រាជធានីភ្នំពេញ ៖ ទោះបីជាតម្លៃប្រេងអន្តរជាតិបានប្រែលប្រួលដែលមិនអាចព្យាករបានយ៉ាងណាក្តី ក្រសួងពាណិជ្ជកម្មបានអះអាងថា ក្រសួងនៅតែគណនាតម្លៃប្រេងតាមការឯកភាពរបស់អន្តរក្រសួងដដែល ។ យោងតាមសេចក្តីជូនដំណឹងរបស់ក្រសួងពាណិជ្ជកម្មចេញផ្សាយនៅថ្ងៃទី៩ មករានេះ ។ ក្រសួងបានពាណិជ្ជកម្មចេញផ្សាយឲ្យដឹងថា…
រាជធានីភ្នំពេញ ៖ ទោះបីជាតម្លៃប្រេងអន្តរជាតិបានប្រែលប្រួលដែលមិនអាចព្យាករបានយ៉ាងណាក្តី ក្រសួងពាណិជ្ជកម្មបានអះអាងថា ក្រសួងនៅតែគណនាតម្លៃប្រេងតាមការឯកភាពរបស់អន្តរក្រសួងដដែល ។ យោងតាមសេចក្តីជូនដំណឹងរបស់ក្រសួងពាណិជ្ជកម្មចេញផ្សាយនៅថ្ងៃទី៩ មករានេះ ។
ក្រសួងបានពាណិជ្ជកម្មចេញផ្សាយឲ្យដឹងថា ក្រសួងពាណិជ្ជកម្មបានជម្រាបជូនដល់ក្រុមហ៊ុនលក់រាយប្រេងឥន្ធនៈទាំងអស់នៅក្នុងប្រទេសកម្ពុជា មេត្តាជ្រាបថា យោងទៅលើស្ថានភាពទីផ្សារអន្តរជាតិ បច្ចុប្បន្នតម្លៃប្រេងឥន្ធនៈអាចមានការប្រែប្រលមិនអាចព្យាករណ៍បាន ។ ប៉ុន្តែទោះបីជាមានការកើនឡើងតម្លៃប្រេងឥន្ធនៈក្តី ក្រសួងពាណិជ្ជកម្មកម្ពុជានឹងគណនាតម្លៃប្រេងទៅតាមប្រកាសរបស់អន្តរក្រសួងសេដ្ឋកិច្ច និងហិរញ្ញវត្ថុ ក្រសួងពាណិជ្ជកម្ម ក្រសួងរ៉ែ និងថាមពល នូវតម្លៃលក់រាយប្រេងឥន្ធនៈនៅកម្ពុជាទៅតាមតម្លៃទីផ្សារអន្តរជាតិសម្រាប់រយៈពេល១៥ថ្ងៃម្តង ដូចអ្វីដែលយើងបានឯកភាពគ្នាអនុវត្តកន្លងមក ដើម្បីរួមចំណែកផ្តល់នូវស្ថិរភាពសេដ្ឋកិច្ច-សង្គមរបស់កម្ពុជាយើង ។
ក្រសួងបន្តថា អាស្រ័យដូចបានជំរាបជូនខាងលើ សូមក្រុមហ៊ុនប្រេងឥន្ធនៈទាំងអស់ដែលលក់រាយប្រេងឥន្ធនៈនៅក្នុងព្រះរាជាណាចក្រកម្ពុជា មេត្តាចូលរួមសហការអនុវត្តឲ្យបានល្អដូចអ្វីដែលបានធ្វើកន្លងមកឲ្យមានប្រសិទ្ធិភាពខ្ពស់ ៕
ចែករំលែកព័តមាននេះ