ប្រទេសចិន ៖ បើតាមអាជ្ញាធរចិនប្រកាសកាលពីថ្ងៃទី១៩ ខែមករា ឆ្នាំ២០២០ ពីការពង្រឹងបណ្ដាវិធានការបង្ការ ប្រឈមមុខនឹងការលេចចេញវីរុសកូរ៉ូណាថ្មី នាភាគកណ្ដាលប្រទេស ខណៈចិនត្រៀមរៀបចំបុណ្យចូលឆ្នាំថ្មីចន្ទគតិ និងក្នុងពេលដែលពលរដ្ឋចិនច្រើនលាននាក់…
ប្រទេសចិន ៖ បើតាមអាជ្ញាធរចិនប្រកាសកាលពីថ្ងៃទី១៩ ខែមករា ឆ្នាំ២០២០ ពីការពង្រឹងបណ្ដាវិធានការបង្ការ ប្រឈមមុខនឹងការលេចចេញវីរុសកូរ៉ូណាថ្មី នាភាគកណ្ដាលប្រទេស ខណៈចិនត្រៀមរៀបចំបុណ្យចូលឆ្នាំថ្មីចន្ទគតិ និងក្នុងពេលដែលពលរដ្ឋចិនច្រើនលាននាក់ ឆ្លៀតឱកាសនោះសម្រាប់ការធ្វើដំណើររបស់ពួកគេ។
គណៈកម្មាធិការសុខាបាលជាតិបានស្នើដល់គ្រប់ទីភ្នាក់ងាររដ្ឋាភិបាល ឲ្យរួមសហការគ្នាដើម្បីបង្កើតវិធានបង្ការទាំងនេះ។ ក្នុងសេចក្ដីប្រកាសមួយគណៈកម្មាធិការនោះថ្លែងថា គណៈកម្មាធិការរបស់យើងនឹងធ្វើការតាមដានត្រួតពិនិត្យ ក្នុងអំឡុងពេលចូលឆ្នាំថ្មី នឹងតាមដានដោយយកចិត្តទុកដាក់ចំពោះការវិវត្តន៍នៃការឆ្លងរាលដាលជំងឺថ្មីនេះ ព្រមទាំងនឹងបង្កើតបណ្ដាវិធានការត្រួតពិនិត្យ និងបង្ការ។
ក្នុងសេចក្ដីប្រកាសមួយគណៈកម្មាធិការសុខាភិបាលក្រុងវូហាន កន្លែងដែលវីរុសនោះលេចចេញកាលពីខែមករា បានរៀបរាប់ពីអ្នកឆ្លងវីរុសនេះច្រើននាក់ទៀតនៅវូហាន ដែលឡើងដល់ទាំងអស់នៅទីនោះដល់ជិត១៤០នាក់ហើយ។ វីរុសថ្មីនេះ នាំឲ្យមានការព្រួយបារម្ភកាន់តែខ្លាំង ក្រោយការបាត់បង់ជីវិតនាចុងសប្ដាហ៍កន្លងទៅ នៃមនុស្សទី៣ម្នាក់ទៀត។
ប្រទេសចិនរៀបរាប់នាថ្ងៃទី២០ ខែមករានេះ ពីអ្នកបាត់បង់ជីវិតទី៣ ដោយសារវីរុសអាថ៌កំបាំងនោះ ខណៈការឆ្លងបានរាលដាលដល់ទីក្រុងឯទៀតៗ ក្នុងនោះ២នាក់នៅក្រុងប៉េកាំង និងម្នាក់នៅក្រុង SHENZHEN ចុងខាងត្បូងប្រទេសទល់មុខក្រុងហុងកុង។ មនុស្សជាង២០០នាក់ ហើយរហូតមកទល់ពេលនេះឆ្លងវីរុសនៅទូទាំងប្រទេសចិន។ អ្នកជំងឺ៣នាក់កំពុងស្ថិតក្នុងស្ថានភាពធ្ងន់ធ្ងរ។ ទោះបីយ៉ាងណាអាជ្ញាធរសុខាភិបាលក្រុងវូហានអះអាងថា គ្រោះថ្នាក់នៃការឆ្លងវីរុសពីមនុស្សមកមនុស្ស ហាក់ដូចជាមានខ្សោយតែក៏មិនបដិសេធ។
វីរុសថ្មីនេះដែលអ្នកឆ្លងទាំងអស់សុទ្ធតែអ្នករស់នៅក្នុងតំបន់វូហាន និងអ្នកមកកាន់ទីនោះ ត្រួវបានគេកំណត់ថា ស្ថិតក្នុងគ្រួសារនៃវីរុសកូរ៉ូណា។ វីរុសកូរ៉ូណាអាចបង្កឲ្យមានការឆ្លង ក្នុងសង្វាក់ប្រហាក់ប្រហែលគ្នានឹងវីរុស SRAS ដែលវីរុសនោះឆ្លងរាលដាលនៅចិន ហើយបណ្ដាលឲ្យមនុស្សជិត៨០០នាក់បានបាត់បង់ជីវិត លើពិភពលោករវាងឆ្នាំ២០០២ និង២០០៣។
ប្រភពដើមនៃវីរុសនេះ ហាក់ឆ្លងដំបូងចេញពីផ្សារមួយនៃក្រុងវូហាន ដែលបិទមកទល់ពេលនេះ។ ផ្សារនេះជាកន្លៃងលក់ផលិតផលសមុទ្រ និងត្រី ដោយអ្នកធ្វើការក្នុងផ្សារមានអ្នកឆ្លងច្រើន។
ប្រទេសថៃរាយការណ៍ពីអ្នកឆ្លងវីរុសថ្មីនេះ២នាក់ហើយជប៉ុនមានអ្នកឆ្លងម្នាក់។ មនុស្សទាំង៣នាក់នោះសុទ្ធតែជាអ្នកធ្វើដំណើរទៅកាន់ក្រុងវូហាន៕ (កែសម្រួលដោយ ៖ បុប្ផា)
ចែករំលែកព័តមាននេះ