កូនស្រី នាយ កយ រំលឹកឈុតមួយដែលធ្វើឱ្យនាងស្ទើរតែបោះបង់សិល្បៈ
- ភ្នំពេញ
រាជធានីភ្នំពេញ ៖ សម្រាប់តួអង្គ កុមារី ដែលមាននៅលើវិស័យភាពយន្តល្បីមួយចំនួនឃើញថា ចៅស្រីនាយ កុយ កុមារី ជី ឈីនលីន…
រាជធានីភ្នំពេញ ៖ សម្រាប់តួអង្គ កុមារី ដែលមាននៅលើវិស័យភាពយន្តល្បីមួយចំនួនឃើញថា ចៅស្រីនាយ កុយ កុមារី ជី ឈីនលីន…
រាជធានីភ្នំពេញ ៖ សម្រាប់តួអង្គ កុមារី ដែលមាននៅលើវិស័យភាពយន្តល្បីមួយចំនួនឃើញថា ចៅស្រីនាយ កុយ កុមារី ជី ឈីនលីន បានស្រវាការងារជាតារាសម្តែងទាំងនៅវ័យក្មេង។ ដំណើរចូលវិស័យសិល្បៈ របស់នាង គឺដូចទៅនឹងរៀមច្បង ដាញ់ ម៉ូនីកា ឬ លី ច័ន្ទសីហាជាដើម។
ឆ្នាំ២០១៩ កន្លងផុតទៅ ឈីនលីន បានថតខ្សែរឿងច្រើនគួរសម ក្រៅពីនេះនាងក៏ចងចាំនូវអនុស្សាវរីយ៍ជាច្រើនទាំងពេលខ្លះ ចង់ដើរចេញពីសិល្បៈ។ ជី ឈីនលីន កំពុងត្រៀមខ្លួនបង្ហាញស្នាដៃរឿងនិយាយពីជីវិតពិតមួយរបស់អ្នកធាក់ស៊ីក្លូ រឿង «ដើម្បីកូន»។ ក្នុងអាយុជាង១០ឆ្នាំ នាងតូចមួយនេះ ក្រសោបបានការងារច្រើន ស្ទើរតែមិនគួរឱ្យជឿ រហូតខ្លះនិយាយថា មានខ្សែ មានខ្នង ទើបចេញមុខច្រើនលើសិល្បៈ ជាពិសេសបានតារាកំប្លែងជើងចាស់នាយ កុយ និង នាយ កយ ជាឪពុក បើកផ្លូវរកទីផ្សារការងារជូន។
យ៉ាងណា មានខ្នងបង្អែក បើសិនអសមត្ថភាព ក៏មិនអាចដើរឈទៅមុខបានឡើយ ហើយមេកើយក៏មិនទទួលយកទៅបំពេញការងារឡើយ។
ឈីនលីននិយាយថា ការងារសិល្បៈរបស់នាង គឺបោះពួងខ្លាំងជាងមុន សម្រាប់ឆ្នាំ២០២០ នេះ គឺមិនទាន់ទទួលយកកុងត្រារឿងណានៅឡើយទេ។ ចំពោះមូលហេតុ សល់រឿងឆ្នាំចាស់ខ្លះ មិនទាន់ថតចប់ និងខ្លះទៀតត្រៀមចាក់បញ្ចាំង។ ដូច្នេះមិនទាន់ទទួល ដោយសារតែចង់ទុកពេលរៀនសូត្រជាសំខាន់ ហើយក៏ជាបំណងរបស់អ្នកផ្ទះ ជាពិសេសតា និងប៉ាចង់ឱ្យរៀនចេះដឹងសិន។
ឈីនលីន ដែលជាកូនស្រីច្បងរបស់នាយ កយ ក្នុងចំណោមបងប្អូន៣នាក់ ក្នុងនោះប្រុស២នាក់ បានបន្តថា «នាងសម្តែងកុនតាំងពីវ័យ៤ឆ្នាំជាង មាននូវការយល់ដឹងច្រើន ហើយពីសិល្បៈ ព្រោះសិល្បៈមិនងាយស្រួលក្នុងការធ្វើឡើយ បើគ្រាន់តែអង្គុយមើល។ ជាក់ស្តែងកាលពីនាងនៅអាយុក្បែរ៥ឆ្នាំ សម្តែងឈុតជនអគតិចាប់រំលោភ ក្មេងស្រីមិនគ្រប់អាយុ ពេលនោះហើយធ្វើឱ្យនាង តក់ស្លុត ទទួលយកស្ទើរតែមិនបាន។
លើសពីនេះទៀត សោតឈុតហែលទឹក គេខ្លាចបំផុត អត់ចេះហែល ហើយតម្រូវឱ្យលោតពីលើចូលទឹក។ ពេលនោះហើយ ចង់ឈប់លេងកុនឈប់សម្តែងទៀតហើយ តែដោយសារតែការស្រឡាញ់ ការនឹកឃើញពីជីវិតសិល្បៈរបស់លោកតាកុយ និងប៉ា ក៏ចេះតែតស៊ូជម្នះធ្វើឱ្យបាន ទោះត្រូវឈ្លក់ទឹកលង់មែនទែនបែបណា ក៏ត្រូវប្តូរឱ្យបាន»។
ចំពោះលោកតា និងប៉ា កយ វិញ ពេលឃើញនាងជោគជ័យ មានតែអាណិត ឱ្យចេះដាក់ខ្លួន ចេះដឹងគោរពចាស់ទុំ លើកដៃសំពះគេ ពេលទៅណាមកណា ហើយត្រូវគិតពីសុខភាពផង ព្រោះថតឆ្ងាយៗ និងយប់ជ្រៅទល់ភ្លឺក៏ឃើញ។ (កែសម្រួលដោយ ៖ បុប្ផា)
ចែករំលែកព័តមាននេះ