រាជធានីភ្នំពេញ ៖ រឿងរ៉ាវដ៏ហួសចិត្ត និងបង្កការភ្ញាក់ផ្អើលផងដែរនៅក្នុងផ្ទះ រវាងគ្រួសារប្តី-ប្រពន្ធ២គូសហការគ្នា មកចាប់ប្តីនិងប្រពន្ធរបស់ខ្លួន លបលួចមានសាហាយស្មន់ ។ ទីបំផុត ក៏ចាប់ទាន់ជាក់ស្តែង នៅក្នុងផ្ទះសំណាក់មួយកន្លែង ក្នុងសង្កាត់ទូលទំពូង២ ខណ្ឌចំការមន កាលពីវេលាម៉ោង១០ព្រឹក១៧ មករា ឆ្នាំ២០២០ ធ្វើឱ្យគូសហាយទាំង២បានបើករថយន្តបំបុករត់ចេញទៅយ៉ាងលឿន ។
តាមបុរសជាប្តីដែលទាន់ប្រពន្ធខ្លួនមានសហាយបានប្រាប់ឱ្យដឹងថា ខ្លួនមានការសង្ស័យប្រពន្ធជាយូរមកហើយ តាំងពីនៅជាគូដណ្តឹងនិឹងគ្នារហូតដល់បានរៀបការ ។ រយៈពេល២-៣ខែក្រោយនេះ គាត់មានការសង្ស័យប្រពន្ធក៏ឈានដល់ការតាមដាននាង រហូតឃើញទង្វើអស់ទាំងនេះ ។
ដោយឡែក ស្ត្រីជាប្រពន្ធវិញ ដែលទាន់ប្តីក៏បានប្រាប់ដែរថា ប្តីគាត់នេះគឺជាសាស្ត្រាចារ្យបង្រៀននិស្សិតឆ្នាំ3និងទី4នៅសាកលវិទ្យាល័យមួយ ។ គាត់បន្តថា គាត់ដឹងស្ត្រីជាសហាយនេះ មកស្នាក់នៅផ្ទះសំណាក់ខាងលើតាំងពីម៉ោង១១ និង២៥នាទីយប់ថ្ងៃទី១៦ មករា ម្សិលមិញម្ល៉េះ ។
គាត់បន្តថា ហើយរហូតដល់ម៉ោង១០ព្រឹកថ្ងៃទី១៧ មករា ខ្លួនរួមនិងក្រុមគ្រួសារចូលទៅចាប់សហាយស្មន់ទាំង២ ។ ប៉ុន្តែត្រូវពួកគេរត់ចេញពីផ្ទះសំណាក់ ហើយបើករថយន្តរំដោះខ្លួនចេញទៅ ។ រហូតដល់ម៉ោងជាង៩យប់ថ្ងៃដដែល ទើបលេចចេញពួកគេទាំង២ បានមកធ្វើការសុំទោសលើបុរសជាប្តី ដើម្បីសុំបញ្ចប់រឿង និងបានគេចខ្លួនបាត់ពីកន្លែងកើតហេតុតែម្តង ។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ