ទីផ្សារការងាររបស់ប្រទេសកម្ពុជាកំពុងតែខ្វះធនធានមនុស្សដែលមានសមត្ថភាព និងជំនាញខ្ពស់យ៉ាងខ្លាំង ។ ជាលទ្ធផល ក្រុមហ៊ុនបានប្រកួតប្រជែងគ្នាយ៉ាងតានតឹង ដើម្បីទាក់ទាញបុគ្គលិកតាមរយៈការផ្តល់អត្ថប្រយោជន៍ផ្សេងៗតាមដែលខ្លួនអាចផ្គត់ផ្គង់ឲ្យ ។ ប៉ុន្តែយោងទៅតាមលោកមហាសេដ្ឋី Bill Gates…
ទីផ្សារការងាររបស់ប្រទេសកម្ពុជាកំពុងតែខ្វះធនធានមនុស្សដែលមានសមត្ថភាព និងជំនាញខ្ពស់យ៉ាងខ្លាំង ។ ជាលទ្ធផល ក្រុមហ៊ុនបានប្រកួតប្រជែងគ្នាយ៉ាងតានតឹង ដើម្បីទាក់ទាញបុគ្គលិកតាមរយៈការផ្តល់អត្ថប្រយោជន៍ផ្សេងៗតាមដែលខ្លួនអាចផ្គត់ផ្គង់ឲ្យ ។ ប៉ុន្តែយោងទៅតាមលោកមហាសេដ្ឋី Bill Gates បានឲ្យដឹងថា អត្ថប្រយោជន៍ដែលសំខាន់ជាងគេក្នុងការទាក់ទាញបុគ្គលិកក្នុងសម័យកាលនេះ គឺភាពបត់បែនក្នុងការបំពេញការងារ ។
ការស្រាវជ្រាវមួយរបស់សាកលវិទ្យាល័យ Harvard Business School បានរកឃើញថា បុគ្គលិកក្នុងក្រុមហ៊ុនដែលអនុញ្ញាតឲ្យចេញទៅធ្វើការបានគ្រប់ទីកន្លែង មានប្រសិទ្ធិភាពការងារខ្ពស់ជាងបុគ្គលិកដែលមានភាពបត់បែនក្នុងការងារតែនៅតែត្រូវស្នាក់នៅជិតការិយាល័យដល់ទៅ ៤.៤% ។ លើសពីនេះទៅទៀត បុគ្គលិកអាចកាត់បន្ថយការចាយវាយប្រចាំថ្ងៃជាពិសេសលើការធ្វើដំណើរទៅវិញទៅមករវាងការិយាល័យ និងផ្ទះ ។ ដូច្នេះតើអ្នកអាចរួមបញ្ចូលវិធាននេះយ៉ាងដូចម្តេចដើម្បីមានប្រសិទ្ធិភាព?
១. វិនិយោគលើដំណោះស្រាយដែលត្រឹមត្រូវ ៖ ព្រោះភាពបត់បែនមានន័យថាបុគ្គលិកមិនអាចធ្វើការជាមួយគ្នាដោយមានប្រសិទ្ធិភាពបាន អ្នកត្រូវតែរកវិធីដើម្បីបង្កើនការសហការគ្នាក្នុងក្រុម ។ ប្រាកដណាស់ អ្នកមិនអាចជំនួសការប្រាស្រ័យទាក់ទងគ្នាពីមួយថ្ងៃទៅមួយថ្ងៃដែលតែងតែកើតមានឡើងក្នុងការិយាល័យទេ ប៉ុន្តែអ្នកអាចណែនាំឧបករណ៍ទំនាក់ទំនងសម្រាប់ការងារដូចជា Slack ឬ Telegram ជាដើម ។ អ្នកគួរជ្រើសរើសយកមួយ ឬពីររួចធានាថាបុគ្គលិករបស់អ្នកមានសមត្ថភាពគ្រប់គ្រាន់ក្នុងការប្រើប្រាស់វា ។
២. កែសម្រួលដំណើរការតាមពេលវេលា ៖ បុគ្គលិកមិនអាចប្តូរទៅធ្វើការដោយបត់បែនដោយមិនជួបបញ្ញាអ្វីសោះឡើយ ។ លើសពីនេះទៅទៀត ដំណើរការក្នុងផ្នែកមួយចំនួនក្នុងក្រុមហ៊ុនរបស់អ្នកអាចនឹងត្រូវផ្លាស់ប្តូរ ។ ឧទាហរណ៍ ៖ ដូចជាមានករណីដែលការមានធ្វើរបាយការណ៍ប្រចាំខែ ឬប្រជុំប្រចាំត្រីមាសជាដើម ៕
កែសម្រួលដោយ ៖ សំណាង
ចែករំលែកព័តមាននេះ