ខេត្តកណ្តាល ៖ ប្រជាកសិករដាំដុះខ្ទឹមស្លឹកបានត្អូញត្អែរយ៉ាងខ្លាំងខណៈតម្លៃខ្ទឹមស្លឹកធ្លាក់ថ្លៃមិនគ្រប់នឹងថ្លៃដើមដែលបានចំណាយ បណ្តាលឲ្យបងប្អូនកសិករដែលបានដាំដុះខ្ទឹមស្លឹកអះអាងថាពួកគាត់មួយចំនួនកំពុងវណ្ឌ.កនឹងបំណុលធនាគាដែលខ្ចីយកមកប្រើប្រាស់សម្រាប់ការដាំដុះដំណាំខ្ទឹមស្លឹក ។ លោក ជឿន កសិកររស់នៅក្នុងឃុំព្រែក ស្រុកស្អាង ខេត្តកណ្តាល…
ខេត្តកណ្តាល ៖ ប្រជាកសិករដាំដុះខ្ទឹមស្លឹកបានត្អូញត្អែរយ៉ាងខ្លាំងខណៈតម្លៃខ្ទឹមស្លឹកធ្លាក់ថ្លៃមិនគ្រប់នឹងថ្លៃដើមដែលបានចំណាយ បណ្តាលឲ្យបងប្អូនកសិករដែលបានដាំដុះខ្ទឹមស្លឹកអះអាងថាពួកគាត់មួយចំនួនកំពុងវណ្ឌ.កនឹងបំណុលធនាគាដែលខ្ចីយកមកប្រើប្រាស់សម្រាប់ការដាំដុះដំណាំខ្ទឹមស្លឹក ។
លោក ជឿន កសិកររស់នៅក្នុងឃុំព្រែក ស្រុកស្អាង ខេត្តកណ្តាល តំណាងឲ្យកសិករក្នុងភូមិដែលប្រកបរកដាំខ្ទឹមស្លឹកបានត្អូញត្អែរថា ដោយសារតែខ្ទឹមស្លឹកពុំមានតម្លៃល្អ ពោលគឺចុះថោកស្ទើរតែគ្មានទីផ្សារ បានធ្វើឲ្យកសិករស្រក់ទឹកភ្នែក តឹងទ្រូងនឹងបំណុលធនាគារដែលបានខ្ចីកន្លងមកយកមកទិញពូជដាំដុះនោះ ។
កសិកររូបបានបញ្ជាក់ថាឲ្យដឹងយ៉ាងដូច្នេះថា «ខ្ទឹមស្លឹកឥលូវចុះថោកយកតែមែនទែន ដោយតម្លៃបានត្រឹមតែ ១០០រៀលក្នុងមួយគីឡូក្រាម ពោលគឺតម្លៃនៅទីផ្សារមិនឡើងរួចសោះ ។ ខ្ញុំបានចំណាយដើមទុនចុះណាស់ (ច្រើន) ក្នុងការដាំខ្ទឹម »។ លោកបានឲ្យដឹងបន្តទៀតថាពូជខ្ទឹមដែលលោកបានយកមកដាំនេះ គឺបានទិញពីគេក្នុងតម្លៃជិត២ម៉ឺនរៀលក្នុងមួយគីឡូក្រាម ហើយទំម្រាំដាំរហូតដល់ពេលដកសម្រាប់លក់ឲ្យឈ្នួញបានចំណយថ្លៃដើម ច្រើន ដូចជាចំណាយទៅលើជី ដែលជីមានតម្លៃថ្លៃមិនចុះ ខណៈតម្លៃសាំងក៏ថ្លៃមិនចុះដូចគ្នា ហេតុដូច្នេះហើយចំណូលពីការលក់នូវខ្ទឹមស្លឹក មិនគ្រប់ថ្លៃដើមដែលបានចំណាយនោះទេ ដែលជាហេតុធ្វើឲ្យពួកគាត់ជាកសិករប្រឈមមុខនឹងបំណុលដែលបានជំពាក់លុយធនាគារ។
លោក ជឿន បានបញ្ជាក់ថា «ទីផ្សារខ្ទឹមស្លឹកអត់មាន ប្រជាពលរដ្ឋខំធ្វើបានមកចុះថោកស្ទើរគ្រប់ប្រភេទ។ ខ្ញុំទិញជីពីគេ ប្រេងពីគេថ្លៃគ្រប់មុខ តែដល់ពេលខ្ទឹមទទួលបានផលចុះថោករហូត។ ពេលមុនៗពោលគឺតម្លៃខ្ទឹមស្លឹកអាចលក់បានក្នុងមួយគីឡូតម្លៃ ជាង៣០០០រៀល តែពេលចុះថ្លៃបានចុះថោករហូតមកដល់នៅត្រឹមតែ ១០០០រៀលក្នុងមួយគីឡួក្រាម»។
ជាមួយគ្នានោះដែរកសិកររូបនេះក៏បានលើកឡើងថាខ្ទឹមស្លឹកចុះថោកដល់កម្រិតនេះក៏ដោយ មិនមែនសុទ្ធតែលក់ចេញបានទាំងអស់នោះទេ ព្រោះតែពេលខ្លះឈ្នួញក៏មកយកខ្ទឹមមួយចំនួនដែលគេចាត់ទុកជាខ្ទឹមល្អ តែគេក៏បដិសេធមិនយក ដោយលើកឡើងថាខ្ទឹមស្លឹកមិនល្អ ហេតុដូច្នេះពេលខ្លះបង្ខំចិត្តទុកខ្ទឹមស្លឹកដែលឈ្មួញមិនទិញទុកធ្វើពូជក៏មាន។
លោកបានគូសបញ្ជាក់ថា «ខ្ញុំពិបាកនិយាយណាស់ ពេលខ្លះរបស់ល្អគេនៅរើសទៀត។ គេរើសទាំងខ្ទឹមខ្ចី ក៏គេមិនយក មិនសូវមានមើមក៏គេមិនយក។ តែខ្ញុំទិញថ្នាំមកបាញ់ ថ្លៃបាញ់ស្ទើររាល់ថ្ងៃ ដោយក្នុងមួយធុងអស់ប្រាក់ប្រមាណ៥ម៉ឺនរៀល ឬលើសពីនេះ »។ កសិកររូបនេះក៏បានលើកឡើងថាប្រសិនបើខ្ទឹមស្លឹកនេះស្ថិតក្នុងតម្លៃ៣០០០រៀល ឬលើសពីនេះប្រជាកសិករមិនខាតនោះទេ ចំណេញបានបន្តិចបន្តួច ឬក៏អាចរួចដើម។
ផ្ទុយទៅវិញ លោកបន្ត បើខ្ទឹមថោកមកត្រឹម១០០០រៀលក្នុងមួយគីឡូក្រាមបែបនេះប្រជាកសិករមិនរួចខ្លួនថ្លៃដើមទិញពូជនោះទេ ។ កាន់តែអាក្រក់នោះគឺនៅជំពាក់ថ្លៃឈ្នួលដកស្មៅដល់កម្មករផងដែរ ព្រោះថាមួយថ្ងៃតម្លៃតម្លៃឈ្នួលពលកម្មដកស្មៅគឺ ២៥,០០០រៀល ចំណែកអ្នកជញ្ជូនចំបើងរាយៗក៏អស់ ៤០,០០០រៀលក្នុងមួយថ្ងៃផងដែរ ។
ក្នុងដៃកំពុងកាន់ខ្ទឹមស្លឹកមួយបាច់ធំនៅក្នុងចំការរបស់ខ្លួន លោក ជឿន តំណាងឲ្យប្រជាកសិករដែលដាំខ្ទឹមនៅក្នុងស្រុកបានពោលឡើងទាំងមុខស្ងួត អស់សង្ឃឹមនឹងការរកលុយសងបំណុលធនាគារ ។ ព្រមជាមួយគ្នានោះផងដែរ លោកក៏បានអំពាវនាវដល់ប្រមុខដឹកនាំរាជរដ្ឋាភិបាល ក៏ដូចជាស្ថាប័នពាក់ព័ន្ធ ដូចជា ក្រសួងកសិកម្ម រុក្ខាប្រមាញ់ និងនេសាទ និង មន្ទីរកសិកម្ម ជាដើម ឲ្យជួយពង្រឹងទីផ្សារបន្លែជូនប្រជាពលរដ្ឋផង ។
លោកបានពោលស្នើយ៉ាងដូច្នេះថា «ព្រោះថាបន្លែដែលយើងបានដាំដុះគឺគ្មានទីផ្សារ ឬតម្លៃដំណាំចុះថោកបែបនេះនឹងធ្វើឲ្យប្រជាកសិករជំពាក់លុយធនាគារ និងជំពាក់ទំនិញចិនដែលបងប្អូនយើងបានជាវយកមកប្រើប្រាស់ក្នុងជីវភាពប្រចាំថ្ងៃ» ។ លោកបានលើកឡើងទៀតថានៅក្នុងស្រុងស្អាង និងស្រុក កោះធំ គឹជាតំបន់មួយសម្បូរដោយបន្លែ ប៉ុន្តែបើបន្លែគ្មានទីផ្សារពោលគឺថោកបែបនេះ ប្រជាពលរដ្ឋនិងជួបការលំបាកប្រឈមុខនឹងខ្ពស់នឹងបំណុលធនាគារដែលបានខ្ចីយកមកធ្វើកសិកម្ម។
ចំណែកកសិករដែលដាំខ្ទឹមស្លឹកម្នាក់ទៀតបានឲ្យដឹងថាលោកបានដាំខ្ទឹមមិនដែលត្រូវថ្លៃនោះទេ គឺចំពេលថោករហូត ដែរធ្វើលោកខាតនិងជំជាក់គេ។ លោកក៏ស្នើដល់រាជរដ្ឋាភិបាលគួរមានវិធានការលើតម្លៃបន្លែរ ពិសេសនោះខ្ទឹមស្លឹកនេះធ្វើយ៉ាងមានតម្លៃសមរម្យដើម្បីឲ្យប្រជាកសិករជាអ្នកដាំមានកំលាំងចិត្តដាំ ជាងទទួលបានប្រាក់សម្រាប់ដោះស្រាយ និងសងធនធា ឬទំនិញផង។ លោកក៏ស្នើដល់រាជរដ្ឋាភិបាលក៏ដូចជាក្រសួងកសិកម្មគួរនិងការនាំយកបន្លែរ ខ្ទឹមស្លឹក ពីបណ្តាប្រទេសជិតខាងមកចេញលើទីផ្សារកម្ពុជា ។ ព្រោះថាការនាំចូលបន្លែរនេះក៏ជាហេតុធ្វើបន្លៃររបស់កសិករចុះថោកផងដែរ។
គួរបញ្ជាក់ថា ការលើកឡើងរបស់កសិកនៅស្រុកស្អាងចំពោះការចុះថោកខ្ទឹមស្លឹកនេះដូចគ្នានឹង ប្រជាកសិកនៅខេត្តកំពង់ឆ្នាំកាលពេលកន្លងមកផងដែរ ។ សួមជម្រាបថាបើតាមប្រជាកសិករនៅក្នុងស្រុកស្អាងបានអះអាងទីផ្សារបន្លែងស្ទើគ្រប់មុខ ហើយគ្មានទីផ្សារ ពោលគឺចុះថោកស្ទើរទាំងអស់៕ (កែសម្រួលដោយ ៖ បុប្ផា)
ចែករំលែកព័តមាននេះ