កោះតៃវ៉ាន់ ៖ ប្រធានាធិបតីតៃវ៉ាន់លោកស្រីTSAI ING WENក្រោយជាប់ឆ្នោតជាថ្មីភ្លាមថ្លែងថា ចិនត្រូវទទួលយកការពិតដែលតៃវ៉ាន់ជាប្រទេសេករាជ្យមូយរួចទៅហើយ ដោយលោកស្រីអះអាងប្រាប់ក្រុងប៉េកាំងថា រាល់ការប៉ុនប៉ងលុកលុយលើកោះតៃវ៉ាន់ នោះខ្លួននឹងរងការបង់តម្លៃខ្ពស់បំផុត។
លោកស្រីTSAI ING WENដែលធ្វើយុទ្ធនាការឃោសនា លើកពីគំនិតនៃភាពចាំបាច់តស៊ូប្រឆាំងការគំរាមកំហែងនិងលទ្ធិផ្ដាច់ការរបស់ចិននោះ ដណ្ដើមបានជោគជ័យក្នុងការបោះឆ្នោតប្រធានាធិបតីតៃវ៉ាន់ កាលពីថ្ងៃទី១១មករាជាមូយសំឡេង៥៧,១% ក៏ទោះបីមានការសម្លុតបំភ័យខាងសេដ្ឋកិច្ចនិងការទូតពីសំណាក់ក្រុងប៉េកាំង ដើម្បីឲ្យដែនកោះនោះនៅឯកោក្ដី។
លោកស្រីទទួលបានសន្លឹកឆ្នោត៨,២លាន ដែលច្រើនជាងការជាប់ឆ្នោតលើកទីមួយរបស់លោកស្រីកាលពីឆ្នាំ២០១៦ទៅទៀត ដែលនោះជាការដុតកម្ដៅមូយដល់ក្រុងប៉េកាំង ដែលចាត់ទុកកោះតៃវ៉ាន់ ជាខេត្តមួយមិនអាចកាត់ផ្ដាច់បានរបស់ចិន។
ក្រុងប៉េកាំងសច្ចាថានឹងដណ្ដើមយកកោះតៃវ៉ាន់ក្នុងថៃ្ងណាមួយដោយប្រើកម្លាំងបើចាំបាច់ ពិសេសប្រសិនបើដែនកោះនេះហា៊នប្រកាសឯករាជ្យ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ