ក្រុមបិសាចក្រហម Manchester United ត្រូវបានរាយការណ៍ថា ត្រៀមក្នុងការបន្តកុងត្រាថ្មីសម្រាប់កីឡាករ Nemanja Matic ។ កុងត្រារបស់ខ្សែបម្រើក្រុមជម្រើសជាតិស៊ែប៊ី វ័យ៣១ឆ្នាំរូបនេះនឹងផុតនៅរដូវក្តៅនេះ ខណៈដែលក្លិបក៏គ្មានបំណងក្នុងការបន្តកុងត្រាសម្រាប់រូបគេផងដែរ ។
ប៉ុន្តែបើតាមប្រភពពី The Sun បានឱ្យដឹងថា ដោយសារតែក្លិបកំពុងជួបវិបត្តិកីឡាករនៅតំបន់បម្រើកណ្តាលដែលរងរបួស ជាក់ស្តែងគឺកីឡាករ Paul Pogba និង Scott McTominay ដែលត្រូវសម្រាកព្យាបាលរបួសរយៈពេលវែងទើបធ្វើឱ្យអ្វីៗមានការប្រែប្រួល។
ដោយហេតុផលនេះហើយ ទើបធ្វើឱ្យលោក Ole Gunnar Solskjaer ធ្វើកោះប្រជុំមួយដើម្បីពិភាក្សាពីបញ្ហានេះ។ តាមប្រភពដដែលបានបន្តថា Man United ត្រៀមនឹងបន្តកិច្ចសន្យាដល់ Matic ចំនួន១២ខែបន្ថែមទៀត ដែលមានន័យថារូបគេនឹងត្រូវបន្តនៅទឹកដី Old Traford បន្តទៀតរហូតដល់រដូវក្តៅឆ្នាំ២០២១ ៕
ចែករំលែកព័តមាននេះ