សមត្ថកិច្ច​ចុះ​ឆ្មក់​ទី​សត្វឃាត​លួច​បើក​លេងល្បែង​បញ្ជល់មាន់​ក្នុង​សង្កាត់​ព្រែក​ប្រា


រាជធានី​ភ្នំពេញ ៖ ទី​សត្តឃាតដ្ឋាន​ជ្រូក​ដ៏​ធំ​មួយ​កន្លែង មា​នទី​តាំងនៅ​ខាងក្រោយ​វិហារ​អ៊ិ​ស្លា​ម ស្ថិត​ក្នុងភូមិ​អូរ​អណ្តូង សង្កាត់​ព្រែក​ប្រា ខណ្ឌ​ច្បារ​អំពៅ ត្រូវ​កម្លាំង​អាជ្ញាធរ​ចម្រុះ​ខណ្ឌ​ច្បារ​អំពៅ ដឹកនាំ​ដោយ​លោក​រស់ សុ​ភ័​ក្ត អភិបាលរង​ខណ្ឌ ធ្វើការ​ចុះ​បង្ក្រាប ក្រោយ​ទីតាំង​មួយ​នេះ​មានការ​បើក​បញ្ជល់មាន់​ខុសច្បាប់ ។

ការ​ចុះ​បង្ក្រាបករណី​​ខាងលើ​នេះ​ធ្វើ​ឡើង​នៅ​វេលា​ព្រឹក​ថ្ងៃ​ទី​២០ ខែមករា ឆ្នាំ​២០២០​នេះ ដោយ​មានការ​សម្របសម្រួល​នីតិវិធី​ច្បាប់ ដោយ​លោក​សឿ​ន មុន្នី​រ័​ត្ន ព្រះរាជអាជ្ញារ​រង​អម​សាលាដំបូង​រាជធានី​ភ្នំពេញ​ផង​ដែរ ។

លោក​រស់ សុ​ភ័​ក្ត បានអោយ​ដឹង​ថា ដោយ​ទទួល​បាន​បញ្ជា​ពី​លោក​ចេ​ង មុនី​រ៉ា អភិបាល​ខណ្ឌ​ច្បារ​អំពៅ​ស្តី​អំពី​ទីតាំង​បើក​លេងល្បែង​បញ្ជល់មាន់​ខាងលើ​រួច​មក លោក​បាន​ដឹកនាំ​កម្លាំង​ចម្រុះ មាន​ប្រជា​ការពារ និង​នគរបាល បាន​ស្រាវជ្រាវ​ទីតាំង និង​ឈាន​ទៅ​ធ្វើការ​បង្ក្រាប​ជាក់ស្តែង​តែ​ម្តង ប៉ុន្តែ​ក្នុង​នោះ​នៅ​ពេល​ដែល​កម្លាំង​អាជ្ញាធរ​ចុះ​ទៅ​ដល់​ក្រុម​អ្នកលេង​បាន​រត់គេច​ខ្លួន​អស់ នៅ​សល់​តែ​មាន់​ជល់​តែ​ប៉ុណ្ណោះ ។

លោក​អភិបាលរង​បន្ត​ថា តាម​ចម្លើយ​សារភាព​ចំពោះ​មុខ​សមត្ថកិច្ច ម្ចាស់​ទីតាំង​បដិសេធ ថា ខ្លួន​ពុំ​បាន​អនុញ្ញាត​អោយ​មានការ​បើក​លេងល្បែង​ស៊ីសង​ឡើយ ប៉ុន្តែ​កូនចៅ​របស់​គេ ជា​អ្នក​លួច​លេង​ប៉ុណ្ណោះ ខណៈ​ដែល​ម្ចាស់​ទីតាំង​ពុំ​រស់នៅ​ក្នុង​ទីតាំង​សត្វឃាត​ខាងលើ​នេះ​ឡើយ ។

ទោះបីជា​យ៉ាងណា មន្ត្រី​អាជ្ញាធរ​តម្រូវ​អោយ​ម្ចាស់​ទីតាំង​ធ្វើ​កិច្ចសន្យា​ចំពោះ​មុខ​អាជ្ញាធរ និង​សមត្ថកិច្ច​អោយ​បញ្ឈប់​សកម្មភាព​អនុញ្ញាត​អោយ​មានការ​បើក​បញ្ជល់មាន់​ជា​បន្ត​ទៀត ប្រសិនបើ​មាន​ជា​លើក​ទី​២ អាជ្ញាធរ​នឹង​មាន​វិធានការ​តាម​ផ្លូវច្បាប់​យ៉ាង​កំហិត​ជាក់​ជា​មិន​ខាន ។ ជុំវិញ​ការ​ចុះ​បង្ក្រាប​ខាងលើ​នេះ អាជ្ញាធរ​ដកហូត​បាន​មាន់​ជល់​ចំនួន​១៦​ក្បាល និង​សម្ភារៈ​មួយ​ចំនួន​ទៀត​ត្រូវ​ដកហូត​យក​ទៅ​រក្សា​ទុក​នៅ​សាលា​ខណ្ឌ​បណ្តោះអាសន្ន ៕ (​កែសម្រួល​ដោយ ៖ ធីតា​)

ព្រឹត្តិការណ៍សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

ការស្ទង់មតិគេហទំព័រថ្មី




សូម​អរគុណ