រាជធានីភ្នំពេញ ៖ យានដា្ឋនជួសជុលរថយន្ត «ចៅចាក់» បានត្រូវអគ្គិភ័យឆាបឆេះយ៉ាងសន្ធៅសន្ធៅ បណ្តាលឲ្យក្បាលរថយន្តចំនួន២គ្រឿង ព្រមទាំងរបស់របរចាស់ៗដែលគរទុកចោលរងការខូចខាត ។ហេតុការណ៍អគ្គិភ័យនេះ កើតឡើងកាលពីវេលាម៉ោងប្រមាណ១០ព្រឹកថ្ងៃទី៨ ខែមករា…
រាជធានីភ្នំពេញ ៖ យានដា្ឋនជួសជុលរថយន្ត «ចៅចាក់» បានត្រូវអគ្គិភ័យឆាបឆេះយ៉ាងសន្ធៅសន្ធៅ បណ្តាលឲ្យក្បាលរថយន្តចំនួន២គ្រឿង ព្រមទាំងរបស់របរចាស់ៗដែលគរទុកចោលរងការខូចខាត ។ហេតុការណ៍អគ្គិភ័យនេះ កើតឡើងកាលពីវេលាម៉ោងប្រមាណ១០ព្រឹកថ្ងៃទី៨ ខែមករា ឆ្នាំ ២០២០ ដែលយានដ្ឋានខាងលើស្ថិតនៅតាមផ្លូវសម្តេច ជា ស៊ីម ក្នុងភូមិក្រុងថ្មី សង្កាត់គោកឃ្លាង ខណ្ឌសែនសុខ ។
តាមព័ត៌មានឲ្យដឹងថា មុនពេលកើតហេតុគេឃើញភ្លើងឆាបឆេះក្បាលរថយន្ត និងរបស់របរ ចាស់ៗដែលទុកនៅកៀនរបងផ្នែកខាងកើតយានដ្ឋានយ៉ាងសន្ធោសន្ធៅ បង្កឲ្យមានការភ្ញាក់ផ្អើលឡើង។ ភ្លាមៗនោះ ក្រុមជាងនិងអ្នករស់នៅជិតខាង បាននាំគ្នាទាញទុយោទឹកនិងបំពង់ពន្លត់អគ្គិភ័យជួយបាញ់ពន្លត់ តែពុំអាចទប់ស្កាត់បាន ។
តាមនគរបាលមូលដ្ឋានឲ្យដឹងថា ក្នុងហេតុការណ៍នេះ រថយន្តពន្លត់អគ្គិភ័យចំនួន៤គ្រឿង បានទៅអន្តរាគមន៍បាញ់ទឹកពន្លត់អស់ទឹក១រថយន្តហើយភ្លើងបានរលត់ទៅវិញនៅវេលាម៉ោងប្រមាណ១០និង៤០នាទីព្រឹកថ្ងៃដដែល ពុំបណ្តាលឲ្យឆេះរាលដាលទៀតឡើយ ។ ទោះជាយ៉ាងណា អគ្គិភ័យនេះបណ្តាលឲ្យក្បាលរថយន្តចាស់ៗទុកចោលចំនួន២គ្រឿង ត្រូវភ្លើងឆេះក្លាយជាដែកអេតចាយ និងរបស់របរមួយចំនួនទៀត ។
ទាក់ទិននឹងការកើតមានអគ្គិភ័យនេះ ត្រូវបាននគរបាលមូលដ្ឋានឲ្យដឹងថា បណ្តាលមកពី ដុតសំរាមហើយភ្លើងបានឆេះរាលដាលទៅដល់ក្បាលរថយន្ត ៕
ចែករំលែកព័តមាននេះ