ខេត្តកំពង់ឆ្នាំង ៖ សេចក្តីរាយការណ៍បឋមបានឲ្យដឹងថា កាលពីម្សិលមិញ គឺនៅវេលាម៉ោង១០ព្រឹកថ្ងៃទី១៩ ខែមករានេះ ដោយសារកែក្មេងអាយុប្រមាណពី៩ទៅ ១០ឆ្នាំ ចំនួន២ទៅ៣នាក់ បានរើសគ្រាប់បែកដៃមិនស្គាល់ច្បាស់មួយគ្រាប់យកមកបោះលេង…
ខេត្តកំពង់ឆ្នាំង ៖ សេចក្តីរាយការណ៍បឋមបានឲ្យដឹងថា កាលពីម្សិលមិញ គឺនៅវេលាម៉ោង១០ព្រឹកថ្ងៃទី១៩ ខែមករានេះ ដោយសារកែក្មេងអាយុប្រមាណពី៩ទៅ ១០ឆ្នាំ ចំនួន២ទៅ៣នាក់ បានរើសគ្រាប់បែកដៃមិនស្គាល់ច្បាស់មួយគ្រាប់យកមកបោះលេង ហើយត្រូវបានមនុស្សចាស់ដណ្ដើមយកប្រគល់ឲ្យសមត្ថកិច្ចនគរបាលនឹងបន្តឲ្យទៅមន្ត្រីស៊ីម៉ាក់ ។
ព័ត៌មានពីជំហានដំបូងដែលបានឱ្យដឹងពីមន្ត្រីស៊ីម៉ាក់ ដែលជាអ្នកទទួលគ្រាប់បែកដៃមួយគ្រាប់នោះបានអះអាងថា គឺជាគ្រាប់បែកដែលមានរំសេវពីក្នុង និងមានគីបបំផ្ទុះទៀតផង និងមិនដឹងថា ជាគ្រាប់បែកផលិតនៅប្រទេសណាទេ រួចក៏ទទួលយកទៅរក្សាទុកទៅ ។ ចំណែកមន្ត្រីនគរបាលមូលដ្ឋានបានបញ្ជាក់ថា មានក្មេង២ទៅ៣នាក់ បានរើសគ្រាប់បែកដៃនោះនៅចំណុចសូរ៉ាប៉ា ស្ថិតនៅក្នុងភូមិស្រែព្រីងសង្កាត់ផ្សារឆ្នាំង ក្រុងកំពង់ឆ្នាំង ហើយក៏ត្រូវបានមនុស្សចាស់ដណ្ដើមយកទៅប្រគល់ឲ្យសមត្ថកិច្ច ខណៈដែលក្មេងទាំងនោះកំពុងតែបោះលេង ។
ដោយឡែកនៅព្រឹកថ្ងៃទី២០ ខែមករានេះ មន្ត្រីស៊ីម៉ាក់ក្រោយពីយកទៅពិនិត្យ និងលាងសម្អាតរួចរាល់ហើយ ទើបដឹងថា មិនមែនជាគ្រាប់បែកដៃបង្កឲ្យមានគ្រោះថ្នាក់ដល់មនុស្សទេ គឺជាដែកកេះទៅវិញ ។ វាពិតជាហួសចិត្តណាស់ ប៉ុន្តែយ៉ាងនេះក្តីមន្ត្រីស៊ីម៉ាក់ ដែលបានផ្ដល់ព័ត៌មាន កាលពីថ្ងៃទី១៩ ខែមករា នៅតែអះអាងថា គឺដើម្បីសុវត្ថិភាព បញ្ចៀសគ្រោះថ្នាក់ណាមួយជាយថាហេតុ ព្រោះគ្រាប់បែកដៃរូបរាងបែបនេះមើលទៅដូចជា គ្រាប់បែកពិតៗ និងស្គាល់ច្បាស់ទៀតផង ។ ហេតុនេះហើយ ត្រូវតែពិនិត្យឲ្យបានច្បាស់លាស់ជាមុនសិន ប៉ុន្តែក្រោយពេលពិនិត្យរួចរាល់ហើយក៏បានធ្វើកំណត់ហេតុប្រគល់បញ្ជាក់ ពីអត្ដសញ្ញាណដែកកេះមានរូបរាងដូចគ្រាប់បែកនេះ ដើម្បីកុំឲ្យមានការភាន់ច្រឡំតទៅទៀត ។
ពិតជាហួសចិត្តមែន ខណៈដែលសមត្ថកិច្ចនគរបាលកំពុងតែស្រាវជ្រាវរកម្ចាស់គ្រាប់បែកបែរជាថ្ងៃនេះមន្ត្រីរបស់ស៊ីម៉ាក់បានបង្ហាញថា វាមិនមែនជាគ្រាប់បែកទេ គឺជាដែកកេះទៅវិញ ៕ កែសម្រួលដោយ ៖ សុឃាក់
បញ្ជាក់ ៖ ប្រទះឃើញគ្រាប់បែកដៃ ក្មេងៗរើសមកបោះលេង តែចាស់ៗឃើញទាន់
ចែករំលែកព័តមាននេះ