ខេត្តព្រះសីហនុ ៖ ទីតាំងការដ្ឋានចិនមួយកន្លែងស្ថិតនៅតាមបណ្តោយវិថីឯករាជ្យ ក្នុងភូមិ០៣សង្កាត់លេខ៤ ក្រុង/ខេត្តព្រះសីហនុនាព្រឹកថ្ងៃទី០៩ ខែមករា ឆ្នាំ២០២០ នេះត្រូវបានក្រុមការងារចម្រុះចុះហាមឃាត់ការសាងសង់ជាបណ្តោះអាសន្ន បន្ទាប់ពិនិត្យឃើញថា ការដ្ឋានមួយនេះពុំទាន់មានច្បាប់សាងសង់គ្រប់គ្រាន់ហើយបានធ្វើអោយផ្ទះប្រជាពលរដ្ឋ ក្បែរនោះចំនួន០៣ផ្ទះរងការខូចខាតជាអន្លើៗ។
ជុំវិញការចុះហាមឃាត់ការដ្ឋានសំណង់ជនជាតិចិនជាបណ្តោះអាសន្ននេះ ត្រូវបានលោក ជួប សីហា ប្រធានការិយាល័យសំណង់ក្រុងព្រះសីហនុ បានគូសបញ្ជាក់ថា បន្ទាប់ពីទទួលព័ត៏មានតាមខ្លឹមសាបណ្តឹងរបស់បងប្អូនប្រជាពលរដ្ឋចំនួន០៣ផ្ទះក្រុមការងារចម្រុះ ដោយមានកិច្ចសហការណ៏ជាមន្ត្រីពាក់ព័ន្ឋជាច្រើនរូបបានចុះមកដល់ទីតាំងទំនាស់ និងបានពិនិទ្យជាក់ស្តែង ដើម្បីស្វែងរកតំណោះស្រាយ។
ក្រោយពីធ្វើការពិនិត្យរួចរាល់សមត្ថកិច្ចចម្រុះបានពិនិត្យឃើញថា ការដ្ឋានសាងសង់របស់សណ្ឋាគារ តាហ៊័រ ដែលមានទីតាំងការដ្នានចិនមួយកន្លែងស្ថិតនៅតាមបណ្តោយវិថីឯករាជ្យ ក្នុងភូមិ០៣សង្កាត់លេខ៤ ក្រុង/ខេត្តព្រះសីហនុ ដែលបានសាងសង់រួចរាល់ចំនួន០៣ជាន់ក្នុងចំណោម១២ជាន់នោះ ពុំទាន់មានច្បាប់គ្រប់គ្រាន់ ក្នុងការសាងសង់ ហើយបានយកចំណីផ្លូវសាធារណៈដាក់សម្ភារៈផ្ទាល់ក្រុមហ៊ុន មិនត្រឹមតែប៉ុណ្ណោះបានធ្វើអោយមានការប្រេះផ្ទះប្រជាពលរដ្ឋចំនួន០៣គ្រួសារផងដែរ។
ដូចនេះ ទើបក្រុមការងារចម្រុះសម្រេចផ្អាកការសាងសង់ជាបណ្តោះអាសន្ន រងចាំការដោះស្រាយវិវាទត្រូវបានបញ្ចប់ និង មានច្បាប់អនុញ្ញាត្តិអោយបានត្រឹមត្រូវជាមុនសិន ដោយអនុវត្តន៏ទៅតាមច្បាប់សំណង់។
ជុំវិញបញ្ហាខាងលើនេះផងដែរ អ្នកគ្រប់គ្រងការសាងសង់ជាជនជាតិចិន បានអះអាងថា ច្បាប់សាងសង់របស់ការដ្ឋាននេះ កំពុងតែរត់ច្បាប់ហើយ ប៉ុន្តែពួកគាត់ពុំដឹងថា ឯកសាច្បាប់នោះដល់ណាហើយទេ គឺលោកអត់ដឹងទេ ៕
កែសម្រួលដោយ ៖ សំណាង
ចែករំលែកព័តមាននេះ