រាជធានីភ្នំពេញ ៖ សាងភាពល្បីល្បាញអស់ច្រើនឆ្នាំ កីឡាករ សារឿន ច័ន្ទ បាត់មុខឈឹងមួយរយៈធំ ដោយការបង្ហាញខ្លួនលើកនេះ នៅតែធ្វើឱ្យគេចាប់អារម្មណ៍ ព្រោះអាចដណ្ដើមបានកៅអី១៦នាក់…
រាជធានីភ្នំពេញ ៖ សាងភាពល្បីល្បាញអស់ច្រើនឆ្នាំ កីឡាករ សារឿន ច័ន្ទ បាត់មុខឈឹងមួយរយៈធំ ដោយការបង្ហាញខ្លួនលើកនេះ នៅតែធ្វើឱ្យគេចាប់អារម្មណ៍ ព្រោះអាចដណ្ដើមបានកៅអី១៦នាក់ ក្នុងការប្រកួតកីឡាប្រដាល់របស់ទូរទស្សន៍ប៉ុស្តិ៍លេខ៥ កាលពីថ្ងៃទី១១ មករា ឆ្នាំ២០២០។ នេះជាជោគជ័យធំមួយ ដែលកីឡាករធ្លាប់ល្បីឈ្មោះរូបនេះសាងឡើងជាថ្មី បន្ទាប់ពីត្រូវគេប៉ាន់ស្មានថា ធ្លាក់ដៃទៅហើយ។
គូប្រកួតបើកឆាកវាយដណ្ដើមយកកៅអីឡើងទៅយកពាននៅថ្ងៃនោះ គឺកីឡាករ សារឿន ច័ន្ទ និង ឌុន សុភុត ដោយអ្នកទាំង២ចេញមកវាយគ្នាមិនសម្ចៃដៃតែម្ដង ដល់ថ្នាក់ធ្វើឱ្យមានការហ៊ោពេញសង្វៀន។ នេះជាកម្មវិធីប្រកួតប្រដាល់ កំពូលជើងឯក TV5 BOXING KNOCK OUT SERIES (K-Cement) រៀបចំធ្វើឡើងកាលពីល្ងាចថ្ងៃទី១១ ខែមករា ឆ្នាំ២០២០ នារេញប្រដាល់ ប៉ុស្តី៍លេខ៥ ហើយនេះជាសប្តាហ៍ទី៥ ប្រកួតជម្រុះជុំទី១ ។ ៤សប្តាហ៍កន្លងទៅ រកបានជើងខ្លាំង៨រូបហើយ ដើម្បីតតាំងយកភាពលេចធ្លោបន្តទៀត។
គូប្រកួតពានបង្គោលក្រហម សារឿន ច័ន្ទ មកពីក្លិបតាព្រហ្មមានជ័យ ប៉ះបង្គោលខៀវ ឌុន សុភុត មកពីក្លិបក្រសួងសេដ្ឋកិច្ច និងហិរញ្ញវត្ថុ។ ចូលការវាយពីទឹកទី១ មក កីឡាករទាំង២បានប្រវាយប្រតប់គ្នាពេញរេញ ភ្លាមៗតែម្តងធ្វើឱ្យកម្មវិធឹរិតតែក្តៅឡើងៗ។
ជាពិសេសស្នៀតប្រដាល់របស់សិស្សប្អូន សុភុត វាយមកម្តងៗធ្វើឱ្ រៀមច្បងបុកពោះមិនតិចនោះទេ។ សុភុត ធ្វើឱ្យដៃគូម្ខាងទៀតស្ពឹតមុខមិនតិចនោះទេ នៅពេលកាច់បំបាក់ជើងថ្មីមិនបានភ្លាមៗ។
ទោះយ៉ាងណា ដោយសារ សារឿន ច័ន្ទ ខ្ញីចាស់សម្បូរតិចនិចប្រកួត ក៏បានយកឈ្នះសិស្សប្អូន ដោយពិន្ទុះយ៉ាងប្រផិតប្រផើយដែរ មិនងាយស្រួលពេកឡើយ។ បានកាន់ជុំទី២ តែ សារឿន ច័ន្ទ ត្រូវបង្វឹកហាត់របៀបចេញក្បាច់ប្រដាល់ឱ្យល្អទៀត ព្រោះជើងខ្លាំងៗប៉ះគ្នា កាន់តែល្អមើលហើយ។ (កែសម្រួលដោយ ៖ បុប្ផា)
ចែករំលែកព័តមាននេះ