ការចាប់ផ្តើមអាជីវកម្មមួយដោយខ្លួនឯង គឺជាការសម្រេចចិត្តដែលគួរឲ្យភ័យខ្លាចជាងគេសម្រាប់មនុស្សជាច្រើន ។ ហើយមិនមាននរណាចង់មើលឃើញអាជីវកម្មដែលខ្លួនបានបង្កើតបរាជ័យ ឬដំណើរការមិនរលូនតាមការរំពឺងទុកឡើយ ។ ដូច្នេះក្នុងនាមជាអាជីវករម្នាក់ តើអ្នកគួរធ្វើយ៉ាងណា ដើម្បីជួយឲ្យអាជីវកម្មតូចរបស់ខ្លួនជោគជ័យ? ១….
ការចាប់ផ្តើមអាជីវកម្មមួយដោយខ្លួនឯង គឺជាការសម្រេចចិត្តដែលគួរឲ្យភ័យខ្លាចជាងគេសម្រាប់មនុស្សជាច្រើន ។ ហើយមិនមាននរណាចង់មើលឃើញអាជីវកម្មដែលខ្លួនបានបង្កើតបរាជ័យ ឬដំណើរការមិនរលូនតាមការរំពឺងទុកឡើយ ។ ដូច្នេះក្នុងនាមជាអាជីវករម្នាក់ តើអ្នកគួរធ្វើយ៉ាងណា ដើម្បីជួយឲ្យអាជីវកម្មតូចរបស់ខ្លួនជោគជ័យ?
១. ធ្វើអ្វីដែលអ្នកពូកែ៖
សេចក្តីស្រលាញ់ ឬចំណាប់អារម្មណ៍របស់អាជីវករលើផ្នែកណាមួយប្រាកដណាសជាកត្តាដែលជួយឲ្យអាជីវកម្មជោគជ័យ ប៉ុន្តែអ្នកមិនអាចជោគជ័យបានឡើយប្រសិនបើការងារដែលអ្នកកំពុងតែធ្វើមិនមែនជាការងារដែលអ្នកពូកែធ្វើ ។ តើអ្នកមានជំនាញអ្វី? តើបញ្ហាអ្វីខ្លះដែលអ្នកចង់ដោះស្រាយ? ពេលខ្លះ សេចក្តីស្រលាញ់ និងចំណាប់អារម្មណ៍លើការងារកើតចេញពីការទទួលបានជំនាញមួយដែលអ្នកដទៃជួបការលំបាកក្នុងការរៀន ។
២. កុំលាឈប់ពីការងារពេញម៉ោងរបស់អ្នក៖
មនុស្សដែលសម្រេចចិត្តធ្វើជាអាជីវករភាគច្រើន គឺព្រោះតែពួកគេធុញទ្រាន់នឹងការទៅធ្វើការពីម៉ោង ៩ ដល់ ៥ ល្ងាចជារៀងរាល់ថ្ងៃ ។ ប៉ុន្តែការពិតជាក់ស្តែង អាជីវកម្មតូចរបស់អ្នកប្រហែលជាមិនទាន់មានសមត្ថភាពក្នុងការរកចំណូលគ្រប់ឲ្យអ្នកចិញ្ចឹមជីវិតផង ។ ដោយហេតុដូចនេះទើបម្ចាស់អាជីវកម្មមិនគួរលាឈប់ពីការងារខ្លួនឡើយលុះត្រាតែពួកគេជឿជាក់ថាពួកគេលែងត្រូវការប្រាក់បៀវត្សន៍ប្រចាំខែទៀតហើយ ។
៣. បោកប្រាស់គេខ្លះប្រសិនបើចាំបាច់៖
អតិថិជនត្រូវតែមានជំនឿចិត្តលើអ្នកដែលជាអ្នកផ្គត់ផ្គង់ ប៉ុន្តែបើអ្នកមិនដែលមានបទពិសោធន៍ពីមុនមកទេ អ្នកត្រូវតែរៀន ឬបោកប្រាស់ថាអ្នកមានបទពិសោធន៍រហូតដល់អ្នកពិតជាមានបទពិសោធន៍ច្បាស់លាស់ពិតមែន ។ ជាមួយគ្នានេះដែរ វាមានន័យថា អ្នកត្រូវតែបញ្ចេញសមត្ថភាពឲ្យអស់ពីខ្លួនគ្រប់ពេលមិនថាអ្នកមានអារម្មណ៍យ៉ាងណាទេ ៕ កែសម្រួលដោយ ៖ សុឃាក់
ចែករំលែកព័តមាននេះ