ថ្លើមគឺជាសរីរាង្គដ៏សំខាន់មួយដែលមានមុខងារច្រើនក្នុងរាងកាយ។ វាដឹកនាំតួនាទីច្រើនជាង ៥០០ឯណោះ ដោយក្នុងនោះមានទាំង ការបញ្ចេញជាតិពុលពីក្នុងឈាម ផលិតទឹកប្រមាត់ដើម្បីរំលាយ និងបឺតស្រូបជាតិខ្លាញ់ បង្កើតប្រូតេអ៊ីន។ល។ថ្លើមគឺជាសរីរាង្គមួយប្រភេទដែលអាចជួសជុលកោសិការបស់ខ្លួនឯងបាន។ ប៉ុន្តែការខូចខាតវាម្តងហើយម្តងទៀតអាចបណ្តាលឲ្យវាទៅជាមានសម្លាក ឬហៅថាក្រិនថ្លើមបាន។…
ថ្លើមគឺជាសរីរាង្គដ៏សំខាន់មួយដែលមានមុខងារច្រើនក្នុងរាងកាយ។ វាដឹកនាំតួនាទីច្រើនជាង ៥០០ឯណោះ ដោយក្នុងនោះមានទាំង ការបញ្ចេញជាតិពុលពីក្នុងឈាម ផលិតទឹកប្រមាត់ដើម្បីរំលាយ និងបឺតស្រូបជាតិខ្លាញ់ បង្កើតប្រូតេអ៊ីន។ល។ថ្លើមគឺជាសរីរាង្គមួយប្រភេទដែលអាចជួសជុលកោសិការបស់ខ្លួនឯងបាន។
ប៉ុន្តែការខូចខាតវាម្តងហើយម្តងទៀតអាចបណ្តាលឲ្យវាទៅជាមានសម្លាក ឬហៅថាក្រិនថ្លើមបាន។ ខាងក្រោមនេះគឺជាអាការៈមួយចំនួនដែលអាចបញ្ជាក់ថា ថ្លើមកំពុងតែខូចខាតហើយ៖
១-អស់កម្លាំង និងខ្សោយ
២- ងាយនឹងជាំស្បែក និងហូរឈាម
៣- រមាស់ស្បែក
៤- ពិបាកដកដង្ហើម
៥- មិនឃ្លានអាហារ
៦- ចង្អោ
៧- ឈឺ ឬហើមពោះ
៨- ហើមជើង និងកែងជើង
៩- ស្បែកទៅជាលឿង
១០- ឡើងរីកសរសៃឈាមក្រោមស្បែក។
ខាងក្រោមនេះគឺជាគន្លឹះមួយចំនួនក្នុងការជួយបង្ការជំងឺថ្លើម និងថែរក្សាថ្លើមឲ្យកាន់តែមានសុខភាពល្អបាន៖
១-ញ៉ាំអាហារផ្តល់សុខភាព និងតុល្យភាពដែលសម្បូរទៅដោយជាតិសរសៃដូចជា បន្លែ ផ្លែឈើ និងគ្រាប់ធញ្ញជាតិ។ ចូរញ៉ាំត្រីបន្ថែមដើម្បីទទួលបានជាតិប្រូតេអ៊ីន។ ចូរចៀសវាង ឬកាត់បន្ថយការញ៉ាំសាច់ក្រហម និងអាហារសម្បូរខ្លាញ់ Saturated ដែលអាចធ្វើឲ្យមានបញ្ហាខ្លាញ់រុំថ្លើមបានបើសិនជាញ៉ាំច្រើន។ ដូច្នេះចូរញ៉ាំទឹកឲ្យបានច្រើន។
២-ហាត់ប្រាណឲ្យទៀងទាត់៖ វានឹងបន្ថយសម្ពាធទៅលើថ្លើម និងបង្ការភាពធាត់ជ្រុល ដែលជាកត្តាប្រឈមមុខមួយនៃជំងឺខ្លាញ់រុំថ្លើម។ វាត្រូវបានគេណែនាំថា មនុស្សពេញវ័យគយរតែហាត់ប្រាណយ៉ាងហោចណាស់ ១៥០នាទីក្នុងមួយសប្តាហ៍ តាមរយៈការហែលទឹក ឬដើរលឿនៗ។
៣-រក្សាទម្ងន់ឲ្យមានសុខភាពល្អ៖ ការប្រឈមនឹងការកើតជំងឺខ្លាញ់រុំថ្លើមដោយមិនបង្កឡើងដោយគ្រឿងស្រវឹងនឹងខ្ពស់បើសិនជាអ្នកជាមនុស្សធាត់ជ្រុល។ របបអាហារផ្តល់សុខភាពជាមួយនឹងការហាត់ប្រាណទៀងទាត់អាចជួយសម្រកទម្ងន់ ឬថែរក្សាទម្ងន់ឲ្យមានសុខភាពល្អបាន។ ការដែលមានក្បាលពោះដុះឡើងស្អុយគឺជាកត្តាប្រឈមដ៏សំខាន់មួយនៃជំងឺខ្លាញ់រុំថ្លើម។
៤-បើសិនជាអ្នកញ៉ាំគ្រឿងស្រវឹង ចូរញ៉ាំដោយការទទួលខុសត្រូវ៖ ការញ៉ាំគ្រឿងស្រវឹងច្រើនពេកអាចបំផ្លាញដល់កោសិកាថ្លើម និងនាំឲ្យមានការរលាក និងក្រិនថ្លើមបាន។ ដូច្នេះចូរកាត់បន្ថយការញ៉ាំ និងញ៉ាំត្រឹមកម្រិតមធ្យមបានហើយ។
៥-ចាក់វ៉ាក់សាំងបង្ការជំងឺរលាកថ្លើមប្រភេទ A និង B ដែលវាទាំងពីរនេះអាចជួយបង្ការសុខភាពថ្លើមបាន។
៦-សម្ពាធឈាមខ្ពស់ កូឡេស្តេរ៉ុលឡើងខ្ពស់ ជំងឺទឹកនោមផ្អែមសុទ្ធតែជាកត្តាប្រឈមនឹងជំងឺខ្លាញ់រុំថ្លើមបានទាំងអស់៖ ក្នុងករនីដែលអ្នកមានជំងឺមួយឬច្រើនក្នុងចំណោមជំងឺទាំងនេះ ចូរប្រាកដថា អ្នកលេបថ្នាំឲ្យបានត្រឹមត្រូវជាមួយគ្នារបបអាហារផ្តល់សុខភាព និងហាត់ប្រាណផង។ រឿងននេះនឹងជួយការពារការខូចខាតរបស់ថ្លើមបាន (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ