សហរដ្ឋអាមេរិក៖ សភាអាមេរិកត្រួតត្រាដោយពួកប្រជាធិបតេយ្យ បានអនុម័តកាលពីថ្ងៃទី៩ មករា សេចក្ដីសម្រេចមួយ ដើម្បីកម្រិតអំណាចលោកដូណាល់ត្រាំ ក្នុងការធ្វើប្រតិបត្តិការយោធានានាប្រឆាំងអីុរ៉ង់ ដែលសេចក្ដីសម្រេចនោះមានលក្ខណៈនិមិត្តរូបខ្លាំង តែវាក៏នាំឲ្យលោកត្រាំដែលកំពុងមានវិបត្តិខ្លាំងជាមួយក្រុងតេហេរ៉ង់មានការខ្វាយខ្វល់ដែរ។ ដោយស្នើដល់លោកដូណាល់ត្រាំបញ្ចប់រាល់សកម្មភាពយោធាប្រឆាំងអីុរ៉ង់…
សហរដ្ឋអាមេរិក៖ សភាអាមេរិកត្រួតត្រាដោយពួកប្រជាធិបតេយ្យ បានអនុម័តកាលពីថ្ងៃទី៩ មករា សេចក្ដីសម្រេចមួយ ដើម្បីកម្រិតអំណាចលោកដូណាល់ត្រាំ ក្នុងការធ្វើប្រតិបត្តិការយោធានានាប្រឆាំង
អីុរ៉ង់ ដែលសេចក្ដីសម្រេចនោះមានលក្ខណៈនិមិត្តរូបខ្លាំង តែវាក៏នាំឲ្យលោកត្រាំដែលកំពុងមានវិបត្តិខ្លាំងជាមួយក្រុងតេហេរ៉ង់មានការខ្វាយខ្វល់ដែរ។
ដោយស្នើដល់លោកដូណាល់ត្រាំបញ្ចប់រាល់សកម្មភាពយោធាប្រឆាំងអីុរ៉ង់ ដោយគ្មានការយល់ព្រមរបស់សភា សេចក្ដីសម្រេចនោះត្រូវបានអនុម័ត ដោយ២២៤សំឡេង ទល់នឹង១៩៤សំឡេងប្រឆាំង ។ ទោះបីយ៉ាងណា វាហាក់ដួចជាលំបាកដែរ ដែលសេចក្ដីសម្រេចនោះត្រូវបានព្រឹទ្ធសភាត្រួតត្រាដោយពួកសាធារណរដ្ឋ អនុម័ត ខណៈអ្នកសាធារណរដ្ឋភាគច្រើនគាំទ្រលោកត្រាំ ។
ប៉ុន្តែគេកត់សម្គាល់ឃើញថាមានអ្នកសាធារណរដ្ឋ៣រូប បោះឆ្នោតគាំទ្រសេចក្ដីសម្រេចនេះរបស់សភាដែរ ក៏ទោះបីលោកត្រាំអំពាវនាវឲ្យក្រុមលោកប្រឆាំងក្ដី។ លោកMATT GAETZដែលតាមធម្មតាជាអ្នកការពារលោកត្រាំខ្លាំងបំផុតនោះនិយាយថា ការបោះឆ្នោតរបស់លោកគឺប្រឆាំងនឹងសង្គ្រាមរុាំរ៉ៃថ្មីមួយទៀតនៅមជ្ឈឹមបូព៌៌ា។
ប្រធានសភាអាមេរិកលោកស្រីណានសីុពីឡូសីុអះអាងថា ជាមួយការអនុម័តនេះ សភាគោរពកាតព្វកិច្ចរបស់ខ្លួនការពារប្រជាជនអាមេរិក។លោកស្រីបន្តថាប្រសិនបើគ្មានការសម្រេចរបស់សភា ដើម្បីអនុញ្ញាតឲ្យធ្វើប្រតិបត្តិការ នោះរដ្ឋាភិបាលរបស់លោកត្រាំ ត្រូវតែបញ្ឈប់ការប្រទូស្តរ៉ាយខាងយោធាប្រឈមមុខជាមួយអីុរ៉ង់ ៕
ចែករំលែកព័តមាននេះ