រាជធានីភ្នំពេញ ៖ លោកស្រី គង់ កុសល នាយិកាទីផ្សារក្រុមហ៊ុន ខ្មែរ ប៊ែវើរីជីស បានប្រកាសឲ្យគូស្នេហ៍ ឬស្វាមីភរិយា ដែលបានជាវស្រាបៀរកម្ពុជា សម្រាប់ថ្ងៃអាពាហ៍ពិពាហ៍របស់ខ្លួនកន្លងមក ត្រៀមសន្លឹកឆ្នោតដែលមានក្នុងដៃ ដើម្បីផ្ទៀងផ្ទាត់ជាមួយលទ្ធផលចាប់រង្វាន់ម៉ូតូ Zoomer X ចំនួន ១០០រង្វាន់ និងចិញ្ចៀនពេជ្រចំនួន ១០រង្វាន់ នៅថ្ងៃអាទិត្យទី ១៩ ខែមករា ក្នុងកម្មវិធីប្រដាល់ Mas Fight លើកញ្ចក់ទូរទស្សន៍ ថោន ចាប់ពីម៉ោង ៣ ដល់ ៦ ល្ងាច ។
លោកស្រីបន្តទៀតថា ៖ «លទ្ធផលនៃការចាប់រង្វាន់នេះ ក៏នឹងត្រូវបង្ហាញជូននៅលើទំព័រហ្វេសប៊ុក ស្រាបៀរកម្ពុជា ព្រមទាំងសារព័ត៌មាន Freshnews និង ដើមអម្ពិល នៅ ២ថ្ងៃបន្ទាប់ផងដែរ ។ ដូច្នេះគូស្នេហ៍ ឬស្វាមីភរិយា ដែលខកខានមិនបានផ្ទៀងផ្ទាត់ផ្ទាល់ក្នុងកម្មវិធីតាមកញ្ចក់ទូរទស្សន៍ សូមតាមដានលើប្រព័ន្ធផ្សព្វផ្សាយទាំង ៣ខាងលើ» ។
លោកស្រីបញ្ជាក់ផងដែរថា ៖ «អ្នកដែលមានឈ្មោះឈ្នះរង្វាន់ខាងលើ សូមត្រៀមឯកសារសំខាន់ៗចាំបាច់ ដែលរួមមានលិខិតអាពាហ៍ពិពាហ៍ លិខិតអញ្ជើញភ្ញៀវ កន្ទុយសន្លឹកឆ្នោត រូបថតកូនកំលោះកូនក្រមុំ អត្តសញ្ញាណប័ណ្ណទាំង២នាក់ ដើម្បីធ្វើការផ្ទៀងផ្ទាត់បើករង្វាន់ជាមួយក្រុមហ៊ុន» ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ