ខេត្តត្បូងឃ្មុំ ៖ ផ្លូវជាតិលេខ៧ចាប់ពីស្រុកពញាក្រែក ជាប់ព្រំដែនប្រទេសវៀតណាម រហូតមកដល់ស្រុកត្បូងឃ្មុំមានព្រំប្រទល់ជាមួយនឹងខេត្តកំពង់ចាមបានរងការខូចខាតស្រុត មានរណ្តៅសំបុកមាន់ជាច្រើនកន្លែង ថែមទាំងមានទឹកដក់ដូចថ្លុកត្រពាំង ។ កត្តាដែលខូចនេះត្រូវបានគេសង្ស័យថាមកពីរថយន្តធុនយក្សដឹកទំនិញ-ដឹកឈើរបស់ឧកញ៉ាបើកឆ្លងកាត់។
ខេត្តត្បូងឃ្មុំ ៖ ផ្លូវជាតិលេខ៧ចាប់ពីស្រុកពញាក្រែក ជាប់ព្រំដែនប្រទេសវៀតណាម រហូតមកដល់ស្រុកត្បូងឃ្មុំមានព្រំប្រទល់ជាមួយនឹងខេត្តកំពង់ចាមបានរងការខូចខាតស្រុត មានរណ្តៅសំបុកមាន់ជាច្រើនកន្លែង ថែមទាំងមានទឹកដក់ដូចថ្លុកត្រពាំង ។ កត្តាដែលខូចនេះត្រូវបានគេសង្ស័យថាមកពីរថយន្តធុនយក្សដឹកទំនិញ-ដឹកឈើរបស់ឧកញ៉ាបើកឆ្លងកាត់។
អ្វីដែលគួរកត់សំគាល់នោះ គេសង្កេតឃើញមានកន្លែងជញ្ជីងថ្លឹងរថយន្តផ្ទុកលើសចំណុះដាក់ត្រង់ចំណុចឃុំជប់ ស្រុកត្បូងឃ្មុំ ថែមទៀត តែមូលហេតុអ្វីបានជាផ្លូវចេះតែស្រុតខូច ?
ប្រជាជនរស់នៅតាមដងផ្លូវក្នុងស្រុកពញាក្រែក សូមមិនបញ្ចេញឈ្មោះបានប្រាប់ឲ្យដឹងនៅល្ងាចថ្ងៃទី១៩ កក្កដា ២០១៤ ថា ក្នុងរដូវវស្សានេះព្រះភិរុណបានបង្អុរធ្លាក់មកទាំងមេៗ ទាំងនៅត្រើយខាងកើត និងត្រើយខាងលិចទន្លេមេគង្គ ជារឿយៗគេតែងតែឃើញរថយន្តធុនយក្ស ដឹកទំនិញគ្របបិទជិតៗចេញពីព្រំដែនវៀតណាមកាត់តាមផ្លូវជាតិលេខ៧ដើម្បីឆ្ពោះទៅរាជធានីភ្នំពេញមានទាំងយប់ ទាំងថ្ងៃ ពិសេសនៅពេលយប់ៗតែម្តង ។
ប្រជាជនបានប្រាប់បន្តទៀតថា ដូចជាផ្លូវត្រង់ចំណុចផ្សារស្ទឹង ស្ថិតនៅភូមិស្ទឹង ឃុំកោងកាង ស្រុកពញាក្រែក បានរងការខូចខាតជាខ្លាំងដែលធ្វើឱ្យរថយន្តធុនតូចៗពិបាកបើកបរ ស្រួលមិនស្រួលបែកកាទែហូរប្រេងបាតក៏មានដែរ ។ ជាក់ស្តែងរថយន្តប្រភេទសាំងយ៉ុង១គ្រឿង ដឹកអ្នកដំណើរចេញពីទិសខាងលិចទៅកើត មកដល់ត្រង់ផ្សារស្ទឹង ដោយសាររណ្តៅសំបុកមាន់ជ្រៅពេកអុករហូតដាច់របូតកង់សាកួរដាក់នៅពីក្រោមរថយន្ត ។
មានការលើកឡើងថា ប្រសិនណាបើមានរថយន្តដឹកអ្នកដំណើរដូចជាចេញមកពីខេត្តរតនៈគិរីប្រើប្រាស់ល្បឿនលឿនស្របពេលមេឃកំពុងតែភ្លៀងផងនោះមើលមិនដឹងថា នៅពីមុខមានរណ្តៅនោះទេ ដូច្នេះអាចនឹងត្រូវជួបគ្រោះថ្នាក់ជាយថាហេតុ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ