រាជធានីភ្នំពេញ៖ គម្រោងនៃការតភ្ជាប់ផ្លូវដែករវាងកម្ពុជានិងថៃដែលមហាជនចាំបានថាមានប្រមុខរាជរដ្ឋាភិបាលកម្ពុជានិងថៃបានរួមគ្នាចូលរួមបើកសម្ភោធជាផ្លូវការនៃការតភ្ជាប់ផ្លូវដែក និងស្ពានមិត្តភាពស្ទឹងបត់-បានណុងអៀងកាលថ្ងៃទី ២២ ខែ មេសា ឆ្នាំ២០១៩ គិតមកដល់ពេលបច្ចុប្បន្ននេះកម្ពុជាហាក់នូវមិនទាន់ទទួលអត្ថបយោជន៍សំខាន់ៗណាមួយដែលប្រសូតចេញពីការតភ្ជាប់ផ្លូវដែកដឹកទំនិញនិងធ្វើពាណិជ្ជកម្មឆ្លងកាត់ព្រំដែនជាមួយភាគថៃខណៈការវិនិយោគមួយនេះកម្ពុជាប្រើប្រាស់ថវិកាអស់ច្រើន។
ការតភ្ជាប់ផ្លូវដែកឆ្លងកាត់ព្រំដែនកម្ពុជា-ថៃប្រកាសជាផ្លូវការតាំងពីដើមឆ្នាំ២០១៩គិតរហូតដល់ដើមឆ្នាំ២០២០ បើតាមថ្នាក់ដឹកនាំកំពូលនៃក្រសួងសេដ្ឋកិច្ចនិងហិរញ្ញវត្ថុការធ្វើសកម្មភាពធ្វើពាណិជ្ជកម្មឆ្លងកាត់ហាក់នៅមិនទាន់ហុចផលសំខាន់ណាមួយដល់កម្ពុជាគួរឱ្យកត់សម្គាល់ណាមួយនោះទេ ដែលទាមទារឱ្យក្រសួងសាធារណការនិងដឹកជញ្ជូនបន្តគិតគូ ធ្វើយ៉ាងណាឱ្យការដឹកជញ្ជូនតាមផ្លូវការកម្ពុជាមានចលនារស់រវើកនិងមានប្រសិទ្ធិភាពលើការដឹកជញ្ជូន។
លោក អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុមានប្រសាសន៍ថាក្នុងពិធីបិទសន្និបានបូកសរុបលទ្ធផលការងាររបស់ក្រសួងសាធារណការនិងដឹកជញ្ជូនកាលពីពេលថ្មីៗកន្លងទៅនេះថា ក្រសួងសាធារណការនិងដឹកជញ្ជូនត្រូវបន្តយកគិតគូ ជំរុញបន្តការតភ្ជាប់ផ្លូវដែករវាងកម្ពុជានិងថៃ ដើម្បីលើកកម្ពស់កម្រិតសមត្ថភាពផ្លូវដែកកម្ពុជាដើម្បីជំរុញប្រតិបត្តិការដឹកជញ្ជូនតាមផ្លូវដែកឱ្យវាមានចលនារស់រវើកនឹងបង្កើនប្រសិទ្ធិភាពនៃការដឹកជញ្ជូន។ លោកអគ្គបណ្ឌិតសភាចារ្យ បានបន្តថា «ជាមួយភាគីថៃនេះយើងទាំងអស់គ្នាបានដឹងហើយថាជាគោលការណ៍ថាបានភ្ជាប់រួចហើយ ប៉ុន្តែដំណើរការវាមិនទាន់បាន ព្រោះខាងថៃគេវាមិនទាន់ដំណើរការស្រួលនៅឡើយនោះទេ ហើយយើងបានចេញថវិកាវិនិយោគអស់ច្រើនហើយ បើស្រួលលុយដែលយើងបានវិនិយោគអស់រាប់រយលានដុល្លាអាមេរិកអាចមានការបាត់បង់ទៅទៀត»។
លោកអគ្គបណ្ឌិត បានសង្កត់ធ្ងន់ថា «ហេតុដូច្នេះហើយខ្ញុំគ្រាន់រំលឹកឡើងវិញ និងលើកទឹកចិត្តដល់ក្រសួងសាធារណការនិងដឹកជញ្ជូន មេត្តាជំរុញកិច្ចការនេះបន្ថែមទៀត រួមនិងកិច្ចការបញ្ចប់ឱ្យបានឆាប់នូវកិច្ចសន្យាដឹកជញ្ជូនអន្តរកាលលើផ្លូវដែកភាគខាងជើង។ បើទោះបីការដឹកជញ្ជូននិងការធ្វើពាណិជ្ជកម្មឆ្លងកាត់ព្រំដែនតាមរយៈផ្លូវដែករវាងកម្ពុជានិងថៃហាក់នូវមិនទាន់ឃើញសញ្ញាមួយដែលកម្ពុជាចង់បានប្រយោជន៍តាមរយៈការវិនិយោគរបស់ខ្លួនក៏ដោយ តែកម្ពុជាហាក់នៅបន្តការតភ្ជាប់និងការដឹកជញ្ជូនតាមផ្លូវដែកនេះ។
លោក ទេសរដ្ឋមន្ត្រី ស៊ុនចាន់ថុល រដ្ឋមន្ត្រីក្រសួងសាធារណការនិងដឹកជញ្ជូនមានប្រសាសន៍ថា ការងារផ្លូវដែកបានចុះហត្ថលេខាដឹកជញ្ជូនឆ្លងកាត់ព្រំដែនកម្ពុជាថៃ នឹងបានតភ្ជាប់ផ្លូវរថភ្លើងរវាងកម្ពុជានិងថៃ និងប្រគល់និងទទួលម៉ាស៊ីន DMU ក្រោមអធិបតីដ៏ខ្ពស់ខ្ពស់ក្រោមសម្តេចតេជោ ហ៊ុនសែន នាយករដ្ឋមន្ត្រីកម្ពុជា និងនាយករដ្ឋមន្ត្រីថៃ។
លោកបានបន្តថា កន្លងមកក្រសួងបានពិភាក្សាជាមួយរដ្ឋមន្ត្រីវៀតណាមដើម្បីពិនិត្យលទ្ធភាពជំរុញការវិនិយោគលើការសាងសង់នឹងតភ្ជាប់ផ្លូវដែកពីទីក្រុងភ្នំពេញទៅទីក្រុងហូរជីមិញ។បានសហការជាមួយក្រុមហ៊ុនរ៉ូយ៉ាល់ រាយវេ ជំរុញការដឹកជញ្ជូតាមផ្លូវដែកភាគខាងត្បូង ភ្នំពេញ ក្រុងព្រះសីហនុ។ជាមួយនិងគ្នានេះបានជំរុញឱ្យក្រុមហ៊ុនបំពាក់នៅក្បាលរទះភ្លើង១០គ្រឿងបន្ថែមដើម្បីសម្រួលការដឹកជញ្ជូននូវប្រេងឥន្ទះនិងស៊ីម៉ង់ត៍ជាដើម។បានដោះស្រាយកញ្ចប់ផលប៉ះពាល់ពីការសាងសង់ផ្លូវរថភ្លើងទាំងទិសខាងជើងនិងទិសខាងត្បូងនិងបានសហការជាមួយក្រុមហ៊ុនផ្លូវដែកចិន៕ កែសម្រួលដោយ ៖ សុឃាក់
ចែករំលែកព័តមាននេះ