រាជធានីភ្នំពេញ ៖ ប្រជាពលរដ្ឋខ្មែររស់នៅប្រទេសអូស្ត្រាលី បានបញ្ជាក់ថា ពូកគេមិនចង់ឃើញកម្ពុជា ធ្លាក់ក្នុងសង្គ្រាមម្តងទៀតនោះទេ ។ ប្រជាពលដ្ឋ និងនិស្សិតខ្មែរដែលកំពុងរស់នៅ និងសិក្សានៅប្រទេសអូស្ត្រាលីជាច្រើន…
រាជធានីភ្នំពេញ ៖ ប្រជាពលរដ្ឋខ្មែររស់នៅប្រទេសអូស្ត្រាលី បានបញ្ជាក់ថា ពូកគេមិនចង់ឃើញកម្ពុជា ធ្លាក់ក្នុងសង្គ្រាមម្តងទៀតនោះទេ ។ ប្រជាពលដ្ឋ និងនិស្សិតខ្មែរដែលកំពុងរស់នៅ និងសិក្សានៅប្រទេសអូស្ត្រាលីជាច្រើន បានអញ្ជើញមកទទួលស្វាគមន៍សម្តេចអគ្គមហាពញាចក្រី ហេង សំរិន ប្រធានរដ្ឋសភា ដែលមកដល់ព្រលានយន្តហោះអន្តរជាតិ នារដ្ឋ Brisbane ប្រទេសអូស្ត្រាលី នាព្រឹកថ្ងៃទី១២ ខែមករា នេះ ក្នុងពេដែលលសម្តេចប្រធានរដ្ឋសភា អញ្ជើញដឹកនាំគណៈប្រតិភូជាន់ខ្ពស់រដ្ឋសភា មកចូលរួមកិច្ចប្រជុំប្រចាំឆ្នាំ លើកទី២៨ នៃវេទិកាសភាអាស៊ី-ប៉ាស៊ីហ្វិក ហៅកាត់ថា APPF នៅប្រទេសអូស្ត្រាលី ។
ប្រជាពលរដ្ឋបានបង្ហាញការគោរព នឹករលឹក និងបានថ្លែងអំណរគុណចំពោះសម្តេចប្រធារដ្ឋសភា ដែលបានលះបង់កម្លាំងកាយ និងបញ្ញា ចូលរួមរំដោះប្រទេសជាតិចេញពីរបបប៉ុលពត។ ជាមួយគ្នានេះ ប្រជាពលរដ្ឋនៅឯនាយសមុទ្របានថ្លែងអំណរគុណសម្តេច និងឥស្សរជន ថ្នាក់ដឹកនាំទាំងអស់ ដែលបានខិតខំកសាង អភិវឌ្ឍន៍ប្រទេសជាតិ មានសុខសន្តិភាព និងការអភិឌ្ឍដូចសព្វថ្ងៃ។
ប្រជាពលរដ្ឋរស់នៅរដ្ឋប្រីសបេន បានជម្រាបសម្តេចថា ពួកគាត់មិនចង់ឲ្យប្រទេសជាតិធ្លាក់ក្នុងសង្គ្រាមទៀតឡើយ ហើយពួកគាត់សូមគាំទ្រដល់ការដឹកនាំរបស់រាជរដ្ឋាភិបាលបច្ចុប្បន្ន ដែលចេញពីឆន្ទៈពលរដ្ឋនោះ។
ក្នុងឱកាសនោះដែរ សម្តេច ហេង សំរិន បានរំលឹកជម្រាបពលរដ្ឋពីដំណើរតស៊ូរបស់សម្តេចនៅក្នុងការរំដោះប្រទេសជាតិ ចេញពីរបបអាវខ្មៅប៉ុលពត តាមរយៈចលនាតស៊ូ២ធ្នូ១៩៧៨ ដែលនាំមកនូវជ័យជំនះ លើពួកខ្មែរក្រហម នៅថ្ងៃ ៧ មករា ឆ្នាំ១៩៧៩។
សូមជម្រាបថា បន្ទាប់ពីឈប់សម្រាកដើម្បីផ្លាស់ប្តូរជើងយន្តហោះ នៅBrisbane នេះហើយ សម្តេចប្រធានរដ្ឋសភា និងបន្តដឹកនាំគណៈប្រតិភូ នឹងអញ្ជើញទៅកាន់ទីក្រុងកង់បេរ៉ា កន្លែងដែលប្រារព្ធកិច្ចប្រជុំវេទិកាសភាអាស៊ី-ប៉ាស៊ីហ្វិក ដែលហៅកាត់ថា APPF បន្តទៀត៕ (កែសម្រួលដោយ ៖ បុប្ផា)
ចែករំលែកព័តមាននេះ