Pep Guardiola មិនទៅដឹកនាំក្រុម Man Utd ដាច់ខាតទោះក្នុងលក្ខខណ្ឌណាក៏ដោយ
តាមប្រភពព័ត៌មាន Soccer Laduma បានឱ្យដឹងថា អតីតអ្នកចាត់ការ FC Barcelona និង Bayern Munich…
តាមប្រភពព័ត៌មាន Soccer Laduma បានឱ្យដឹងថា អតីតអ្នកចាត់ការ FC Barcelona និង Bayern Munich…
តាមប្រភពព័ត៌មាន Soccer Laduma បានឱ្យដឹងថា អតីតអ្នកចាត់ការ FC Barcelona និង Bayern Munich លោក Pep Guardiola ដែលបង្វឹកនៅ Manchester City តាំងពីឆ្នាំ២០១៦ បានបង្ហើបពីក្លិបដែលលោកមិនចឹងទៅកាន់ ។
នៅពេលដែលលោក Alex Ferguson បានចាកចេញពីក្រុមបិសាចក្រហម Manchester United ក្នុងឆ្នាំ ២០១៣ លោក Guardiola ត្រូវបានក្លិបនេះទាក់ទងឱ្យទៅធ្វើជាគ្រូបង្វឹក ។ ៧ ឆ្នាំក្រោយមកបុរសវ័យ ៤៨ ឆ្នាំរូបនេះបានទទូចថា ក្រុមបិសាចក្រហមគឺជាក្លិបដែលគាត់មិនដែលគិតថា នឹងទៅគ្រប់គ្រងជាដាច់ខាត ។ នេះក៏ដូចទៅនឹងក្លិបអធិរាជស Real Madrid ផងដែរ ដែលជាគូប្រជែងជាមួយនឹង Barcelona ។
គ្រូបង្វឹកជនជាតិអេស្បាញរូបនេះបាននិយាយថា៖«បន្ទាប់ពីការកាន់កាប់នៅ Manchester City ខ្ញុំនឹងមិនទៅកាន់នៅក្លិបបិសាចក្រហម Man Utd ទេ ។ វាដូចទៅនឹងការដែលខ្ញុំមិនកាន់នៅក្លិប Real Madrid ផងដែរ»។ លោកបានបន្តថា ៖«ខ្ញុំនឹងនៅម៉ាល់ឌីវ ប្រសិនបើគ្មាននរណាម្នាក់ហៅខ្ញុំទៅកាន់នៅក្លិបណាមួយទេ។ ខ្ញុំក៏អាចនឹងមិននៅម៉ាល់ឌីវក៏ថាបាន ព្រោះតែនៅទីនោះគ្មានទីធ្លាវាយកូនហ្គោល»។
គួរបញ្ជាក់ផងដែរថា លោក Guardiola ក៏ធ្លាប់ប៊ិះចូលលេងនៅ Manchester United ក្នុងនាមជាកីឡាករម្តងដែរ ក្រោមការដឹកនាំរបស់លោក Ferguson តែលោកបានទៅលេងនៅអ៊ីតាលីវិញ បន្ទាប់ពីចាកចេញពីក្លិប Barcelona កាលពីឆ្នាំ២០០១ ៕
កែសម្រួលដោយ ៖ សំណាង
ចែករំលែកព័តមាននេះ