រាជធានីភ្នំពេញ ៖ ព័ត៌មានអំពីអ្នកឈ្នះរង្វាន់រថយន្ត Porsche Macan ស៊េរីចុងក្រោយបង្អស់ដែលលោក ណុយ សុខណេម ជាអតិថិជនដំបូងគេបំផុតដែលបានឈ្នះរង្វាន់ពីក្រវិលកំប៉ុង ស្រាបៀរកម្ពុជា…
រាជធានីភ្នំពេញ ៖ ព័ត៌មានអំពីអ្នកឈ្នះរង្វាន់រថយន្ត Porsche Macan ស៊េរីចុងក្រោយបង្អស់ដែលលោក ណុយ សុខណេម ជាអតិថិជនដំបូងគេបំផុតដែលបានឈ្នះរង្វាន់ពីក្រវិលកំប៉ុង ស្រាបៀរកម្ពុជា នៅមិនទាន់ស្ងប់ផង ឥឡូវនេះ លោក ម៉ៃឃើល សុវណ្ណ តំណាងស្រាបៀរកម្ពុជា បានបង្ហោះសារមួយទៀតនៅលើទំព័រហ្វេសប៊ុកផ្ទាល់ខ្លួនរបស់លោកកាលពីម្សិលមិញឱ្យសាធារណជនទស្សន៍ទាយពីរង្វាន់ធំឡានទំនើប Porsche Macan ទី ២ ថាតើអ្នកឈ្នះរង្វាន់ធំបន្ទាប់អាចនឹងលេចមុខភ្លាមៗ បន្ទាប់ពីចូលឆ្នាំចិនហើយដែរ ឬទេ ។
សូមបញ្ជាក់ថា ការបង្ហោះសារ ឬបង្ហើបព័ត៌មានពីរង្វាន់ធំនេះដោយលោក ម៉ៃឃើល សុវណ្ណ ត្រូវបានចាប់អារម្មណ៍ក៏ដោយសារតែមុនយប់ឆ្លងឆ្នាំពីរថ្ងៃ លោកក៏បានក្រើនរំឭកនៅក្នុងអត្ថបទព័ត៌មានអបអរសាទរឆ្លងឆ្នាំថ្មីជាមួយពលរដ្ឋកម្ពុជា ឱ្យអតិថិជនដែលពិសា ស្រាបៀរកម្ពុជា ក្នុងរាត្រីឆ្លងឆ្នាំពិនិត្យមើលឱ្យមែនទែន នូវក្រវិលកំប៉ុងរបស់ខ្លួន ហើយមួយថ្ងៃបន្ទាប់ពីបុណ្យចូលឆ្នាំសកលចប់ភ្លាម ក៏ស្រាប់តែអ្នកឈ្នះរង្វាន់ធំឡានទំនើប Porsche Macan ដំបូងគេបង្អស់បង្ហាញខ្លួនភ្លាម គឺលោក ណុយ សុខណេម ស្នាក់នៅសង្កាត់ទួលពង្រ ខណ្ឌដង្កោ រាជធានីភ្នំពេញ ។
គួរបញ្ជាក់ផងដែរថា លើកនេះ លោកបានក្រើនរំឭកសាជាថ្មីដោយមានទាំងសារជូនពរដល់បងប្អូនសែស្រឡាយចិនផងដែរថា៖ «កុងស៊ី ហ្វាឆាយ ! សួស្តីឆ្នាំថ្មីប្រពៃណីចិន ! សូមជូនពរឱ្យបងប្អូនសែស្រឡាយចិនទាំងអស់រកទទួលទានមានបាន សុខភាពល្អ និងមានសំណាងឈ្នះបានរង្វាន់ធំៗពី ស្រាបៀរកម្ពុជា ដែលបងប្អូនបានជាវយកទៅសែន និងជួបជុំគ្រួសារមិត្តភក្តិជិតឆ្ងាយ» ។
លោកបញ្ជាក់ផងដែរថា រង្វាន់ធំឡានទំនើប Porsche Macan នេះនៅសល់ចំនួន ១១ គ្រឿង ទៀត រួមជាមួយរង្វាន់ ៥០លានរៀល និង ៥លានរៀល រាប់រយរង្វាន់ឯណោះ ។ ដូច្នេះសូមកុំភ្លេចពិនិត្យមើលក្រវិលកំប៉ុងស្រាបៀរកម្ពុជា ក្នុងអំឡុងពេលជួបជុំក្លែមអាហារជាមួយក្រុមគ្រួសារនាពេលចូលឆ្នាំចិនខាងមុខនេះ ។ ពិសាដោយការទទួលខុសត្រូវ ! ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ