អ្នកគ្រប់គ្រង និងកន្លែងធ្វើការនីមួយៗតែងតែមានលក្ខណៈខុសគ្នា ប៉ុន្តែជាទូទៅប្រសិនបើអ្នកចង់ឲ្យចៅហ្វាយស្រលាញ់ចូលចិត្តនោះ អ្នកត្រូវតែចេះធ្វើការឲ្យបានល្អ ។ យ៉ាងណាក្តីក្រៅពី ការខិតខំធ្វើការខ្លួនឯងហើយ នៅមានគន្លឹះជាច្រើនទៀតដែលអាចជួយឲ្យអ្នកសម្រេចបានគោលដៅនេះដែលមានដូជខាងក្រោមនេះ៖ ១. ព្យាយាមដោះស្រាយបញ្ហាដោយខ្លួនឯង៖…
អ្នកគ្រប់គ្រង និងកន្លែងធ្វើការនីមួយៗតែងតែមានលក្ខណៈខុសគ្នា ប៉ុន្តែជាទូទៅប្រសិនបើអ្នកចង់ឲ្យចៅហ្វាយស្រលាញ់ចូលចិត្តនោះ អ្នកត្រូវតែចេះធ្វើការឲ្យបានល្អ ។ យ៉ាងណាក្តីក្រៅពី ការខិតខំធ្វើការខ្លួនឯងហើយ នៅមានគន្លឹះជាច្រើនទៀតដែលអាចជួយឲ្យអ្នកសម្រេចបានគោលដៅនេះដែលមានដូជខាងក្រោមនេះ៖
១. ព្យាយាមដោះស្រាយបញ្ហាដោយខ្លួនឯង៖
ជាដំបូងអ្នកត្រូវដឹងពីភាពខុសគ្នារវាងការរអ៊ូរទាំ និងការដោះស្រាយបញ្ហាឲ្យបានច្បាស់លាស់សិន ។ ការដោះស្រាយបញ្ហាមានន័យថា មុនពេលលើកឡើងពីបញ្ហាអ្វីមួយ អ្នកត្រូវគិតពីដំណះស្រាយវាឲ្យបានច្បាស់លាស់ជាមុនសិន ហើយវាអាចមានន័យថា អ្នកត្រូវទទួលខុសត្រូវក្នុងការអនុវត្តវាផងដែរ ។ ទោះជាវាមិនមែនជារឿងងាយពិតមែនក្តី ការបង្ហាញពីសមត្ថភាពក្នុងការដោះស្រាយបញ្ហានេះនឹងជួយឲ្យអ្នកលេចធ្លោនៅកន្លែងការងារ ។
២. តែងតែបង្ហាញពីតម្លៃរបស់អ្នកឲ្យទៅក្រុមហ៊ុនជានិច្ច៖
ចៅហ្វាយរបស់អ្នកមិនត្រូវការដឹងថា គោលបំណងក្នុងការចង់ឡើងតំណែងរបស់អ្នក គឺមកពីអ្នកចង់មានការតម្លើងប្រាក់ខែទេ ។ ផ្ទុយមកវិញ រាល់អ្វីទាំងអស់ គឺអ្នកត្រូវបង្ហាញថា ចៅហ្វាយ និងស្ថាប័នការងាររបស់អ្នកនឹងទាញបានអត្ថប្រយោជន៍ពីអ្នកបាន ។
៣. សុំដំបូន្មាន៖
យោងតាមការស្រាវជ្រាវរបស់សាកលវិទ្យាល័យ Harvard Business School បានឲ្យដឹងថា ការសុំសួរដំបូន្មានពីចៅហ្វាយមិនបង្ហាញប្រាប់ថា អ្នកល្ងង់ទេ ប៉ុន្តែវាបែរជាបង្ហាញថា អ្នកមានសមត្ថភាពខ្ពស់ទៅវិញដែលធ្វើឲ្យចៅហ្វាយអ្នកមើលឃើញអ្នកកាន់តែច្បាស់លាស់ថែមទៀត ។ មូលហេតុ គឺមកពីការសុំសួរដំបូន្មានបង្កើតជាការសហការឬការចាប់ដៃគូគ្នារវាងអ្នកនិងចៅហ្វាយរបស់អ្នក ។
៤. ទៅធ្វើការឲ្យបានមុនអ្នកដទៃ៖
ការស្រាវជ្រាវមួយទៀតរបស់ Michael G. Foster School of Business នៅសាកលវិទ្យាល័យ University of Washington បានប្រទះឃើញថា បុគ្គលិកដែលទៅដល់ការិយាល័យមុនគេភាគច្រើនត្រូវបានចាត់ទុកដោយចៅហ្វាយថាជាបុគ្គលិកល្អជាងអ្នកដទៃ ៕ កែសម្រួលដោយ ៖ សុឃាក់
ចែករំលែកព័តមាននេះ