ខេត្តបន្ទាយមានជ័យ ៖ លោកនាយឧត្តមសេនីយ៍ កែ គឹមយ៉ាន ណែនាំដល់អាជ្ញាធរ ត្រូវផ្តោតការយកចិត្តទុកដាក់ឲ្យបានខ្ពស់ ចំពោះការរក្សាទឹកទុកសម្រាប់ប្រើប្រាស់ ដើម្បីជាវិធានការក្នុងការថែរក្សាទឹកទុកសម្រាប់ប្រើប្រាស់ ក៏ដូចជាការជួយសង្គ្រោះតំបន់ខ្លះក្នុងខេត្តបន្ទាយមានជ័យ…
ខេត្តបន្ទាយមានជ័យ ៖ លោកនាយឧត្តមសេនីយ៍ កែ គឹមយ៉ាន ណែនាំដល់អាជ្ញាធរ ត្រូវផ្តោតការយកចិត្តទុកដាក់ឲ្យបានខ្ពស់ ចំពោះការរក្សាទឹកទុកសម្រាប់ប្រើប្រាស់ ដើម្បីជាវិធានការក្នុងការថែរក្សាទឹកទុកសម្រាប់ប្រើប្រាស់ ក៏ដូចជាការជួយសង្គ្រោះតំបន់ខ្លះក្នុងខេត្តបន្ទាយមានជ័យ ពិសេសស្រុកមង្គលបូរី ដែលកំពុងតែប្រឈម និងការខ្វះខាតទឹកសម្រាប់ប្រើប្រាស់ ។
នៅថ្ងៃទី១០ ខែមករា ឆ្នាំ២០២០ លោកនាយឧត្តមសេនីយ៍ កែ គឹមយ៉ាន ប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ អមដំណើរដោយលោក អ៊ុំ រាត្រី អភិបាលខេត្ត បានអញ្ជើញចុះពិនិត្យមើលស្ថានភាពទឹកនៅដងស្ទឹងសិរីសោភ័ណ នៅចំណុចវត្តចាស់ ស្ថិតនៅភូមិព្រះពន្លា សង្កាត់ព្រះពន្លា ក្រុងសិរីសោភ័ណ នឹងបានចាត់ឲ្យក្រុមការងារជំនាញ នៃមន្ទីរធនធានទឹក និងឧតុនិយមខេត្ត រៀបចំម៉ាស៊ីនបូមទឹក ដើម្បីបូមទឹកពីស្ទឹងទម្លាក់ទៅស្រុកមង្គលបូរី ដែលកំពុងតែជួបបញ្ហាខ្វះខាតទឹកប្រើប្រាស់ប្រចាំថ្ងៃនោះ។
ជាមួយគ្នានោះដែរ លោកនាយឧត្តមសេនីយ៍ កែ គឹមយ៉ាន ក៏បានណែនាំដល់អាជ្ញាធរខេត្តក្នុងស្រុក-ក្រុង គឺធ្វើយ៉ាងណាត្រូវផ្តោតការយកចិត្តទុកឲ្យបានខ្ពស់ ក្នុងការថែរក្សាទឹកទុកសម្រាប់ប្រើប្រាស់ប្រចាំថ្ងៃ ដោយនៅដើមឆ្នាំ២០២០នេះ យើងនឹងប្រឈមនៅការខ្វះខាតទឹកសម្រាប់ប្រាស់ ដោយមិនអនុញ្ញាតឲ្យមានការបង្កបង្កើនផលស្រូវប្រាំងជាលើកទី២ដើម្បីជាវិធានការនៃការរក្សាទឹកទុកប្រើប្រាស់ ពិសេសយើងត្រូវប្រើប្រាស់ដោយលក្ខណៈសន្សំសំចៃខ្ពស់។ ជាមួយគ្នានោះក្រុមការងារមន្ទីរធនធានទឹក បានរៀបចំដាក់ដំឡើងម៉ាស៊ីនបូមទឹកចំនួន៤គ្រឿង ដើម្បីបូមទឹកផ្លាស់ប្តូរគ្នាទម្លាក់ទៅស្រុកមង្គលបូរី ព្រមទាំងបានដាក់ក្រុមការងារចុះពិនិត្យមើលជាប្រចាំផងដែរ៕ (កែសម្រួលដោយ ៖ ធីតា)
ចែករំលែកព័តមាននេះ