ប្រទេសហ្វ៊ីលីពីន ៖ ភ្នំភ្លើងមួយក្នុងចំណោមភ្នំភ្លើងសកម្មនៅហ្វ៊ីលីពីន ស្ថិតនៅមិនឆ្ងាយប៉ុន្មានពីក្រុងម៉ានីល កាលពីថ្ងៃទី១២ ខែមករា ឆ្នាំ២០២០ បានបញ្ចេញពពកផេះដ៏ធំទៅលើអាកាស។ បើតាមអាជ្ញាធរបានរាយការណ៍ថា ប្រជាជនជាច្រើនពាន់នាក់បានត្រូវជម្លៀសចេញជាការប្រុងប្រយ័ត្ន…
ប្រទេសហ្វ៊ីលីពីន ៖ ភ្នំភ្លើងមួយក្នុងចំណោមភ្នំភ្លើងសកម្មនៅហ្វ៊ីលីពីន ស្ថិតនៅមិនឆ្ងាយប៉ុន្មានពីក្រុងម៉ានីល កាលពីថ្ងៃទី១២ ខែមករា ឆ្នាំ២០២០ បានបញ្ចេញពពកផេះដ៏ធំទៅលើអាកាស។ បើតាមអាជ្ញាធរបានរាយការណ៍ថា ប្រជាជនជាច្រើនពាន់នាក់បានត្រូវជម្លៀសចេញជាការប្រុងប្រយ័ត្ន ហើយជើងហោះហើររបស់បណ្ដាយន្តហោះកាត់លើក្រុងម៉ានីល បានត្រូវលុបចោល។
បណ្ដាអ្នកជំនាញការខាងភ្នំភ្លើងហ្វ៊ីលីពីន កត់សម្គាល់ឃើញចលនាកំអែរនៃភ្នំភ្លើង TAAL ដែលស្ថិតនៅចម្ងាយប្រមាណជា៦៥គីឡូម៉ែត្រខាងត្បូងក្រុងម៉ានីល។ លោក RENATO SOLIDUMប្រមុខវិទ្យាសា្ថនសិក្សាភ្នំភ្លើង និងការរញ្ជួយដីហ្វ៊ីលីពីនថ្លែងថា ការផ្ទុះខ្លាំងនៃភ្នំភ្លើងនេះ អាចកើតមានប៉ុន្មានថ្ងៃ ឬប៉ុន្មានសប្ដាហ៍ទៀត ប្រសិនបើសកម្មភាពនៃភ្នំភ្លើងនេះនៅបន្ត។ ការផ្ទុះលើកចុងក្រោយនៃភ្នំភ្លើងTAALគឺកាលពីឆ្នាំ១៩៧៧។
ពពកផេះបានជះឡើងលើក្នុងកម្ពស់១គីឡូម៉ែត្រ រួចមានស្នូរលាន់ឮនៅជុំវិញភ្នំភ្លើងនោះដែលបណ្ដាអ្នកទេសចរនិយមទៅទស្សនា។ ប្រជាជនជាង២០០០នាក់ដែលរស់នៅលើកោះដែលមានភ្នំភ្លើង TAAL ស្ថិតនៅកណ្ដាលបឹងមួយ ត្រូវបានជម្លៀសចេញជាកិច្ចបង្ការសន្តិសុខ។ ប្រជាជនរស់នៅលើកោះមួយទៀតដែលនៅក្បែរគ្នា ក៏នឹងអាចជម្លៀសចេញដែរ ប្រសិនបើសភាពការណ៍តម្រូវ។
ប្រទេសហ្វ៊ីលីពីនតែងកើតមានការរញ្ជួយដី និងការផ្តុះភ្នំភ្លើងជាញឹកញាប់។ កាលពីខែមករាឆ្នាំ២០១៨មនុស្សច្រើនសិបពាន់នាក់ ត្រូវជម្លៀសចេញដោយសារការផ្ទុះភ្នំភ្លើង MAYON ក្នុងតំបន់ប៊ីកុលភាគកណ្ដាលប្រទេស៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា) (វីដេអូដកស្រង់ចេញពី ៖ Rappler & INQUIRER.n)
ចែករំលែកព័តមាននេះ