រាជធានីភ្នំពេញ ៖ បង្គោលស្លាក់យីហោ និងរោងលក់ដូររំលោភលើចិញ្ចើមផ្លូវសាធារណត្រូវបានអាជ្ញាធរខណ្ឌឬស្សីកែវចុះទៅកាត់លើកចេញ និងរុះរើឈូសចោលនៅពេលចុះទៅរៀបចំសណ្តាប់ធ្នាប់នៅតាមដងផ្លូវនានា នៅក្នុងមូលដ្ឋានរបស់ខ្លួន ។ ការរៀបចំសណ្តាប់ធ្នាប់នេះបានធ្វើឡើង ជាបន្តបន្ទាប់ កាលពីថ្ងៃទី១៤ ខែមករា រហូតដល់យប់ និងបន្តនៅព្រឹកថ្ងៃទី១៥ ខែមករា ក្នុងគោលបំណងលើកកម្ពស់សោភ័ណ្ឌភាពរាជធានីភ្នំពេញឲ្យកាន់តែប្រសើរឡើង ព្រមទាំងកាត់បន្ថយនូវការកកស្ទះចរាចរណ៍ដែលតែងតែកើតឡើងស្ទើតែរៀងរាល់ថ្ងៃ ក្នុងមូលដ្ឋានខណ្ឌឬស្សីកែវ ក៏ដូចជា នៅក្នុងរាជធានីភ្នំពេញទាំងមូល ។
តាមព័ត៌មានឲ្យដឹងថា ស្លាកយីហោ ជាច្រើនផ្ទាំងមុខផ្ទះបើកអាជីវកម្មរមួយចំនួន ព្រមទាំងរោងលក់ដូរខោអាវ រាបសិប រោង ស្ថិតនៅតាមផ្លូវ លេខ១០៥ និងមុខផ្សារធំទូលសង្កែហៅផ្សារសាំហាន់ ស្ថិតក្នុងសង្កាត់ទួលសង្កែទី១ ខណ្ឌឬស្សីកែវ ត្រូវបានអាជ្ញាធរចុះកាត់ និងរុះរើឈូសចោល ។
តាមព័ត៌មានឲ្យដឹងទៀតថា នៅរសៀលថ្ងៃទី១៤ ខែមក រាអាជ្ញាធរដែលដឹកនាំដោយលោកប្រាជ សីហា អភិបាលរងខណ្ឌឬស្សីកែវបានដឹកនាំកម្លាំងសណ្តាប់ធ្នាប់ និងគណៈបញ្ជាការឯកភាព សង្កាត់បានចុះទៅរៀបចំសណ្តាប់នៅជំវិញផ្សារធំទួលសង្កែ ហៅផ្សារសាំសាន់ និងនៅតាមដងផ្លូវលេខ១០៥ ក្នុងសង្កាត់ទួលសង្កែ ហើយក៏បានកាត់ស្នាក់យីហោដែលម្ចាស់បានសង់រំលោភលើចិញ្ចើមផ្លូវ និងណែនាំឲ្យម្ចាស់រុះរើរោងលក់ដូរមិនរៀបរយរបស់ខ្លួនចេញអោយអស់ពីចិញ្ចើមផ្លូវ ។ លុះនៅវេលាម៉ោងប្រមាណ៩យប់ អាជ្ញាធរក៏បានយកគ្រឿងចក្រទៅឈូសចោលតែម្តង ខណៈពេលដែលម្ចាស់យកអីវ៉ាន់ទៅផ្ទះ និងខ្លះបានរើចេញអស់ ។ នៅពេលព្រឹកឡើងម្ចាស់ក៏ស្រឡាំងកាំង នៅពេលរោងរបស់ខ្លួនត្រូវបានអាជ្ញាធររុះអស់ ។
លោកប្រាជ សីហា អភិបាលរងខណ្ឌឬស្សីកែវ បានអោយដឹងថា តាមគោលការណ៍របស់សាលារាជធានីភ្នំពេញមិនអនុញ្ញាតិអោយបងប្អូន យកចិញ្ចើមផ្លូវនិងទ្រូងផ្លូវ ធ្វើអាជីវកម្មនោះទេ ។ កន្លងមកដើម្បីកាត់បន្ថយការកកស្ទះ អាជ្ញាធរ ខណ្ឌឬស្សីកែវ តែងតែយកចិត្តទុកដាក់ចុះរៀបចំសណ្តាប់ និងបានធ្វើណែនាំអោយបងប្អូនលក់ដូរទៅតាមការកំណត់របស់អាជ្ញាធរ តែបងប្អូនមិនស្តាប់ ហើយបន្តលក់ដូររំលោភលើចិញ្ចើមផ្លូវបង្កអោយកកស្ទះចរាចរណ៍ទើបអាជ្ញាធរចុះមករៀបចំសណ្តាប់ធ្នាប់រុះរើរោង ,ឆ័ត្រ និងកាត់ស្លាកយីហោដែលរំលោភលើចិញ្ចើមផ្លូវតែម្តង ។
តាមអាជ្ញាធរបានអោយដឹងថា ដើម្បីអនុវត្តតាមការណែនាំរបស់រដ្ឋបាលរាជធានីភ្នំពេញអាជ្ញាធរក៏បានបែងចែកកម្លាំងជា៣គោលដៅ ដើម្បីចំរុញការរៀបចំសណ្តាប់ធ្នាប់នៅតាមផ្លូវធំនានាដែលតែងតែកកស្ទះចរាចរណ៍កន្លងមកធ្វើយ៉ាងណាកាត់បន្ថការកកស្ទះ និងលក់កម្ពស់សោភណ្ឌភាពរាជធានីភ្នំពេញអោយកាន់តែប្រសើរឡើង ៕ កែសម្រួលដោយ ៖ សុឃាក់
ចែករំលែកព័តមាននេះ