បើយោងតាមប្រភពពី OptaJoe បានឱ្យដឹងថាខ្សែបម្រើក្រុមមេឃខៀវ Manchester city កីឡាករ David Silva កាន់តែខិតជិតតាមទាន់កំណត់ត្រា អ្នកបញ្ជូនបាល់ឱ្យមិត្តរួមក្រុមតែម្នាក់ (Assists for one Player) របស់អតីត និងបច្ចុប្បន្នជាគ្រូបង្វឹកក្រុមតោខៀវ Chelsea លោក Frank Lampard ក្នុងក្របខ័ណ្ឌ Premier League ។
អតីតខ្សែបម្រើក្រុមជម្រើសជាតិអេស្ប៉ាញខាងលើ គិតមកទល់ពេលនេះ បានបញ្ជូនបាល់ឱ្យមិត្តរួមក្រុមរបស់ខ្លួនគឺកីឡាករ Sergio Aguero សម្រេចគ្រាប់បាល់បានចំនួន២១លើកហើយ ខណៈដែលកំណត់ត្រាចាស់មានចំនួន២៤លើក ដែលធ្វើបានដោយអតីតកីឡាករ Frank Lampard ដែលបានបញ្ជូនបាល់ឱ្យអតីតមិត្តរួមក្រុម Didier Drogba ។ គេជឿជាក់ថាកំណត់ត្រានេះ នឹងត្រូវបំបែកបានដោយកីឡាករ David Silva ដែលមានវ័យ៣៤ឆ្នាំ ក្នុងពេលឆាប់ៗខាងមុខនេះ ៕
ចែករំលែកព័តមាននេះ