សម្តេចតេជោថា គ្មានការផ្ទេរតំណែងនាយករដ្ឋមន្ត្រីទៅឲ្យកូននោះទេ
- ភ្នំពេញ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានគូសបញ្ជាក់សាជាថ្មីថា លោក ហ៊ុន ម៉ាណែត មិនអាចធ្វើជានាយករដ្ឋតាមរយៈការផ្ទេរវេន…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានគូសបញ្ជាក់សាជាថ្មីថា លោក ហ៊ុន ម៉ាណែត មិនអាចធ្វើជានាយករដ្ឋតាមរយៈការផ្ទេរវេន ខណៈដែលសម្តេចកំពុងកាន់អំណាច ឬមិនឆ្លង់កាត់ការបោះឆ្នោតនោះទេ ។ សម្តេចតេជោ ហ៊ុន សែន នាយករដ្ឋមន្ត្រីបានថ្លែងក្នុងជំនួបជាមួយអ្នកសារព័ត៌មានលើកទី៤ នាសន្និបាតកោះពេជ្រ នៅល្ងាចថ្ងៃទី១៤ ខែមករា ឆ្នាំ២០២០ថា កូនប្រុសសម្តេច គឺ លោក ហ៊ុន ម៉ាណែត មិនអាចធ្វើជានាយករដ្ឋមន្ត្រីមិនមកកាន់តំណែងតាមរយៈការផ្ទេរនោះទេ ។
ព្រោះថា កម្ពុជាជាប្រទេសកាន់ប្រជាធិបតេយ្យតាមរយៈការបោះឆ្នោត ។ សម្តេចតេជោបានបញ្ជាក់ថា៖«ខ្ញុំសូមបញ្ជាក់ថា គ្មានការផ្ទេរតំណែងពីឪពុកទៅកូន ដោយមិនឆ្លងកាត់ការបោះឆ្នោតនោះទេ ។ ចាប់ពីឆ្នាំ២០២៣ ដល់២០៣០ ទើបគាត់អាចប្រឡូក ជានាយករដ្ឋមន្ត្រីបាននេះជាចំណុចដែលខ្ញុំនិយាយហើយនិយាយទៀត ។ ពេលនេះតើកូនមានលទ្ធភាពឯណាមកដណ្តើមអំណាចពីឪពុក ហើយអ្វីដែលខ្ញុំចង់បញ្ជាក់ថា កម្ពុជា គឺជាប្រទេសកាន់របបលទ្ធិប្រជាធិបតេយ្យមិនជាប្រទេសផ្ទេរអំណាចពីឪពុកទៅកូនដូចប្រទេសខ្លះនោះទេ គឺត្រូវឆ្លងកាត់ការបោះឆ្នោត» ។
សម្តេចតេជោបានបញ្ជាក់ថា ៖ បើឪពុកកំពុងកាន់អំណាចហើយអង្គុយនៅទីនេះ ។ ផ្ទុយទៅវិញបើទោះបីជាឪពុកចាកចេញពីតួនាទីក្តី ក្នុងពេលដែលថ្នាក់ដឹកនាំប្រទេសជាតិសហការីដែលកំពុងនៅទីនេះ ។ សម្តេចបន្តថា ការផ្តល់តួនាទីនេះក៏ត្រូវពិភាក្សានៅក្នុងផ្ទៃក្នុងរបស់គណបក្សជាមុនសិន ។ ជាមួយគ្នានោះដែរសម្តេចតេជោក៏បានលើកថា អ្នកដែលចង់បានអំណាចបានធ្វើការចោទប្រកាន់លើហ៊ុន ម៉ាណែត ជាកូនរបស់ជនបរទេស ហើយបានប្រមាថភរិយាថែមទៀត ។ ដែលចំណុចនេះសម្តេចបានបញ្ជាក់ថា សម្តេចនឹងមិនអត់ឱនជាដាច់ខាត ៕
ចែករំលែកព័តមាននេះ