RVI ចែកមួកសុវត្ថិភាពជូនអតិថិជនក្រោមប្រធានបទ «មួកមួយការពារជីវិតម្នាក់» !
- ភ្នំពេញ
រាជធានីភ្នំពេញ ៖ នៅថ្ងៃទី១៨ ខែមករា ឆ្នាំ២០២០ នេះក្រុមហ៊ុន H.I Micro Insurance Plc…
រាជធានីភ្នំពេញ ៖ នៅថ្ងៃទី១៨ ខែមករា ឆ្នាំ២០២០ នេះក្រុមហ៊ុន H.I Micro Insurance Plc…
រាជធានីភ្នំពេញ ៖ នៅថ្ងៃទី១៨ ខែមករា ឆ្នាំ២០២០ នេះក្រុមហ៊ុន H.I Micro Insurance Plc បានរៀបចំកម្មវិធីចែកមួកសុវត្ថិភាពជូនអតិថិជនរបស់ខ្លួនក្រោមប្រធានបទ «មួកមួយការពារជីវិតម្នាក់» ។ កម្មវិធីនេះមានគោលបំណងជំរុញអោយបងប្អូនជនរួមជាតិយល់ដឹងពីផលប្រយោជន៍នៃមួកសុវត្ថិភាព និងការពារជីវិតខ្លួនដោយការពាក់មួកសុវត្ថិភាពគ្រប់ពេលធ្វើដំណើរតាមដងផ្លូវ ។
គួរបញ្ជាក់ផងដែរថា RVI គឺជាធានារ៉ាប់រងគ្រោះថ្នាក់ចរាចរណ៍ ដែលគ្របដណ្តប់លើជនរងគ្រោះតាមដងផ្លូវ ។ លោកអ្នកនឹងទទួលបានសំណងយ៉ាងរហ័សពី RVI ដោយគ្រាន់តែចំណាយត្រឹម ១៧ដុល្លារក្នុងមួយឆ្នាំសម្រាប់ម៉ូតូ, ២០ដុល្លារក្នុងមួយឆ្នាំសម្រាប់រឺម៉កមានសណ្តោង ៧០ដុល្លារក្នុងមួយឆ្នាំសម្រាប់រថយន្ត ឬយានយន្តកង់ ៤ (មានអ្នកដំណើរមិនលើសពី ៥នាក់) ៨០ដុល្លារសម្រាប់រថយន្ត / យានយន្តកង់ ៤ (អ្នកដំណើរច្រើនជាង ៥នាក់) ៩០ដុល្លារសម្រាប់យានយន្តផ្សេងៗដែលមានកង់ច្រើនជាង ៤ និង៩០ដុល្លារក្នុងមួយឆ្នាំសម្រាប់យានយន្តកង់ពិសេស ។
ចំពោះសំណងក្រុមហ៊ុនធ្វើការសងទៅលើថ្លៃពេទ្យថ្នាំសង្កូវ និងការព្យាបាលរបួស ការបាត់បង់ជីវិត និងពិការ ដោយសំណងក្នុងមួយករណីមិនលើសពី ៥០០០ដុល្លារ ។
នៅក្នុងពិធីចែកមួកសុវត្ថិភាពនេះលោក Chaiyapont Rojnukcarachotthi អគ្គនាយកក្រុមហ៊ុន H.I Micro Insurance Plc បានឱ្យដឹងថា នេះថ្ងៃយើងបង្កើតកម្មវិធីចែកមួកសុវត្ថិភាពដោយឥតគិតថ្លៃជូនដល់ប្រជាពលរដ្ឋ ក៏ដូចជាអតិថដិជន ដើម្បីឱ្យមានសុវត្ថិភាពទាំងអស់គ្នានៅតាមដងផ្លូវ ។
គោលបំណងសំខាន់ គឺក្រុមហ៊ុនផ្តោតទៅលើសុវត្ថិភាព ដោយពាក់ព័ន្ធទៅនឹងការពាក់មួកសុវត្ថិភាពទាំងអស់គ្នា ក៏ដូចជាគោលដៅដែលមានស្រាប់របស់ក្រុមហ៊ុន H.I Micro Insurance Plc ដែលផ្តោតទៅលើសេវាកម្មធានារ៉ាប់រងគ្រោះថ្នាក់ចរាចរណ៍តាមដងផ្លូវ ។ លោកបានឱ្យដឹងទៀតថា ការចែកមួកសុវតិ្ថភាពនាពេលនេះ គឺជាលើកដំបូង ហើយក្រុមហ៊ុននឹងបន្តចុះទៅចែកមួកសុវត្ថិភាពនេះនៅតាមបណ្តាសាខារបស់ក្រុមហ៊ុននៅតាមខេត្តនានាផងដែរ ។
សម្រាប់ព័ត៌មានបន្ថែម សូមទាក់ទងមកកាន់ក្រុមហ៊ុន H.I Micro Insurance Plc ដែលមានអាសយដ្ឋានផ្ទះលេខ #33 ផ្លូវ ៣៣៧ សង្កាត់បឹងកក់ ១ ខណ្ឌទួលគោក រាជធានីភ្នំពេញ ឬ តាមរយៈលេខទូរស័ព្ទ ១៨០០ ២០៨ ៨៧៧, ០២៣ ៨៨៨ ៧៧៧ ឬចូលទៅកាន់សាយ www.rvikh.com និងតាមរយៈ Facebook rvi.cam ៕
ចែករំលែកព័តមាននេះ