នៅក្នុងការប៉ះទង្គិចគ្នាចុងក្រោយរវាងកងទ័ពដែលមានភក្ដីភាពចំពោះលោកនាយករដ្ឋមន្ដ្រីអាប់ភីស៊ីត ជាមួយក្រុមបាតុករ អាវក្រហមដែលគាំទ្រលោកថាក់ស៊ីន ស៊ីណាវ៉ាត្រា កាលពីថ្ងៃទី១៩ ឧសភា កន្លងមកត្រូវបានគេរាយការណ៍ឱ្យដឹងថា ស្លាប់មនុស្ស១៦នាក់ ក្នុងនោះក៏មានអ្នកថតរូបជនជាតិអ៊ីតាលីម្នាក់ផងដែរ ។ ការប៉ះទង្គិចគ្នាលើកចុងក្រោយនេះបង្កឱ្យមានប្រតិកម្មយ៉ាងខ្លាំងពីសហគមន៍អន្ដរជាតិ ដោយសហគមន៍អឺរ៉ុបជាថ្មីម្ដងទៀតបានអំពាវនាវឱ្យរដ្ឋាភិបាលរបស់លោកអាប់ភីស៊ីត និងក្រុមបាតុករអាវក្រហមផ្សះផ្សារគ្នាដើម្បីបញ្ចប់ការប៉ះទង្គិចគ្នាប្រកបដោយការបង្ហូរឈាម ចំណែករដ្ឋាភិបាលអាមេរិក ក្រោមការដឹកនាំរបស់លោកប្រធានាធិបតី បារ៉ាក់ អូបាម៉ា បានទទូចសុំឱ្យលោកនាយករដ្ឋមន្ដ្រីអាប់ភីស៊ីត និងក្រុមបាតុករអាវក្រហមស្វែងរកដំណោះស្រាយដោយសន្ដិវិធីដើម្បីបញ្ចប់ការមិនចុះសំរុងគ្នា ។ ជាមួយគ្នានេះដែរ ក្រុងវ៉ាស៊ីនតោនថ្កោលទោសយ៉ាងខ្លាំងចំពោះការវាយប្រហារទៅលើក្រុមបាតុករអាវក្រហមនិងការដុតអគារនៅក្នុងទីក្រុងបាងកក ៕
ចែករំលែកព័តមាននេះ