ពោតបារាំង ឬត្រូវបានគេហៅថា Lady’s Finger មានការពេញនិយមខ្លាំងសម្រាប់ប្រជាជនខ្មែរយើង ដោយសារតែវាមានរសជាតិឆ្ងាញ់ ហើយអាចញ៉ាំបានទាំងឆៅ និងឆ្អិត។ទោះបីជាយ៉ាងណាក៏ដោយ ដោយសារតែវាជាបន្លែ ដូច្នេះវាអាចមានប្រយោជន៍ចំពោះសុខភាពមនុស្សយើងច្រើនប្រភេទ…
ពោតបារាំង ឬត្រូវបានគេហៅថា Lady’s Finger មានការពេញនិយមខ្លាំងសម្រាប់ប្រជាជនខ្មែរយើង ដោយសារតែវាមានរសជាតិឆ្ងាញ់ ហើយអាចញ៉ាំបានទាំងឆៅ និងឆ្អិត។ទោះបីជាយ៉ាងណាក៏ដោយ ដោយសារតែវាជាបន្លែ ដូច្នេះវាអាចមានប្រយោជន៍ចំពោះសុខភាពមនុស្សយើងច្រើនប្រភេទ ប៉ុន្តែក្នុងនោះដែរ វាត្រូវបានគេរកឃើញថាមានប្រយោជន៍ធំៗចំនួន ៣ដូចជា៖
១-បន្ថយការប្រឈមនឹងជំងឺបេះដូង ៖ ការលើសកូឡេស្តេរ៉ុលធ្វើឲ្យប្រឈមកាន់តែខ្ពស់នឹងជំងឺបេះដូង។ ពោតបារាំងផ្ទុកទោដោយសារធាតុដូចជែលដែលខាប់មានឈ្មោះថា Mucilage ដែលអាចទៅតោងកូឡេស្តេរ៉ុលក្នុងពេលរំលាយអាហារ ដែលធ្វើឲ្យវាអាចបញ្ចេញចោលតាមលាមកចៀសជាងបឺតស្រូបចូលទៅក្នុងចរន្តឈាម។
តាមការសិក្សា កណ្តុរដែលស៊ីអាហារមានជាតិពោតបារាំងច្រើន ឃើញថាអាចបញ្ចេញកូឡេស្តេរ៉ុលតាមលាមកច្រើនជាងកណ្តុរដែលមិនបានស៊ី។ អត្ថប្រយោជន៍ចំពោះបេះដុងផ្សេងមួយទៀតនោះគឺ ពោតបារាំងមានសារធាតុ Polyphenol ដែលអាចបន្ថយសារធាតុបង្កការរលាកដែលជាប់ទាក់ទងនឹងជំងឺបេះដូងបាន។
២-ប្រហែលមានសមត្ថភាពប្រឆាំងនឹងមហារីកផង ៖ ពោតបារាំងផ្ទុកទៅដោយប្រូតេអ៊ីនមួយប្រភេទឈ្មោះថា Lectin ដែលអាចទៅទប់ស្កាត់ការលូតលាស់របស់កោសិកាមហារីករបស់មនុស្សបាន។ តាមការសិក្សាទៅលើកោសិកាមហារីកសុដន់បានរកឃើញថា សារធាតុ Lectin នេះអាចបង្ការកុំឲ្យកោសិកាមហារីកលូតលាស់បានរហូតដល់ ៦៣ភាគរយ។
ចូរចាំថា ការសិក្សានេះគ្រាន់តែធ្វើក្នុងបំពង់ពិសោធន៍ដែលមានសារធាតុចម្រាញ់ចេញពីពោតបារាំងប៉ុណ្ណោះ។ ដូច្នេះវាត្រូវតែមានការសិក្សាទៅលើមនុស្សបន្ថែមទៀតមុនពេលទាញចេញនូវសេចក្តីសន្និដ្ឋានចុងក្រោយ។
៣-បញ្ចុះជាតិស្ករក្នុងឈាម ៖ ការថែរក្សាកម្រិតជាតិស្ករក្នុងឈាមគឺជារឿងសំខាន់បំផុតសម្រាប់សុខភាពទូទៅ។ ការដែលមានជាតិស្ករក្នុងឈាមខ្ពស់ជាប់ អាចនាំឲ្យកើតជំងឺទឹកនោមផ្អែមប្រភេទទី២បាន។ ការស្រាវជ្រាវទៅលើសត្វកណ្តុរបានបញ្ជាក់ថា ការញ៉ាំពោតបារាំង ឬសារធាតុចម្រាញ់ចេញពីពោតបារាំងប្រហែលជាអាចបន្ថយជាតិស្ករក្នុងឈាមបាន។
អ្នកស្រាវជ្រាវបានណែនាំថា ពោតបារាំងទៅបន្ថយការបឺតស្រូបជាតិស្ករក្នុងក្រពះពោះវៀន ដែលជាហេតុនាំឲ្យជាតិស្ករក្នុងឈាមមានលំនឹងល្អ។ ពោតបារាំងប្រហែលជាអាចរំខានដល់ថ្នាំ Metformin ដែលជាថ្នាំព្យាបាលជំងឺទឹកនោមផ្អែម។ ដូច្នេះការញ៉ាំពោតបារាំងមិនត្រូវបានណែនាំឲ្យធ្វើលើអ្នកដែលលេបថ្នាំនេះឡើយ (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ