ខេត្តស្វាយរៀង ៖ អ្នកជីករណ្តៅកាយយកអាចម៍ដីលក់បានប្រទះឃើញគ្រាប់បែកយក្សមិនទាន់ផ្ទុះ១គ្រាប់ ប្រភេទ MK82 ផលិតនៅសហរដ្ឋអាមេរិក ក្នុងជម្រៅជាង១ម៉ែត្រដែលទម្លាក់ពីលើយន្តហោះសម័យសង្គ្រាមចុងទសវត្ស៦០ ។ មន្ត្រីឯកទេសគ្រឿងផ្ទុះប្រាប់ថា នេះជាគ្រាប់បែកប្រឆាំងពួកវៀតកុង-វៀតណាមខាងជើង…
ខេត្តស្វាយរៀង ៖ អ្នកជីករណ្តៅកាយយកអាចម៍ដីលក់បានប្រទះឃើញគ្រាប់បែកយក្សមិនទាន់ផ្ទុះ១គ្រាប់ ប្រភេទ MK82 ផលិតនៅសហរដ្ឋអាមេរិក ក្នុងជម្រៅជាង១ម៉ែត្រដែលទម្លាក់ពីលើយន្តហោះសម័យសង្គ្រាមចុងទសវត្ស៦០ ។ មន្ត្រីឯកទេសគ្រឿងផ្ទុះប្រាប់ថា នេះជាគ្រាប់បែកប្រឆាំងពួកវៀតកុង-វៀតណាមខាងជើង ដែលបានឆ្លងដែនតាមផ្លូវលំហូជីមិញមកប្រមូលផ្តុំគ្នានៅតាមព្រំដែនខ្មែរ-វៀតណាម ដើម្បីផ្តួលរំលំរដ្ឋាភិបាលវៀតណាមខាងត្បូង ។
ការប្រទះឃើញនេះគឺនៅថ្ងៃទី១៤ មករា២០២០ វេលាម៉ោង៧ព្រឹក ដែលជាគ្រាប់មិនទាន់ផ្ទុះ១កប់នៅក្នុងដី ជាទីតាំងរណ្តៅដីដ៏ធំស្ថិតនៅភូមិតាពៅ សង្កាត់បាវិតក្រុងបាវិត ។ ទោះបីមានរយៈពេលជិត៥០ឆ្នាំមកហើយក្តី គ្រាប់និងយុទ្ធភណ្ឌមិនទាន់ផ្ទុះដែលបន្សល់ពីសម័យសង្គ្រាម ដែលគាំទ្រដោយសហរដ្ឋអាមេរិកជួយរបបវៀតណាមខាងត្បូង និងសេនាប្រមុខលន់ ណុល នៅតែតាមលងបន្លាចដល់ប្រជាពលរដ្ឋខ្មែររហូតដល់សព្វថ្ងៃ ដែលគេសន្និដ្ឋានថាមិនងាយរកឃើញអស់ឡើយ ព្រោះវាកប់ក្នុងដី ។
គ្រាប់បែកដែលទម្លាក់ពីលើយន្តហោះនេះមន្ត្រីប្រាប់ថាជាប្រភេទ MK82 គឺទាហានអាមេរិកបានទម្លាក់ក្នុងសម័យសង្គ្រាមហើយមិនផ្ទុះ ។ អ្នកភូមិបានអំពាវនាវដល់អាជ្ញាធរមេត្តាចុះទៅពិនិត្យនិងយកទៅរក្សាទុកទីសុវត្ថិភាពផង ៕
ចែករំលែកព័តមាននេះ