សេចក្តីស្លាប់មិនរង់ចាំកាលទេ ខ្លះស្លាប់តាំងពីនៅក្មេង តែខ្លះទៀតក៏ស្លាប់នៅពេលខ្លួនមានអាយុច្រើន ដូច្នេះចំពោះទស្សនៈដែលថា ចាំដល់ខ្លួនចាស់ ឬពេលចូលនិវត្តន៍ពីការងារ សឹមធ្វើបុណ្យ ចូលវត្តស្តាប់ធម៌នោះ ជាទស្សនៈមិនត្រឹមត្រូវឡើយ ។…
សេចក្តីស្លាប់មិនរង់ចាំកាលទេ ខ្លះស្លាប់តាំងពីនៅក្មេង តែខ្លះទៀតក៏ស្លាប់នៅពេលខ្លួនមានអាយុច្រើន ដូច្នេះចំពោះទស្សនៈដែលថា ចាំដល់ខ្លួនចាស់ ឬពេលចូលនិវត្តន៍ពីការងារ សឹមធ្វើបុណ្យ ចូលវត្តស្តាប់ធម៌នោះ ជាទស្សនៈមិនត្រឹមត្រូវឡើយ ។
សេចក្តីល្អជាផែនទីសម្រាប់ស្វែងរកកំណប់ពិតប្រាកដ គឺផលប្រយោជន៍និងសេចក្តីសុខក្នុងដំណើរជីវិតនៅក្នុងវាលវដ្តសង្សារ ។ ប្រការនេះបានដល់ការខិតខំឆ្លៀតពេលដ៏មមាញឹកនៃជីវិតប្រចាំថ្ងៃ ទៅស្តាប់ព្រះធម៌ បំពេញបុណ្យកុសលយ៉ាងហោចណាស់មួយសប្តាហ៍ឱ្យបានម្តង ព្រោះថាធម៌គឺជាគុណជាតិបំភ្លឺផ្លូវជីវិតបង្ហាញប្រាប់ឱ្យស្គាល់ខុស ស្គាល់ត្រូវ គុណ ទោស ល្អ អាក្រក់ បុណ្យបាបយ៉ាងសត្យានុម័ត ដែលអាចយកទៅប្រព្រឹត្តបានសេចក្តីសុខសម្រាប់ខ្លួនឯងនិងសង្គមជាតិ ។
ដរាបណាមានអ្នកប្រព្រឹត្តប្រតិបត្តិធម៌ គឺសេចក្តីល្អកាន់តែច្រើន ដរាបនោះសង្គមជាតិនិងពិភពលោកកាន់តែរីកចម្រើនដោយសុខសាន្ត គួរណាស់តែសាធុជនខំបំពេញសេចក្តីល្អកុំរង់ចាំកាល ។ សាន សារិន
ចែករំលែកព័តមាននេះ