រាជធានីភ្នំពេញ ៖ ព្រះសង្ឃគង់នៅវត្តឧណ្ណាលោមភ័យស្លន់ស្លោ ភ្លាមៗបានស្ទុះស្ទាដងទឹកយកទៅជះពន្លត់ភ្លើងដែលកំពុងតែឆាបឆេះព្រះពុទ្ធរូបជាច្រើនអង្គនៅក្នុងព្រះវិហារវត្តបង្កឲ្យមានការភ្ញាក់ផ្អើលកាលពីវេលាម៉ោង៦និង១៥នាទីយប់ថ្ងៃទី៩ មករា ក្នុងវត្តឧណ្ណាលោម សង្កាត់ជ័យជំនះ ខណ្ឌដូនពេញ ។ តាមសមត្ថកិច្ចបានឲ្យដឹងថា…
រាជធានីភ្នំពេញ ៖ ព្រះសង្ឃគង់នៅវត្តឧណ្ណាលោមភ័យស្លន់ស្លោ ភ្លាមៗបានស្ទុះស្ទាដងទឹកយកទៅជះពន្លត់ភ្លើងដែលកំពុងតែឆាបឆេះព្រះពុទ្ធរូបជាច្រើនអង្គនៅក្នុងព្រះវិហារវត្តបង្កឲ្យមានការភ្ញាក់ផ្អើលកាលពីវេលាម៉ោង៦និង១៥នាទីយប់ថ្ងៃទី៩ មករា ក្នុងវត្តឧណ្ណាលោម សង្កាត់ជ័យជំនះ ខណ្ឌដូនពេញ ។
តាមសមត្ថកិច្ចបានឲ្យដឹងថា មន្ត្រីសង្ឃមើលការខុសត្រូវព្រះនាម តឺល វ័ន្ត ព្រះជន្ម២៤ឆ្នាំ គង់នៅវត្តឧណ្ណាលោម បានទូរស័ព្ទប្រាប់ឱ្យសមត្ថកិច្ចមូលដ្ឋានចុះមកជួយអន្តរាគមន៍នឹងហៅរថយន្តពន្លត់អគ្គីភ័យបាញ់ពន្លត់បានទាន់ពេលវេលា ។ ក្នុងហេតុការណ៍នោះលោក សុខ ពេញវុធ អភិបាលខណ្ឌដូនពេញ បានបញ្ជាក់ថាខាងម៉ូតូទឹករបស់លោកមកចំនួន៤គ្រឿង និងបាញ់អស់ទឹកតែ៣គ្រឿងតែប៉ុណ្ណោះ ។
ការពន្លត់ភ្លើងឆេះនេះបានប្រើប្រាស់រថយន្តរបស់ការិយាល័យបង្ការនិងពន្លត់អគ្គិភ័យរាជធានីភ្នំពេញ មកជួយអន្តរាគមន៍បន្តទៀតដោយបាញ់ទឹកអស់៣គ្រឿងស្មើនឹង៧ជើង ទើបរលត់ជាស្ថាពរនៅវេលាម៉ោង៦និង៤៥នាទីយប់ថ្ងៃដដែល ។
អគ្គីភ័យខាងលើបានឆេះខូចខាតព្រះពុទ្ធរូបធ្វើពីឈើនិងថ្មអស់ជាច្រើនព្រះអង្គ ។ ចំពោះមូលហេតុបណ្តាលឱ្យឆេះនេះ សមត្ថកិច្ចបានឲ្យដឹងថា មកពីឆ្លងចរន្តអគ្គិសនីដោយសារថ្ងៃនេះជាថ្ងៃសីល ៕
ចែករំលែកព័តមាននេះ