លោក កឹម សុខា ៖ តុលាការចោទប្រកាន់រូបលោកច្រឡំ
- ភ្នំពេញ
រាជធានីភ្នំពេញ ៖ តាមរយៈមនុស្សជំនិតលោក កឹម សុខា បានអះអាងថា តុលាការបានចោទប្រកាន់លើខ្លួនជាការយល់ច្រឡំ ។ ការអះអាងនេះ ខណៈដែលតុលាការបានកំពុងដំណើររឿងក្តីលោក…
រាជធានីភ្នំពេញ ៖ តាមរយៈមនុស្សជំនិតលោក កឹម សុខា បានអះអាងថា តុលាការបានចោទប្រកាន់លើខ្លួនជាការយល់ច្រឡំ ។ ការអះអាងនេះ ខណៈដែលតុលាការបានកំពុងដំណើររឿងក្តីលោក ដែលអាចចំណាយរយៈពេល៣ខែ ។ លោកមុត ចន្ថា មនុស្សជំនិតលោក កឹម សុខា នៅថ្ងៃទី២១ មករានេះ បានស្រង់សំដីលោកកឹម សុខា បញ្ជាក់យ៉ាងច្បាស់ថា «ទាំងពេលកន្លងមក ពេលបច្ចុប្បន្ន និងទៅអនាគត កឹម សុខា មិនត្រូវរ៉ូវ (ឃុបឃិត) និងមិនគាំទ្រអ្នកណាក៏ដោយកុំថា ឡើយបរទេស សូម្បីតែខ្មែរគ្នាឯងក៏ដោយដែលមានចេតនា ឬធ្វើអំពើនាំឲ្យប្រទូសរ៉ាយខូចខាតដល់ប្រជាពលរដ្ឋខ្មែរ ឬនាំឲ្យមានការឈ្លានពានប្រឆាំងនឹងព្រះរាជាណាចក្រកម្ពុជាជាដាច់ខាត» ។
លោកកឹម សុខា បានអះអាងទៀតថា៖ «អយុត្តិធម៌ នាំមកនូវការបែកបាក់ជាតិ , ការផ្សះផ្សា នាំមកនូវអធិបតេយ្យភាពជាតិ!» ។
សូមជម្រាបថា តុលាការបានកំណត់យកថ្ងៃទី២២-២៣មករា ដើម្បីបើកសវនាការលើសំណុំរឿងលោក កឹម សុខាបន្តទៀត ក្រោយពីកាលពីថ្ងៃទី១៥- ១៦ មករាបានបើកសវនការដោយមានវត្តមានលោក កឹម សុខាទាំង២លើក ។
គួរឮកថា លោក កឹម សុខា ត្រូវបានសមត្ថកិច្ចចាប់ខ្លួនទាំងកណ្តាលអធ្រាត្រឈានចូលថ្ងៃទី០៣ ខែកញ្ញា ឆ្នាំ២០១៧ ពីពីបទសន្និដ្ឋិភាពជាមួយបរទេស ប្រព្រឹត្តនៅប្រទេសកម្ពុជា និងទីកន្លែងផ្សេងទៀត កាលពីអំឡុងឆ្នាំ១៩៩៣ រហូតដល់ថ្ងៃទី០៣ ខែកញ្ញា ឆ្នាំ២០១៧ ជាបទល្មើសព្រហ្មទណ្ឌ និងផ្តន្ទា ទោសតាមបញ្ញត្តិមាត្រា ៤៤៣ នៃក្រមព្រហ្មទណ្ឌ ។ ក្រោយពីជាប់ពន្ធនាគាអស់រយៈពេលជាង១ឆ្នាំនៅ ពន្ធនាគារត្រពាំងថ្លុងមក កាលពីថ្ងៃទី១០ ខែវិច្ឆិកា ឆ្នាំ២០១៩ សាលាដំបូងរាជធានីភ្នំពេញសម្រេចឲ្យលោកឹម សុខានៅគេហដ្ឋានរបស់លោកវិញ ។
តុលាការបានអះអាងថា សម្រេចឲ្យនៅគេហដ្ឋានវិញដោយសារតែលោកកឹម សុខា បានគោរពត្រឹមត្រូវតាមកាតព្វកិច្ចនៃការដាក់ឱ្យស្ថិតក្រោមការត្រួតពិនិត្យតាមផ្លូវតុលាការ និងមានកិច្ចសហការល្អក្នុងដំណើរការនីតិវិធីរបស់តុលាការ ។ កាតព្វកិច្ចនៃការត្រួតពិនិត្យតាមផ្លូវតុលាការថ្មីដែលលោកកឹម សុខា ត្រូវអនុវត្តចាប់ពីពេលនេះមានបីចំណុច គឺ ទី១.មិនត្រូវចេញក្រៅព្រំប្រទល់ដែនដីនៃព្រះរាជាណាចក្រកម្ពុជា ទី២.មិនត្រូវធ្វើសកម្មភាពនយោបាយ និងទី៣.ត្រូវឆ្លើយតបនឹងការកោះហៅពីគ្រប់សមត្ថកិច្ច ៕
ចែករំលែកព័តមាននេះ