ក្រុងហុងកុង ៖ ប៉ូលិសក្រុងហុងកុងច្រើននាក់រងរបួស ដោយសារពួកបាតុកររ៉ាឌីកាល់ កាលពីថ្ងៃទី១៩មករា ខាងក្រៅបាតុកម្មថ្មីទាមទារការកែទម្រង់ប្រជាធិបតេយ្យ ក្នុងសង្កាត់ពាណិជ្ជកម្មមួយនាកណ្ដាលដែនដីអតីតអាណានិគមអង់គ្លេសនោះ។ អំពើហិង្សាបានចាប់ផ្ដើមក្រោយបទបញ្ជារបស់ប៉ូលិសឲ្យពួកអ្នកតវ៉ាបំបែកជួរ នៅទីលានCHATER GARDENនាកណ្ដាលក្រុង។…
ក្រុងហុងកុង ៖ ប៉ូលិសក្រុងហុងកុងច្រើននាក់រងរបួស ដោយសារពួកបាតុកររ៉ាឌីកាល់ កាលពីថ្ងៃទី១៩មករា ខាងក្រៅបាតុកម្មថ្មីទាមទារការកែទម្រង់ប្រជាធិបតេយ្យ ក្នុងសង្កាត់ពាណិជ្ជកម្មមួយនាកណ្ដាលដែនដីអតីតអាណានិគមអង់គ្លេសនោះ។
អំពើហិង្សាបានចាប់ផ្ដើមក្រោយបទបញ្ជារបស់ប៉ូលិសឲ្យពួកអ្នកតវ៉ាបំបែកជួរ នៅទីលានCHATER GARDENនាកណ្ដាលក្រុង។ ប៉ូលិសស្លៀកពាក់ស៊ីវិលដែលស្ថិតនៅជាមួយបណ្ដាអ្មករៀបចំបាតុកម្ម រងការវាយប្រហារពីសំណាក់ពួកបាតុករដែលពាក់ម៉ាស់បិទមុខប្រើឆ័ត្រជាអាវុធ។
គេកត់សម្គាល់ឃើញភ្នាក់ងារប៉ូលិសយ៉ាងតិច២នាក់មានរបួសហូរឈាមចេញពីផ្ទៃមុខ ចំណែកប៉ូលិសច្រើននាក់ប៉ុនប៉ងការពារពួកគេ។ បន្ទាប់មកមានអន្តរាគមន៍របស់ប៉ូលិសដែលបាញ់ឧស្ម័នបង្ហូរទឹកភ្នែកដើម្បីបំបែកពួកអ្នកតវ៉ា។ អ្នករៀបចំបាតុកម្មម្នាក់ត្រូវចាប់ខ្លួន ពីបទរារាំងសកម្មភាពរបស់ប៉ូលិស។ចំណែកមនុស្សឯទៀតៗក៏ត្រូវចាប់ខ្លួនដែរ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ