ខេត្តមណ្ឌលគិរី ៖ ដើម្បីចៀសវាងការប៉ះពាល់ដល់សុខភាពរបស់ប្រជាពលរដ្ឋទូទៅ នាឱកាសបុណ្យចូលឆ្នាំប្រពៃណីចិន-វៀតណាមខាងមុខនេះ មន្ត្រីសាខាកាំកុងត្រូលខេត្ត សហការជាមួយមន្ទីរពាណិជ្ជកម្មខេត្តនាព្រឹកថ្ងៃទី១៣ ខែមករា បានចុះធ្វើតេស្តម្ហូបអាហារ និងត្រួតពិនិត្យទំនិញខូចគុណភាព ហួសកាលបរិច្ឆេទប្រើប្រាស់…
ខេត្តមណ្ឌលគិរី ៖ ដើម្បីចៀសវាងការប៉ះពាល់ដល់សុខភាពរបស់ប្រជាពលរដ្ឋទូទៅ នាឱកាសបុណ្យចូលឆ្នាំប្រពៃណីចិន-វៀតណាមខាងមុខនេះ មន្ត្រីសាខាកាំកុងត្រូលខេត្ត សហការជាមួយមន្ទីរពាណិជ្ជកម្មខេត្តនាព្រឹកថ្ងៃទី១៣ ខែមករា បានចុះធ្វើតេស្តម្ហូបអាហារ និងត្រួតពិនិត្យទំនិញខូចគុណភាព ហួសកាលបរិច្ឆេទប្រើប្រាស់ នៅផ្សារសែនមនោរម្យ ក្នុងក្រុងសែនមនោរម្យ។
លោក ជ័យ សាមឿន អនុប្រធានសាខាកាំកុងត្រួលខេត្តបានដឹងថា ការចុះត្រួតពិនិត្យទំនិញនេះ ក្នុងគោលបំណងការពារផលប្រយោជន៍ និងសុខភាពអ្នកប្រើប្រាស់ ដោយផ្ដោតទៅលើទំនិញវេចខ្ចប់ស្រាប់ ម្ហូបអាហារ ជាពិសេសទំនិញហួសកាលបរិច្ឆទប្រើប្រាស់ ទំនិញគ្មានសុវត្ថិភាព ឬលាយសារធាតុគីមីហាមឃាត់។
លោកបន្ថែមថា ការចុះត្រួតពិនិត្យទំនិញនេះ បានធ្វើតេស្តលើចំណីអាហារដើម្បីស្វែងរកសារធាតុគីមីហាមឃាត់បូរ៉ាក់លើមុខទំនិញដូចជា សរសៃគុយទាវ នំបញ្ចុក ត្រីងៀត ហ្វឺ នំបាញ់ឌៀវ ។ ជាលទ្ធផល ពុំមានសារធាតុគីមីហាម ឃាត់នោះទេ ។
ជាមួយនេះ បានធ្វើតេស្តសារធាតុគីមី Sodium Hydrosufite salicylic Acid formaline លើមុខទំនិញសណ្ដែកបណ្តុះ សណ្តែកកួរ ទឹកត្រាំខ្ញីហាន់ ទឹកតៅហូ៊ ស្ពៃក្រញាញ់ ស្ពៃក្តោប ម្ទេសប្លោក ផ្កាគូឆាយ សាឡាដ ផ្កាខាត់ណា ត្រសក់ ។ ជាលទ្ធផលពុំមានសារធាតុគីមីហាមឃាត់នោះទេ ។
បានធ្វើតេសរកជាតិអុីយ៉ូតនៅក្នុងអំបិលម៉ាកលីលីដា ជាលទ្ធផលមានអុីយ៉ូតត្រឹមត្រូវ ។ បន្ទាប់មក បាន
ចុះពិនិត្យទំនិញវេចខ្ចប់ស្រាប់នៅតាមតូប និងតាមផ្ទះដាក់លក់ទំនិញនានា ដើម្បីស្វែងរកទំនិញខូចគុណភាព និងហួសកាលបរិច្ឆេទប្រើប្រាស់ ។ ជាលទ្ធផល ពុំបានរកឃើញទំនិញខូចគុណភាព និងហួសកាលបរិច្ឆេទប្រើប្រាស់នោះទេ ។
ទន្ទឹមនឹងនោះ ការចុះត្រួតពិនិត្យទំនិញនេះមន្ត្រីសាខាកាំកុងត្រូល បានធ្វើការណែនាំបន្ថែមដល់អាជីវករ ពាណិជ្ជករ ឲ្យមានការយល់ដឹងនិងមានការប្រុងប្រយ័ត្នចំពោះទំនិញទាំងឡាយណាដែលមិនមានគុណភាព និងហួសកាលបរិច្ឆេទប្រើប្រាស់ដូចជា កំប៉ុងក្រពឹត ប៉ោង មានច្រែះទំនិញដែលមានសារធាតុគីមីហាមឃាត់ និងត្រូវរៀបចំទំនិញលក់ដូរទុកដាក់ឲ្យមានសណ្តាប់ធ្នាប់ល្អ ។
ជាមួយនេះ បានបិទរូបភាពដែលរៀបចំដោយអគ្គនាយកដ្ឋានកាំងកុងត្រូលជូនដល់អ្នកលក់ និងអ្នកប្រើប្រាស់ ឲ្យបានយល់ដឹងពីរូបភាពជាបឋមនូវទំនិញណាដែលគួរប្រើ និងទំនិញណាដែលមិនគួរប្រើប្រាស់ ៕
ចែករំលែកព័តមាននេះ