រាជធានីភ្នំពេញ ៖ តារាសម្តែង និងជាតារាចម្រៀង ណាណៃ ទើបតែមានកាចាប់អារម្មណ៍ពីបណ្តាមជ្ឈដ្ឋាននានាមួយរយៈកាលនេះប៉ុណ្ណោះ។ បើនិយាយពីជំហានដើរនៅលើគន្លង សិល្បៈ នាងមានការប្រយុទ្ធតស៊ូច្រើនណាស់ បើទោះជាអាជីពនេះនាងដឹងថា…
រាជធានីភ្នំពេញ ៖ តារាសម្តែង និងជាតារាចម្រៀង ណាណៃ ទើបតែមានកាចាប់អារម្មណ៍ពីបណ្តាមជ្ឈដ្ឋាននានាមួយរយៈកាលនេះប៉ុណ្ណោះ។ បើនិយាយពីជំហានដើរនៅលើគន្លង សិល្បៈ នាងមានការប្រយុទ្ធតស៊ូច្រើនណាស់ បើទោះជាអាជីពនេះនាងដឹងថា ពិបាកគេពាក្យចចេកចចូច វាយលើតារា ដែលឈានដល់ដំណាក់កាលលេចធ្លោ បែបណាក៏ដោយ។
កញ្ញា ណាណៃ បានយល់ការច្រើនជុំវិញសិល្បៈ ដោយនាងយល់ថា សិល្បៈមិនមែនអាងអាស្រ័យលើរូបសម្រស់ ភាពចូលចិត្តតាមគេតាមឯង ធ្វើការងារបាននោះទេ។ ភាពសំខាន់ ការអត់ធ្មត់ តស៊ូ ខំធ្វើការ និងមានជំនាញសម្តែងឱ្យសមប្រកប ទៅតាមប្រភេទសាច់រឿង ដែលអ្នកដឹកនាំរឿងតម្រូវ។ មូលហេតុបែបនេះ ហើយទើបតារាកាន់តែមានសម្រស់ផូរផង់ រូបនេះរមែងសិក្សា ឈ្វេងយល់ ពីតិចនិកសម្តែង គ្រប់បុគ្គលល្បីៗ ដែលចាស់ទុំលើសិល្បៈ ដើម្បីជាដើមទុន បោះជំហានតទៅទៀត។
ណាណៃ បានឱ្យដឹងថា ពីដំបូងមិនទាន់ប្រឡូកសិល្បៈថា សិល្បៈងាយៗស្រួលសម្តែងស្រួលធ្វើ តែមិនដូចនេះទេ ។ មានតែពាក្យថា ស្រឡាញ់ ត្រូវតែឆ្លងឱ្យផុតឧបសគ្គទាំងអស់។
យ៉ាងណាមិញ នាងបានឈានដល់ដំណើរមួយ ល្អខ្លះច្រើនដែលជួយលើកទឹកចិត្តឱ្យ ឈ្មុលទៅមុខទៀត។ បច្ចុប្បន្ននេះ ណាណៃ បានក្លាយជាតារាចម្រៀងប្រចាំផលិតកម្មហ្សូន ដោយសារមានសំឡេងពីរោះ ទើបខាងថៅកែផលិតកម្មជ្រើស ។ ម្ល៉ោះហើយទើបធ្វើឱ្យ ណាណៃ មានប្រភពមកពីខេត្តព្រៃវែង រីកមុខច្រើននៅពេលមានទីផ្សារចម្រៀង ហើយច្បាមឱកាសឡើងច្រៀងតាមកញ្ចក់ទូរទស្សន៍ល្បីៗគួរឱ្យចាប់អារម្មណ៍តែម្តង។ (កែសម្រួលដោយ ៖ បុប្ផា)
ចែករំលែកព័តមាននេះ