រាជធានីភ្នំពេញ ៖ ជាអាណាព្យាបាល នរណាៗក៏ស្រលាញ់ និងបារម្ភពីកូនដែរ ជាពិសេសពេលកូនឈឺតែម្តង មិនថា ជាអ្នកមានធូរធា ឬមិនសូវមានលទ្ធភាពនោះទេ ។…
រាជធានីភ្នំពេញ ៖ ជាអាណាព្យាបាល នរណាៗក៏ស្រលាញ់ និងបារម្ភពីកូនដែរ ជាពិសេសពេលកូនឈឺតែម្តង មិនថា ជាអ្នកមានធូរធា ឬមិនសូវមានលទ្ធភាពនោះទេ ។
ដូចគ្នានេះដែរ លោក ម៉ម សុផាន់ណា ប្រជាពលរដ្ឋម្នាក់រស់នៅក្រុងច្បារមន ខេត្តកំពង់ស្ពឺ មានមុខរបរជាអ្នកបើកឡានបែន ដែលកំពុងតែរងសម្ពាធបារម្ភពីកូនដែលកំពុងតែឈឺរលាកពោះវៀនធ្ងន់ធ្ងរបានរៀបរាប់ថា ៖ «ពេលដែលគ្រូពេទ្យប្រាប់ថា កូនខ្ញុំឈឺរលាកពោះវៀនហើយ ខ្ញុំធ្លាក់ថ្លើមក្តុកតែម្តង ដោយបារម្ភ និងអាណិតកូន ព្រោះមានកូនតែមួយផង ហើយត្រូវមកតទល់ជាមួយជំងឺធ្ងន់ធ្ងរអ៊ីចឹងទៀត ហើយក្តីបារម្ភមួយទៀតនោះ គឺឈឺចំពេលដែលខ្ញុំមិនមានសល់ប្រាក់សន្សំអ្វីសោះ ដើម្បីបង់ថ្លៃសេវាព្យបាល និងថ្នាំសង្កូវ» ។
លោកបន្តទៀតថា ៖ «កូនឈឺផង និងស្ទើរគ្មានលទ្ធភាពបង់ថ្លៃពេទ្យផង វាដូចជាតានតឹងផ្លូវអារម្មណ៍បន្តិចសម្រាប់ខ្ញុំ ហើយក៏នឹកឃើញថា ចង់ដាក់ស្រាបៀរ ១កំប៉ុង ដើម្បីកាត់សាញ តែមិនទៅដឹងអី វាពិតជាកាត់សាញមួយទំហឹងមែន ហើយជួយដោះស្រាយកង្វល់ថ្លៃចំណាយការ ព្យាបាលមួយចំណែកធំទៀត ដោយសារតែគាស់ក្រវិលកំប៉ុងមក ស្រាប់តែឃើញលេខ ៥០លានរៀល លើក្រវិលកំប៉ុងស្រាបៀរកម្ពុជា ខ្ញុំពិតជាធូរចិត្តច្រើនមែន» ។
លោកស្រី គង់ កុសល នាយិកាទីផ្សារក្រុមហ៊ុនផលិតស្រាបៀរកម្ពុជា បានសម្តែងក្តីសាទរ និង ជូនពរលោក សុផាន់ណា យ៉ាងដូច្នេះថា ៖ «ខ្ញុំសូមអបអរសាទរដល់លោក សុផាន់ណា ដែលបានឈ្នះរង្វាន់ទឹកប្រាក់សុទ្ធ ៥០លានរៀលកាលពីថ្ងៃទី ៣០ ខែធ្នូ ឆ្នាំ២០១៩ កន្លងទៅ ពីស្រាបៀរកម្ពុជា ហើយសង្ឃឹមថា ទឹកប្រាក់នេះនឹងអាចចូលរួមចំណែកជួយគាត់បានច្រើន ជាពិសេសរឿងកូនគាត់ឈឺតែម្តង ព្រោះទឹកចិត្តជាអាណាព្យាបាលប្រាកដជាពិបាកណាស់ពេលជួបស្ថានភាពបែបនេះ» ។ ពិសាដោយការទទួលខុសត្រូវ ! ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ