ខេត្តកំពង់ធំ ៖ អស់រយៈកាលជាច្រើនខែឆ្នាំមកហើយ រហូតមកដល់បច្ចុប្បន្ននេះដែលអ្នកស្រុកសង្កេតឃើញថា មានបទល្មើសនេសាទខុសច្បាប់តែងតែកើតមាននៅក្នុងបឹង ទន្លេ ព្រែក នឹងស្ទឹង ហើយបទល្មើសខ្លះបានសម្បូរហូរហៀររហូតមកដល់មុខខណ្ឌរដ្ឋបាលជលផលកំពង់ធំទៀតផង ដែលអាចប្រព្រឹត្តបានដោយរលូននោះ…
ខេត្តកំពង់ធំ ៖ អស់រយៈកាលជាច្រើនខែឆ្នាំមកហើយ រហូតមកដល់បច្ចុប្បន្ននេះដែលអ្នកស្រុកសង្កេតឃើញថា មានបទល្មើសនេសាទខុសច្បាប់តែងតែកើតមាននៅក្នុងបឹង ទន្លេ ព្រែក នឹងស្ទឹង ហើយបទល្មើសខ្លះបានសម្បូរហូរហៀររហូតមកដល់មុខខណ្ឌរដ្ឋបាលជលផលកំពង់ធំទៀតផង ដែលអាចប្រព្រឹត្តបានដោយរលូននោះ ក៏ដោយសារតែមានការឃុបឃិតគ្នាជាមួយនឹងមន្ត្រីជំនាញតែម្តង។
ប្រជាពលរដ្ឋសំណូមពរដល់លោកនាយខណ្ឌរដ្ឋបាលជលផលកំពង់ធំ ដែលទើបនឹងឡើងកាន់តំណែងថ្មី សូមលោកមេត្តាមានវិធានការចំពោះបទល្មើសនេសាទខុសច្បាប់ ប្រភេទមងគ្របនេះផង ដែលកំពុងតែប្រព្រឹត្តបទល្មើសជារៀងរាល់ថ្ងៃ នៅក្នុងស្ទឹងសែន ដែនសមត្ថកិច្ចរបស់លោក គឺនៅទល់មុខនឹងខណ្ឌរដ្ឋបាលជលផលកំពង់ធំរបស់លោកតែម្តង ។
ពួកគាត់បន្តថា បទល្មើសនេសាទខុសច្បាប់ប្រភេទមងគ្របនេះប្រព្រឹត្តជារៀងរាល់ថ្ងៃ បានដោយរលូន មិនដែលឃើញមានការបង្ក្រាបពីខាងជំនាញម្តងណានោះទេ ដែលជាហេតុនាំឲ្យពលរដ្ឋនិយាយរិះគន់ថា បើអ្នកប្រព្រឹត្តបទល្មើស មិនបានយកសំណែនទៅសែនទេ ចាំតែប្រព្រឹត្តបានតើ បើមិនចាប់យកខ្ទេចឥឡូវនឹង ស្រួលមិនស្រួលជាប់គុកទៀត ប្រសិនបើមិនត្រូវដងត្រូវផ្លែគ្នាទេ គ្មានអ្នកណាហ៊ានទេ ។
តាមប្រភពដដែលបន្តថា បទល្មើសខាងលើមានរាល់ថ្ងៃ ចាប់តាំងពីចំនុចខាងលិចសាលាខេត្តកំពង់ធំមក រហូតដល់ចំណុចពងទឹកខាងកើតស្ពានកំពង់ធំឯណោះ នេះគ្រាន់តែផ្នែកមួយដែលពួកគាត់បានឃើញផ្ទាល់ភ្នែកផង ចុះទំរាំតែនៅកន្លែងផ្សេងៗទៀត ដែលនៅឆ្ងាយពីភ្នែកច្រមុះមហាជននោះ វាសម្បូរយ៉ាងណាទៅ ។ ព័ត៌មានពិស្តារផ្សាយនៅលើកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ