ដឹកនាំ Spur តែ Mourinho ថាក្លិបអង់គ្លេស១នេះជាក្លិបល្អផ្តាច់គេក្នុងលោក
តាមប្រភពព័ត៌មាន Soccer Laduma បានឱ្យដឹងថា ទោះបីជាទទួលបន្ទុកជាគ្រូបង្វឹករបស់ក្លិបដែលជាគូប្រជែងរបស់ Liverpool ក៏ដោយ លោក Jose Mourinho…
តាមប្រភពព័ត៌មាន Soccer Laduma បានឱ្យដឹងថា ទោះបីជាទទួលបន្ទុកជាគ្រូបង្វឹករបស់ក្លិបដែលជាគូប្រជែងរបស់ Liverpool ក៏ដោយ លោក Jose Mourinho…
តាមប្រភពព័ត៌មាន Soccer Laduma បានឱ្យដឹងថា ទោះបីជាទទួលបន្ទុកជាគ្រូបង្វឹករបស់ក្លិបដែលជាគូប្រជែងរបស់ Liverpool ក៏ដោយ លោក Jose Mourinho គ្រូបង្វឹកក្លិបមាន់ខ្នាយមាស Tottenham Hotspur នាពេលបច្ចុប្បន្ន បានបង្ហើបពីមូលហេតុដែលលោកជឿជាក់ថា ហង្សក្រហមគឺជាក្រុមដែលល្អជាងគេនៅលើពិភពលោក។
អតីតអ្នកចាត់ការក្រុមតោខៀវ Chelsea និង ក្លិបបិសាចក្រហម Manchester United រូបនេះបាននិយាយនៅមុនការប្រកួត FA Cup របស់ Spurs ទល់នឹង Middlesbrough កាលពីថ្ងៃអាទិត្យ នៅពេលដែលគាត់ទទួលបានការសរសើរពីក្រុមរបស់លោក Jurgen Klopp ។
លោក Mourinho បាននិយាយថា៖ «កាលពីម្សិលមិញ (ថ្ងៃសៅរ៍) ខ្ញុំកំពុងមើលការប្រកួត Liverpool ហើយខ្ញុំគិតថា ខ្ញុំកំពុងមើលក្រុមល្អបំផុតនៅលើពិភពលោកក្នុងពេលនេះ។ ហើយបន្ទាប់មកខ្ញុំក៏ចូលឆែក Google ហើយក៏ឃើញថា លោក Jurgen មកនៅក្លិបហង្សក្រហម តាំងពីខែ តុលា ឆ្នាំ២០១៥។ ពោលគឺតាំងពីឆ្នាំ ២០១៥ ២០១៦ ២០១៧ ២០១៨ ២០១៩ និង ពេលនេះគឺ ២០២០»។
លោកបានបន្តថា ៖«បើគិតទៅ គឺមានការដោះដូរកីឡាករចំនួន៨ដងហើយ។ ខ្ញុំគិតថា មានកីឡាករច្រើនណាស់ ចេញនិងចូល។ អ្វីដែលកាន់តែសំខាន់គឺថា ទស្សនវិជ្ជារបស់គាត់ក្នុងការហ្វឹកហាត់ ដើម្បីសាងស្នាដៃក្នុងក្លិប គឺពិតជាអស្ចារ្យ។ លទ្ធផលល្អគឺជាលទ្ធផលនៃការងារដ៏អស្ចារ្យមួយជំហានម្តងៗ។ ខ្ញុំគិតថានៅក្នុងរដូវកាលទី១ ពួកគេឈរត្រឹមតែលេខ៦ ឬ លេខ៨អីទេ តែ៤ឆ្នាំក្រោយមក ពួកគេគឺមិនត្រឹមតែជាម្ចាស់ពានទេ។ ខ្ញុំគិតថា ពួកគេគឺជាក្រុមល្អផ្តាច់គេលើលោក ក្នុងពេលនេះ» ៕
ចែករំលែកព័តមាននេះ