ADផ្ទាំងផ្សព្វផ្សាយពាណិជ្ជកម្ម

រៀបចំសណ្តាប់ធ្នាប់ ចាប់យករបស់គេហើយមិនឱ្យវិញទេ

4 ឆ្នាំ មុន

កំពង់ធំ
១០ ខែ មករា ឆ្នាំ ២០២០ ម៉ោង ១៤:២២

ខេត្តកំពង់ធំ ៖ ដោយសារតែអាជ្ញាធរក្រុងស្ទឹងសែន ចាប់យកសម្ភារៈលក់ដូររបស់ពួកគាត់តាមរយៈការចុះរៀបចំសណ្តាប់ធ្នាប់ជុំវិញផ្សារកំពង់ធំ មិនប្រគល់ឲ្យវិញអស់រយៈកាលជាច្រើនខែមកហើយ។ ក្រុមអាជីវករក៏ដូចជាប្រជាពលរដ្ឋនិយាយថា ពួកលោកគាំទ្រយ៉ាងពេញទំហឹងចំពោះគោលការណ៍របស់សាលាក្រុងស្ទឹងសែន នៅក្នុងការរៀបចំសណ្តាប់ធ្នាប់ ដើម្បីកែលម្អរសោភ័ណភាពក្រុងស្ទឹងសែន ឲ្យបានល្អនោះ…

ក្រុមអាជីវករក៏ដូចជាប្រជាពលរដ្ឋនិយាយថា ពួកលោកគាំទ្រយ៉ាងពេញទំហឹងចំពោះគោលការណ៍របស់សាលាក្រុងស្ទឹងសែន នៅក្នុងការរៀបចំសណ្តាប់ធ្នាប់ ដើម្បីកែលម្អរសោភ័ណភាពក្រុងស្ទឹងសែន ឲ្យបានល្អនោះ ទោះគប្បីនៅមានចំណុចអវិជ្ជមានមួយចំនួនដែលសាលាក្រុងរៀបចំមិនបានត្រឹមត្រូវទៅតាមគោលការណ៍នៅឡើយក៏ដោយ។

ប្រភពដដែលបន្តថា ការចុះរៀបចំសណ្តាប់ធ្នាប់នេះ មានភាពលំអៀង មិនយុត្តិធម៌នោះទេ ដោយសារតែការៀបចំសណ្តាប់ធ្នាប់ខាងលើនេះ ធ្វើបានតែចំពោះអាជីវករតូចតាចតែប៉ុណ្ណោះ ។ ចំណែកផ្ទះកូនចៅលោកធំ និងផ្ទះពួកអ្នកមានមួយចំនួនធ្វើមិនបាន។

ប្រភពដដែលបន្តទៀតថា កន្លងមក សាលាក្រុងស្ទឹងសែន ចុះរៀបចំសណ្តាប់ធ្នាប់ ដោយតម្រូវឲ្យពួកគាត់កាត់ដំបូលផ្ទះ ដំបូលតូប និងសំយ៉ាបតូបមួយចំនួនធំអស់ហើយ បើអ្នកណារឹងមិនព្រមកាត់ គឺសាលាក្រុង មានក្រុមជាងដែកចុះទៅកាត់ចោល តែធ្វើបានខ្លះៗ។

ជាក់ស្តែងដូចជាផ្ទះកូនចៅលោក ហុក រិន អតីតអភិបាលក្រុងស្ទឹងសែន បច្ចុប្បន្នលោក ហុក រិន គឺជាប្រធានក្រុមប្រឹក្សាក្រុងស្ទឹងសែន ហើយផ្ទះកូនចៅរបស់គាត់បានធ្វើទ្វារដែកមកដល់ចិញ្ចើមថ្នល់ ដែលត្រូវសាលាក្រុងតម្រូវឲ្យកាត់ចោល ដោយកាត់បានតែមួយដង្ហើមចង្រិត ក៏លួចធ្វើទ្វារដែកវិញដដែល ដោយគ្រាន់តែបង្ខិតចូលក្នុងបន្តិចប៉ុណ្ណោះ។

ហើយថែមទាំងយកចំណីផ្លូវត្រង់ចំណុចផ្លូវបំបែកជា៤ ជួលឲ្យគេដាក់លក់ភេសជ្ជៈទៀតធ្វើឲ្យផ្លូវចង្អៀត ។ ហើយផ្ទះអ្នកលក់បាយទល់មុខកាកបាទក្រហមចាស់ បានបាំងជញ្ជាំងដែកដាក់តូបលក់ពេញចំណីផ្លូវ រីឯសណ្ឋាគារ ភោជនីយ៍ដ្ឋាន និងផ្ទះសំណាក់ អរុណរះ បានយកចំណីផ្លូវចតរថយន្តទាំងថ្ងៃទាំងយប់ដោះស្រាយមិនចេញ គឺធ្វើបាបបានតែអាជីករលក់ដូរតូចតាចបន្តិចបន្តួច ចាប់យករបស់របររបស់ពួកគាត់ហើយមិនឲ្យវិញ។ ពេលសួរនាំអំពីបញ្ហានេះ អស់លោកចៅហ្វាយក្រុង បានឆ្លើយដាក់គ្នាឲ្យរយោងដូចសម្លកំពឹសពីមួយទៅមួយ។