រាជធានីភ្នំពេញ ៖ កម្ពុជា និងប្រទេសសិង្ហបុរីបានប្រារព្ធខួបលើកទី៥៥ឆ្នាំនៃទំនាក់ទំនងការទូតជាមួយគ្នា ដោយបានចែករំលែកនូវបទពិសោធន៍ល្អៗដល់និស្សិតដែលចូលរួម ។ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជាបានផ្តល់បទពិសោធន៍ល្អៗ…
រាជធានីភ្នំពេញ ៖ កម្ពុជា និងប្រទេសសិង្ហបុរីបានប្រារព្ធខួបលើកទី៥៥ឆ្នាំនៃទំនាក់ទំនងការទូតជាមួយគ្នា ដោយបានចែករំលែកនូវបទពិសោធន៍ល្អៗដល់និស្សិតដែលចូលរួម ។ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជាបានផ្តល់បទពិសោធន៍ល្អៗ ទាក់ទង និងវិស័យការអប់រំនៅកម្ពុជា និងក្រៅប្រទេសដល់និស្សិតដែលជាចូលរួមជាច្រើនរយនាក់ក្នុងកម្មវិធីរំលឹកខួប៥៥ឆ្នាំ នៃទំនាក់ទំនងកម្ពុជា-សិង្ហបុរី នាព្រឹកថ្ងៃទី២១ ខែមករា នៅមជ្ឈមណ្ឌលកិច្ចសហបប្រតិបត្តិការកម្ពុជា- កូរ៉េ ។
លោកបានបញ្ជាក់ប្រាប់អ្នកសារព័ត៌មាន ក្រោយចប់កម្មវិធីយ៉ាងដូច្នេះថា ៖«យើងប្រារព្ធខួបរវាងប្រទេសយើងទាំងនូវទំនាក់ទំនងជាផ្លូវការ៥៥ឆ្នាំ ។ ខ្ញុំក៏សុំបញ្ជាក់ថា ទំនាក់ទំនងប្រទេសទាំងពីរបានឆ្លងកាត់ជាដំណាក់កាលៗតាំងពីដំណាក់សម្តេចតា និងនាយករដ្ឋមន្ត្រីលី ក្វាន់យូ រហូតមកដល់បច្ចុប្បន្ននេះរវាងសម្តេច តេជោ ហ៊ុនសែន និងលោកនាយករដ្ឋមន្ត្រី លី សៀន ឡុង បានថែរក្សាដ៏រឹងមាំរហូត» ។ លោកបានបន្តថាក្នុងក្របខណ្ឌនៃទំនាក់ទំនង៥៥ឆ្នាំនេះសហភាពសហព័ន្ធយុវជន កម្ពុជាបានចូលរួមចំណែកអបអរសាទ ក្នុងនាមប្រជាជន និងប្រជាជនដោយផ្នែកលើទំនាក់ទំនងនេះ កម្ពុជាយើងនឹងយកសិល្បៈខ្មែរធ្វើការសម្តែងរួមគ្នាសិល្បៈសិង្ហបុរីនៅផងដែរ ។
លោកបន្តថា ការធ្វើវេទិការបែបនេះក៏បានផ្តល់ឱកាសដល់យុវជនទាំងកម្ពុជា និងសិង្ហបុរី មកចូលរួមទាំងអស់គ្នាហើយមួយទៀតនឹងធ្វើឲ្យយុវជនកម្ពុជាទៅស្វែងយល់ក្នុងស្មារតី ដោយសប្បាយរីករាយជាមួយគ្នា ដោយហូបអាហារ និងធ្វើប្រាស្រ័យទំនាក់ទំនងក្នុងការផ្លាស់ប្តូរបទពិសោធនពីគ្នាទាំងវិស័យអប់រំ វប្បធម៌ …។ លោក ហ៊ុន ម៉ានី ក៏លើកឡើងទៀតថា ក្នុងកម្មវិធីនោះទេយុវជនទាំងពីរប្រទេសក៏នឹងបានជួបសិល្បៈករ សិល្បៈការិនី និងអ្នកគូគំនូរផងដែរ ។
ដែលផ្អែកតាមមូលដ្ឋានទំនាក់ទំនងប្រជាជន និងប្រជាជននឹងធ្វើឲ្យទំនាក់ទំនងទ្វេភាគីកាន់តែទទួលបាន ភាពល្អប្រសើរ ។ ក្នុងឱកាសនោះដែរ ទាំងលោក ហ៊ុន ម៉ានី និងឯកអគ្គរដ្ឋទូតសិង្ហបុរីប្រចាំនៅកម្ពុជាត្រូវ បាននិស្សិតជាច្រើនសួរសំនួរទាក់ទងវិស័យអប់រំ ការបណ្តុះបណ្តាលធនធានមនុស្សធ្វើយ៉ាងណាឲ្យមានភាពល្អប្រសើរផងដែរ ។ លោកទាំងពីបានធ្វើការបង្ហាញពីបទពិសោធនល្អដែលខ្លួនធ្លាប់ឆ្លងកាត់ក្នុងការសិក្សាក៏ដូចជា ការដឹកនាំដល់និស្សិតដែលមានកង្វល់ផងដែរ ។ ជាងនេះការធ្វើទំនាក់ទំនងរវាងកម្ពុជា និងសិង្ហបុរី និងការបណ្តុះបណ្តាលធនធានមនុស្សឲ្យក្លាយជាធនធានមនុស្សល្អ ដើម្បីចូលរួមអភិវឌ្ឍន៍សង្គមជាតិ ។
សូមជម្រាបថា កម្មវិធីមានការចួលរួមពីនិស្សិតមកបណ្តាសាកលវិទ្យាល័យមួយចំនួននៅក្នុងរាជធានីភ្នំពេញជាច្រើនរយកនាក់ ៕
ចែករំលែកព័តមាននេះ