ទិញលោកព្រះ Zlatan ម្នាក់មិនអស់ចិត្ត AC Milan វ៉ៃចេញ៣ ទិញចូល២នាក់ថែមទៀត
តាមប្រភពព័ត៌មាន Soccer Laduma បានឱ្យដឹងថា ដោយបានបញ្ចប់កិច្ចព្រមព្រៀងក្នុងការនាំយក Zlatan Ibrahimovic ត្រលប់មកក្លិបវិញ ក្លិបយក្ស AC…
តាមប្រភពព័ត៌មាន Soccer Laduma បានឱ្យដឹងថា ដោយបានបញ្ចប់កិច្ចព្រមព្រៀងក្នុងការនាំយក Zlatan Ibrahimovic ត្រលប់មកក្លិបវិញ ក្លិបយក្ស AC…
តាមប្រភពព័ត៌មាន Soccer Laduma បានឱ្យដឹងថា ដោយបានបញ្ចប់កិច្ចព្រមព្រៀងក្នុងការនាំយក Zlatan Ibrahimovic ត្រលប់មកក្លិបវិញ ក្លិបយក្ស AC Milan ចាប់តាំងពីពេលនោះមក បានបញ្ជាក់ពីការផ្ទេរកីឡាករចំនួន៥រូបទៀត ដោយធ្វើការទិញចូលកីឡាករ២រូប និង បញ្ចេញកីឡាករ៣រូប។
នៅថ្ងៃច័ន្ទនេះ AC Milan បានទិញយកអតីតអ្នកចាំទី Asmir Begovic របស់ក្រុមតោខៀវ Chelsea ក្នុងលក្ខខណ្ឌខ្ចីជើងសម្រាប់ពេលដែលនៅសល់នៃរដូវកាលនេះ។ កីឡាករវ័យ ៣២ឆ្នាំរូបនេះបានចូលរួមជាមួយ Rossoneri មកពី AFC Bournemouth ហើយនឹងធ្វើជាអ្នកការពារជម្រើសដំបូងរបស់ Gianluigi Donnarumma។
ការមកដល់របស់ Begovic ក៏បានបើកទ្វារសម្រាប់ការចាកចេញនៅខែមករារបស់ Milan ផងដែរ ដោយអ្នកចាំទីជើងចាស់ Pepe Reina បានចាកចេញដើម្បីទៅលេងឱ្យ Aston Villa។ កីឡាកររូបនេះ ដែលធ្លាប់លេងឱ្យក្រុមហង្សក្រហម Liverpool វិលត្រឡប់មកកាន់លីគកំពូលអង់គ្លេសវិញ បន្ទាប់ពីអ្នកចាំទី Tom Heaton រងរបួសរដូវកាល។
កាលពីថ្ងៃអង្គារ Rossoneri បានបញ្ចប់ការចុះហត្ថលេខាជាលើកទី២ របស់ពួកគេ នៅពេលដែលកីឡាករអន្តរជាតិដាណឺម៉ាក Simon Kjaer បានមកខ្ចីជើងពី Sevilla ដោយមានកិច្ចសន្យារយៈពេលខ្លីជាមួយ Atalanta ត្រូវបានបញ្ចប់មុនពេលកំណត់។
កីឡាករអន្តរជាតិអ៊ីតាលី Mattia Caldara និង Fabio Borini ក៏បានចាកចេញពីក្លិបនេះផងដែរ ដោយ Caldara បានវិលត្រឡប់ទៅ Atalanta វិញក្នុងលក្ខខណ្ឌខ្ចីជើង ហើយ Borini ផ្លាស់ទៅ Hellas Verona ក្នុងការផ្ទេរដោយឥតគិតថ្លៃ៕
ចែករំលែកព័តមាននេះ