ប្រទេសអ៊ីស្រាអែល ៖ ប្រទេសអ៊ីស្រាអែលប្រកាសថា ខ្លួននឹងបង្ហាញនាពេលខាងមុខនេះ ប្រព័ន្ធការពារអាកាសរបស់ខ្លួនដែលជាអាវុធកាំរស្មីឡាស៊ែរ ដោយតាមរដ្ឋមន្ត្រីការពារប្រទេសអ៊ីស្រាអែលថា វាអាចស្ទាក់កម្ទេចបណ្ដាគ្រាប់រ៉ុក្កែត គ្រាប់មីស៊ីល ឬគ្រាប់ផ្លោងឯទៀតៗដែលបាញ់ប្រឆាំងអ៊ីស្រាអែល។ រដ្ឋមន្ត្រីរូបនោះបានបរិយាយថា…
ប្រទេសអ៊ីស្រាអែល ៖ ប្រទេសអ៊ីស្រាអែលប្រកាសថា ខ្លួននឹងបង្ហាញនាពេលខាងមុខនេះ ប្រព័ន្ធការពារអាកាសរបស់ខ្លួនដែលជាអាវុធកាំរស្មីឡាស៊ែរ ដោយតាមរដ្ឋមន្ត្រីការពារប្រទេសអ៊ីស្រាអែលថា វាអាចស្ទាក់កម្ទេចបណ្ដាគ្រាប់រ៉ុក្កែត គ្រាប់មីស៊ីល ឬគ្រាប់ផ្លោងឯទៀតៗដែលបាញ់ប្រឆាំងអ៊ីស្រាអែល។ រដ្ឋមន្ត្រីរូបនោះបានបរិយាយថា វាជាអាវុធដូចជាដាវឡាស៊ែរមួយ។
រដ្ឋមន្ត្រីការពារប្រទេសអ៊ីស្រាអែលលោកណាហ្វតាលីបេននេត រាយការណ៍នាថ្ងៃទី៨ មករាថា ប្រព័ន្ធការពារអាកាសឡាស៊ែរមួយ នឹងអាចដាក់ឲ្យប្រើប្រាស់រយៈពេល១ឆ្នាំកន្លះទៀត។ ប្រព័ន្ធអាវុធឡាស៊ែរនេះ ក៏អាចដាក់នៅលើរថក្រោះផងដែរ។
លោកបន្តថា នោះជាអាវុធដែលអាចការពារសន្តិសុខបានខ្ពស់ខ្លាំងបំផុតនិងឈានមុខគេបំផុត។ យើងនឹងបន្ថែមដាវឡាស៊ែរប្រឈមមុខនឹងការគំរាមកំហែងពីទិសខាងជើងឬខាងត្បូង។ បណ្ដាសត្រូវរបស់អ៊ីស្រាអែលកុំចង់សាកល្បងនឹងការប្ដេជ្ញាចិត្តរបស់យើងនឹងសមត្ថភាពរបស់យើងឲ្យសោះ។
គោលដៅរបស់អ៊ីស្រាអែលគឹប្រើប្រាស់ប្រព័ន្ធនេះប្រឆាំងបណ្ដាគ្រាប់រ៉ុក្កែតដូចជាធុន QASSAM ដែលបាញ់ញឹកញាប់ដាក់អ៊ីស្រាអែលចេញពីជ្រោយហ្គាហ្សា។ នាយកផ្នែកស្រាវជ្រាវនៃក្រសួងការពារប្រទេសអ៊ីស្រាអែល លោកយ៉ានីវរ៉ូតេមថ្លែងប្រាប់កាសែតហ្សេរុយសាឡឹមប៉ុស្តិ៍ថា អាវុធឡាស៊ែរនេះត្រូវបានសាកល្បងលើបណ្ដាគ្រាប់កាំភ្លើងត្បាល់ បណ្ដាដ្រូននិងមីស៊ីលប្រឆាំងរថក្រោះរយៈពេលប៉ុន្មានឆ្នាំចុងក្រោយនេះ៕ ដកស្រង់ចេញពីវេបសាយ ៖ sputniknews (កែសម្រួលដោយ ៖ បុប្ផា)
ចែករំលែកព័តមាននេះ