ADផ្ទាំងផ្សព្វផ្សាយពាណិជ្ជកម្ម

មួយប៉ប្រិចភ្នែក ១ខ្នងខ្ទេចគ្មានសល់ ១ខ្នងទៀតអស់៥០% ម្ចាស់យំលែងចេញ

4 ឆ្នាំ មុន

ឧត្តរមានជ័យ
២០ ខែ មករា ឆ្នាំ ២០២០ ម៉ោង ១៥:៥៤

ខេត្តឧត្តរមានជ័យ ៖ លំនៅដ្ឋានមួយខ្នង រួមនឹងទ្រព្យសម្បត្តិមួយចំនួនទៀតត្រូវអគ្គិភ័យឆាបឆេះអស់គ្មានសល់ ចំណែកលំនៅដ្ឋានមួយខ្នងទៀតត្រូវអគ្គិភ័យឆាបឆេះ បណ្តាលឱ្យរងការខូចខាតអស់៥០ភាគរយ ដែលករណីនេះត្រូវបានគេសង្ស័យថាអាចមកពីទុស្សេខ្សែភ្លើង ។ ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង១និង៧នាទីរសៀលថ្ងៃទី១៨ ខែមករា…

ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង១និង៧នាទីរសៀលថ្ងៃទី១៨ ខែមករា ឆ្នាំ២០២០ នៅត្រង់ចំណុចខាងលិចផ្សារត្រពាំងប្រាសាទ ស្ថិតក្នុងភូមិត្រពាំងប្រាសាទ ឃុំត្រពាំងប្រាសាទ ស្រុក ត្រពាំងប្រាសាទ ខេត្តឧត្ដរមានជ័យ ។

សមត្ថកិច្ចបានអោយដឹងថា អគ្គីភ័យដែលកើតឡើងខាងលើនេះ មូលហេតុអាចបណ្ដាល មកពីទុស្សេខ្សែភ្លើង ។ ក្រោយពីទទួលបានសេចក្តីរាយការណ៍ពីប្រជាពលរដ្ឋភ្លាម កម្លាំងពន្លត់អគ្គិភ័យរបស់អធិការដ្ឋានបានធ្វើការចុះអន្តរាគមន៍ដល់ទីកន្លែងកើតហេតុ ដោយប្រើប្រាស់អស់ទឹកចំនួន៦រថយន្ត ក្នុងនោះក៏មានរថយន្តពន្លត់អគ្គីភ័យរបស់អធិការដ្ឋាន នគរបាលស្រុកអន្លង់វែង ដោយប្រើអស់ទឹកចំនួន២រថយន្ត និងអាជីវករដឹកទឹកមួយចំនួន ដោយប្រើទឹកអស់២០ធុងទៀត ទើបពន្លត់បានទាំងស្រុងនៅវេលាម៉ោង១និង៥០នាទីរសៀលថ្ងៃដដែល។

តាមរបាយការណ៍សមត្ថកិច្ចបានអោយដឹងថា គ្រោះអគ្គីភ័យខាងលើពុំមានប៉ះពាល់ដល់អាយុជីវិត ឬមានប្រជាពលរដ្ឋណាម្នាក់រងរបួសនោះទេ ប៉ុន្តែបណ្តាលឱ្យផ្ទះមួយខ្នង និងទ្រព្យសម្បត្តិជាច្រើនទៀតត្រូវភ្លើងឆេះអស់ ចំណែកផ្ទះមួយខ្នងទៀតរងការខូចខាតអស់៥០ភាគរយ។

តាមប្រភពដដែលបានបន្តថា ម្ចាស់ផ្ទះរងគ្រោះទី១-ឈ្មោះ អេង ញ៉ ភេទប្រុស អាយុ៥២ឆ្នាំ និងប្រពន្ធឈ្មោះអាត សុខចាន់ អាយុ៤២ឆ្នាំ រស់នៅភូមិឃុំកើតហេតុខាងលើ បានរងការខូចខាតផ្ទះទំហំ៧ម៉ែត្រគុណនឹង៩ម៉ែត្រ ធ្វើអំពីឈើលើ ថ្មក្រោម ដំបូលប្រក់ក្បឿង ត្រូវភ្លើងឆាបឆេះអស់ទាំងស្រុង រួមជាមួយទ្រព្យសម្បត្តិ និងសម្ភារៈដូចជា ទូឆ្លាក់មុខ៤ចំនួន១, គ្រែចំនួន៤, តុចំនួន២ និងលុយទុកក្នុងទូចំនួន៦ពាន់ដុល្លារ រួមទាំងសម្ភារៈប្រើប្រាស់មួយចំនួនទៀត ក៏ត្រូវភ្លើងឆេះអស់ ។ ចំណែកម្ចាស់ផ្ទះរងគ្រោះទី២-ឈ្មោះអ៊ុ គន្ធា ភេទប្រុស អាយុ៣៥ឆ្នាំ និងប្រពន្ធឈ្មោះលី ហ៊ួយ បានរងការខូចខាតផ្ទះទំហំ៧,៥ម៉ែត្រគុណនឹង១២ម៉ែត្រ ធ្វើអំពីឈើលើ ថ្មក្រោម ដំបូលប្រក់ក្បឿង ត្រូវភ្លើងឆេះខូចខាតអស់៥០% (ដំបូល និងជញ្ជាំង)តែប៉ុណ្ណោះ៕ (កែសម្រួលដោយ ៖ ធីតា)