បន្ទាយមានជ័យ ៖ អាជ្ញាធរខេត្ត និងមន្ត្រីជំនាញកំពុងយកចិត្តទុកដាក់រៀបចំប្រាសាទ ដើម្បីទាក់ទាញភ្ញៀវជាតិអន្តរជាតិក្នុងឱកាសបុណ្យចូលឆ្នាំប្រពៃណីខ្មែរក្នុងកិច្ចប្រជុំឆ្លងរបាយការណ៍ឆ្នាំ២០១៩ ដែលត្រូវបានធ្វើឡើងនៅព្រឹកថ្ងៃទី០៨ ខែមករា ឆ្នាំ២០២០ នៅសាលប្រជុំសាលាខេត្តបន្ទាយមានជ័យ ។…
បន្ទាយមានជ័យ ៖ អាជ្ញាធរខេត្ត និងមន្ត្រីជំនាញកំពុងយកចិត្តទុកដាក់រៀបចំប្រាសាទ ដើម្បីទាក់ទាញភ្ញៀវជាតិអន្តរជាតិក្នុងឱកាសបុណ្យចូលឆ្នាំប្រពៃណីខ្មែរក្នុងកិច្ចប្រជុំឆ្លងរបាយការណ៍ឆ្នាំ២០១៩ ដែលត្រូវបានធ្វើឡើងនៅព្រឹកថ្ងៃទី០៨ ខែមករា ឆ្នាំ២០២០ នៅសាលប្រជុំសាលាខេត្តបន្ទាយមានជ័យ ។
លោក អ៊ុ រាត្រី អភិបាលខេត្តបន្ទាយមានជ័យលើកឡើងថា នៅខេត្តបន្ទាយមានជ័យដោយតាមរបាយការណ៍មន្ទីវប្បធម៌ និងវិចិត្រសិល្បៈខេត្តមានប្រាសាទចំនួន៣៧កន្លែង ទួលប្រាសាទចំនួន៤២៩កន្លែង ទួលបុរាណចំនួន១៤៦កន្លែង បារាយណ៍ចំនួន២០កន្លែង ស្រះបុរាណចំនួន១០៣កន្លែង ផ្លូវបុរាណចំនួន១១កន្លែង និងស្ថានីយបុរាណចំនួន១០កន្លែង។
លោកបានបញ្ជាក់ថា ជាក់ស្តែងនៅក្នុងខេត្តបន្ទាយមានជ័យប្រាសាទបុរាណដែលប្រជាពលរដ្ឋបានស្គាល់ គឺមានប្រាសាទបន្ទាយឆ្មារ និងប្រាសាទបន្ទាយទ័ព ដែលស្ថិតក្នុងឃុំបន្ទាយឆ្មារស្រុកថ្មពួក ក្នុងឱកាសបុណ្យចូលឆ្នាំប្រពៃណីខ្មែរ ឆ្នាំ២០១៩កន្លងទៅភ្ញៀវទេសចរណ៍ជាតិអន្តរជាតិទៅលេងកម្សាន្ត និងទស្សនាប្រាសាទមានមិនតិចជាងម៉ឺននាក់ ។
លោក អ៊ុ រាត្រី បានបញ្ជាក់ថា ជាក់ស្តែងក្នុងឱកាសបុណ្យប្រពៃណីខ្មែរកន្លងទៅនេះ មានប្រជាពលរដ្ឋ១ថ្ងៃរាប់ពាន់នាក់ ទៅលេងប្រាសាទមេបុណ្យ ដែលត្រូវបានរៀបចំកែលំអរដោយលោកជំទាវ ម៉ៅ ម៉ាល័យ ដែលជាភរិយារបស់ឯកឧត្តម កែ គឹមយ៉ាន ឧបនាយករដ្ឋមន្ត្រី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀនបានកសាងស្ពានឈើប្រវែងជិត១.០០០ម៉ែត្រតភ្ជាប់ពីទីទួលទៅប្រាសាទមេបុណ្យដែលរៀបចំបរិស្ថានខឿនឈើជុំវិញប្រាសាទបាក់បែក ។
លោក ខេង ស៊ុម ប្រធានក្រុមប្រឹក្សាខេត្តបន្ទាយមានជ័យបានកោតសសើរចំពោះការយកចិត្តទុកដាក់លោកជំទាវ ម៉ៅ ម៉ាល័យ ដែលជាភរិយារបស់ឯកឧត្តម កែ គឹមយ៉ាន តែងតែយកចិត្តទុកចំណាយទាំងកម្លាំងកាយចិត្ត និងធនធានបានរៀបចំប្រាសាទបន្ទាយឆ្មា និងប្រាសាទបន្ទាយទ័ព និងប្រាសាទមេបុណ្យឲ្យមានសោភ័ណភាពល្អទាក់ទាញភ្ញៀវជាតិអន្តរជាតិចូលមកកម្សាន្តទស្សនា ។
លោកបានបញ្ជាក់ថា ខេត្តបន្ទាយមានជ័យឆ្នាំ២០២០នេះ ដោយបានការយកចិត្តទុកដាក់ពីលោកជំទាវ ម៉ៅ ម៉ាល័យ ដែលជាភរិយារបស់ឯកឧត្តម កែ គឹមយ៉ាន បានរៀបចំតំបន់រមណីដ្ឋានមួយទៀត គឺអាងជើងគ្រួសដែលជាតំបន់រមណីដ្ឋានធម្មជាតិសម្រាប់បងប្អូនប្រជាពលរដ្ឋលេងកម្សាន្តក្នុងឱកាសបុណ្យចូលឆ្នាំថ្មីប្រពៃណីខ្មែរខាងមុខនេះ ៕
ចែករំលែកព័តមាននេះ