warren Buffett) ជាអ្នកចាប់ផ្តើមការសន្យាជាសាធារណៈថានឹងបរិច្ចាគទ្រព្យសម្បត្តិមួយចំណែករបស់ខ្លួនឲ្យទៅសប្បុរសធម៌ថែមទៀតផង ៕
ចែករំលែកព័តមាននេះ